يا جماعة انا كل مدخل اشترى اى حاجة من اى باى او امازون مبيقبلوش تقريبا غير الباى بال الموضوع ده ملوش حل !!!! انا ممكن ادفع بالفيزا عادى وعندى عنوان تبع اراميكس فى انجلترا اشحن علية الحاجة
عرض للطباعة
يا جماعة انا كل مدخل اشترى اى حاجة من اى باى او امازون مبيقبلوش تقريبا غير الباى بال الموضوع ده ملوش حل !!!! انا ممكن ادفع بالفيزا عادى وعندى عنوان تبع اراميكس فى انجلترا اشحن علية الحاجة
ﻷ ebay.co.uk بيقبل فيزا عادي بس الفكرة مش كل التجار بيقبلوا الفيزا هتلاقي حاجات وحاجات
المشكلة انى تقريبا ملقتش ولا واحد بيقبل فيزا لكن موضوع الباى بال ملوش حل !اقتباس:
المشاركة الأصلية كتبت بواسطة yoko
لو هتشترى حاجة من أمريكا, فى شركة اسمها إدفعلى بيشترولك الحاجة و يحاسبوك على الشحن و الجمارك و 5% ليهم من تمنها
https://www.facebook.com/edfa3ly?ref=ts
دخلت تاني لقيت فعلا لاغين أي حاجة غير الpaypal
شكرا بس مفيش غير الحل ده ؟اقتباس:
المشاركة الأصلية كتبت بواسطة moe86
للأسف هما مبيشتروش موبيلات
هو فى حل , بس منصحكش بيه لو ناوى تشترى حاجات غالية
انا عندى حساب على باى بال من حوالى 4 سنين او اكتر , عملته بطريقة لولبية كده كان واحد صاحبى قالى عليها
اولا صاحبى ده اشترالى بالباى بال بتاعه حاجة اسمها virtual credit card OR VCC
بعد كده دخلت على باى بال و عملت register على اساس ان انا من الهند , و ضربت عنوان هندى , و حطيت ال credit card الوهمى ده , و بقى معايا verified paypal account
الكلام ده كان ايام الشقاوة , و اشتريت حاجات كتير من ebay بس كلها حاجات رخيصة , بطارية موبايل , شاحن موبايل , و بيتبعتوا بالبريد العادى (جواب)
عشان تحط فلوس فى حسابك , فى ناس هنا فى مصر بيحولولك من الباى بال بتاعهم مقابل ان انت تبعتلهم الفلوس تحويل بنكى , هتلاقى الناس دى فى المنتديات , و بيحولك الدولار بسعره او يمكن ارخص , لأن هو اصلا بيكون معاه فلوس فى الباى بال كسبها من شغل على النت مثلا و بيكون نفسه يحولها كاش , يعنى هو محتاجك اكتر ما انت محتاجه , عشان كده مش بياخد عموله و ساعات بيحسبلك الدولار ارخص من سعره حاجة بسيطة
طبعا متقدرش تحط مبلغ كبير عشان انت اصلا مخالف , و لو اتقفشت ممكن فلوسك تروح عليك
و احتمال كبير يكون paypal كشفوا الحيلة دى و متعرفش تعمل بيها حساب اصلا
وربنا يوفقك يا باشا
للأسف اعتقد ان باى بال عارفين المووضع ده أصلا لأنهم مبيقبلوش اى ترانسأكشن من اى فيزا او كريدت من مصر عمتا حتى لو عندك حساب فاليد لأنى عملته قبل كده وبالنسبة لموضوع المنتدى هيا فكرة حلوة بس المشكلة انته بتحول فلوس لحد متعرفوش ومتضمنهوش فمش هينفع والف شكر على تعبك ... هو تقريبا مفيش حل للأسفاقتباس:
المشاركة الأصلية كتبت بواسطة wahba87
ان شاء الله paypal يحترموا مصر بعد الثورة و يشتغل فيها عادى بعد كدة !
المشكلة ان مصر معندهاش امكانيات عشان تشغل على pay pal و بصراحة ليهم حق ميشغلوهوش ده احنا عندنا كمية نصب فى الواقع (الاسواق الحقيقية)ما بالك بالاليكترونية ؟؟؟ ربنا يستر و ان شاء الله pay pal تشتغل فى مصر
انصحك ماتجيبش حاجه من ebay فيهم كتير نصابين و ده بشهادة ناس اعرفهم شخصيا
اقتباس:
المشاركة الأصلية كتبت بواسطة bishoy02010
طيب شوف دول كده
اقتباس:
المشاركة الأصلية كتبت بواسطة m.alaa92
يا باشا احنا إلي فعلاً سرقنا التروماي في اسكندرية احنا بتوع الشغل إلي على مايا بيضة هههههههة
اقتباس:
المشاركة الأصلية كتبت بواسطة rosebox
مش كلهم نصابين يا باشا
المهم البائع يكون Top-rated seller أو Positive feedback فوق ال %99 و كده هتضمن إن اللي هتشترية هيكون حاجه مضمونة و زي ما مكتوبة في الوصف.
اقتباس:
المشاركة الأصلية كتبت بواسطة Dr.Karim Emam
دول إيه ؟؟؟