ممكن يا جماعه حد يفهمني التأمين الاجباري احنا مش بنستخدمه في الحوادث ليه؟

السلام عليكم ورحمة الله

انا في حاجه مش فاهمها
دلوقتي مش المفروض كلنا مأمنين اجباري تجاه الغير؟؟؟
وكلنا دافعين تمن التأمين ده؟
في السعوديه التأمين اجباري فعلا ولما بيحصل حادثه الكل بيكلم شركة تأمينه وعادي جدا
السؤال بقا
ليه محدش مننا بيستخدم التأمين ده في حالة الحوادث ويعوض المتضرر؟؟
ولا انا فاهم التأمين الاجباري في مصر غلط؟؟

في حاجه حاسس اني مش فاهمها
بالنسبالي بسأل لاني اول مره ارخص العربية كانت النهارده ودفعت تأمين تلات سنوات
فلو حصل حاجه (بعيد الشر) وتسببت في ضرر لحد مش المفروض اكلمهم ونعمل المحضر ونمشي في الاجراءات؟؟؟

معلش محتاج حد يفهمني لاني مش فاهم حاجه...


تحياتي

لا حضرتك فاهم غلط
التامين الاجباري دا تامين جزئي بيعوض الافراد "الراجلين" ال لو لا قدر الله حضرتك خبطهم سواء بالعلاج او بالدية في حالة الوفاة و بيغطي لغاية 40 الف جنيه

متابع

اقتباس:

---

المشاركة الأصلية كتبت بواسطة aly_hosny

لا حضرتك فاهم غلط
التامين الاجباري دا تامين جزئي بيعوض الافراد "الراجلين" ال لو لا قدر الله حضرتك خبطهم سواء بالعلاج او بالدية في حالة الوفاة و بيغطي لغاية 40 الف جنيه

---

:16::16::16::16:
بس برده تقريبا محدش بيطالب بيه

شوف .. الحكومة عندنا تاخد متديش

انت عايز تاخد فلوس مالحكومة :):)

هو فعلا للراجلين
لما واحد يتخبط ويتنازللك باخد بردو تعويض من التمين الاجبارى
حتى فى ناس بتعمل كدا وتتنازللك بس تاخد تعويض التامين الاجبارى (حصلت مع صاحبى محامى).

بس ياجماعه الوثيقه مكتوب فيها اضرار جسمانيه بقيمة 40 ألف جنيه عن الشخص الواحد واضرار مادية عن كل متضرر

يعني في اضرار مادية برضو؟؟؟!!!
حتى الشروط العامه مكتوب:
ان الشركه تتحمل الحالات الآتيه
الوفاة
العجز الكلي او الجزئي المستديم
الاضرار الماديه التي تلحق بممتلكات الغير وتشمل غير الركاب

الاستثناءات بقا:
لا يغطي التأمين بأي حال من الاحوال
قائد المركبه المتسببه للحادث
التلفيات التي تلحق بالمركبات


فانا مش فاهم يعني ايه اضرار ماديه ومنين بيغطيها
ومنين يرجع يقول ده مبيغطيش تلفيات المركبات
حاسس الكلام متناقض

حد عنده تعليق؟؟؟

اقتباس:

---

المشاركة الأصلية كتبت بواسطة hm414

بس ياجماعه الوثيقه مكتوب فيها اضرار جسمانيه بقيمة 40 ألف جنيه عن الشخص الواحد واضرار مادية عن كل متضرر

يعني في اضرار مادية برضو؟؟؟!!!
حتى الشروط العامه مكتوب:
ان الشركه تتحمل الحالات الآتيه
الوفاة
العجز الكلي او الجزئي المستديم
الاضرار الماديه التي تلحق بممتلكات الغير وتشمل غير الركاب

الاستثناءات بقا:
لا يغطي التأمين بأي حال من الاحوال
قائد المركبه المتسببه للحادث
التلفيات التي تلحق بالمركبات


فانا مش فاهم يعني ايه اضرار ماديه ومنين بيغطيها
ومنين يرجع يقول ده مبيغطيش تلفيات المركبات
حاسس الكلام متناقض

حد عنده تعليق؟؟؟

---

يمكن مثلا لو واحد خبط فى عمود نور , يصلحوا العمود من فلوس التأمين ده

اى حاجة مادية حصلها تلف غير العربيات , حسب ما فهمت

اقتباس:

---

المشاركة الأصلية كتبت بواسطة wahba87

يمكن مثلا لو واحد خبط فى عمود نور , يصلحوا العمود من فلوس التأمين ده

اى حاجة مادية حصلها تلف غير العربيات , حسب ما فهمت

---

لا
دي مش حقوق للافراد
دي حقوق مدنيه ومش ده اللي مكتوب في وثيقة التأمين
انما انا اجتهدت وحاسس ان قصدهم المتعلقات الماديه اللي بتبقى مع الشخص
يعني مثلا موبايل الشخص المخبوط لو اتفتفت واتكسر

مش عارف افهمها لكن حاسس ان احنا لازم نعرف اكتر من مجرد الاسم (تأمين اجباري)