الموضوع: سؤال جه ف بالي: ياتري إنت فاكر شربت كام سيجارة لحد دلوقتي؟؟ من أول ما بدأت تدخين؟؟

المشاركة الأصلية كتبت بواسطة khpopo

الحمدلله الذى عفانى اللهم ثبتنا
انا بطلتها داخل على سنه وبعد 25 سنه او اكثر تدخين ملعونه السجاير ربنا يسامحنا

المشاركة الأصلية كتبت بواسطة human12

تقريبا اربع سجاير

بس الشيشه كتير جدا
تفاح و بعدين معسل لمده عشر سنين

والنتيجه دور التهاب رئوى شعبى ربوى بتنجانى حاد مبهدلنى

و بفكر جديا ابطل عشان الدكتور قاللى لو جالك تانى هيعلم عليك ويسبلك ذكرى

المعسل ده كمان مشكلة السنين
ده المشكلة إللي بعاني فيها مع والدي ومعسل قص كمان مش تفاح
بجد أنا تعبت منه والدماغ الصعيدي كمان ماتتوصاش

المشاركة الأصلية كتبت بواسطة nabaster

سجارتين......

A.Yakout

هههههههه تصدق إقتنعت

المشاركة الأصلية كتبت بواسطة _Ahmed_casper_

12‏ سنه نقول كل يوم علبه لأن ساعات بتزيد و ساعات ببطل
يعنى ممممم . 12*356*20=85440
‏ ياسلاااام بقا لو تسأل سؤال محرج و تسأل الشباب يعترفو كام سجاره شرعيه و كام سجاره مش شرعيه

+1111111111 فالجوووون السؤال ده

المشاركة الأصلية كتبت بواسطة yoko

الحمد لله 0 سجارة
(عمري ما حاولت أصلا)
مع إن إتعرض عليا سجاير شرعي وعرفي وكل ما تتخيلوه

المشاركة الأصلية كتبت بواسطة M_Marwan

تقريبا علبه أو أتنيين

عاوز أقولكوا أن معايا ناس فى البريمه (حفاره البترول) السجاره وراها سجاره على طول !!!

بنقعد فى الصحرا شهر أو شهر ونص ةأستحاله الناس ديه تبطل شرب سجاير

أيوة علبة ولا أتنين طول حياتك ولا فالشهر ولا إيه بالظبط؟؟

المشاركة الأصلية كتبت بواسطة Ahmed_lol2007

الحمد الله
ولا سيجارة ولا بطيق ريحتها وبإذن الله مش هقرب ليها نهائى
والحاجة الحلوة إن لا أخويا ولا والدى بيشربوها خالص هما كمان

جميل جدآآآآ بجد الحاجة الوحيدة إللي نفسي بابا يبطلها
لكن ولا حياة لمن تنادي
أنا فرجتو ع الفيديو ده وقاعد ومركز جدآآآآآ
وقولتوا هااااا إيه رأيك؟؟
تتخيلوا الإجاة كانت إيه؟؟
أنا مش بشرب سجاير...ده معسل بس
انا كنت هتنقط إمبارح
المهم كام سيجارة شرعية وكام مش شرعية يلا بقي الصراحة راحة ياجدعاااان