أرجوكم إلحقونى بأفكاركم أنا هيجرالى حاجه (لخبطه فى السنتر والإنذار والكاسيت)

السلام عليكم ورحمة الله وبركاته
عربيتى شاهين موديل 2004
والحمد لله كانت ماشية زى الفل
الاسبوع اللى فات قولت اغير الإكصدام الأمامى بواحد جديد علشان عندى كان مكسور
وغيرت كمان 3 أوكر
طبعا السمكرى فك فرش البابين الأماميين
ومن ساعه ما حط ايده الكريمة
ومن يومها واللخبطة والعك اشتغل معايا وبدأت رحلة العذاب
بعد ما طلعت من عند السمكرى اكتشفت ان السماعه اللى فى باب السائق مش شغاله
رجعتله قالى انا موصلها المهم فتح تانى ووصلها واشتغلت طيب الحمد لله
روحت البيت قفل العربية واستريحت نص ساعه نزلت تانى بفتح السنتر بالريموت السنتر يفتح الأبواب وفى جزء من اللحظة ينزل تانى ويفضل يكرر العملية ديه لازم وانا بأفتح بالريموت يكون ايدى على الأوكره علشان ألحق افتحها بسرعه ولو حالفنى الحظ وفتحت باب السائق باقى الأبواب بتقفل
كمان الراديو كاسيت بقى بيخرف كل يوم بحس كإن البطارية اتفصلت عنه انا بسجل فيه إذاعه القرآن الكريم وغيرها من الإذاعات لما بركن العربية فترة وبفتحها تانى كل الإذاعات المتسجلة بتتمسح الحركة ديه مكنتش بتحصل إلا لما بفصل البطارية بقت بتحصل كل يوم
الألعن بقى انى ساعات بشغل الكاسيت شاشته بتنور والقراءة عليه بتقول انه شغال بس مفيش اى صوت طالع من أى سماعه بمجرد فتح الباب وغلقه ألاقى الصوت اشتغل أقول للكهربائى كده يفكرنى مجنون :angry06:
طب شوف ياعم الكهربائى السنتر فتح باب اللى بجوار السائق وقعد يلعب فى المنفاخ بتاع السنتر وبعدها السنتر مبقاش بيعلق طول اليوم بس بيعلق مرة أو مرتين طوال اليوم
رجعتله بقوله بيعلق الصبح أول ما ببدأ يومى يقولى مهو زى الفل اهوه وفعلا مش بيعلق قدامه مهما جرب
إمبارح كنت فى مشوار وجيت اركب العربية علشان امشى شغلت الكاسيت وبدور العربية لاقيت الكاسيت طفى والإنذار اشتغل وحلف ماهو طافى فضلت احاول فى الإنذار بالريموت مفيش فايده السرينه شغاله متواصل كإنى حرامى بيسرق العربية مشيت بالعربية كده والسرينه شغاله وقولت أروح للكهربائى بالدليل على ما قربت أوصله لاقيت السرينه طفت وكل شيئ بقى طبيعى الكهربائى قالى الإنذار عاوز يتعمله رسيت وفك الفيوز بتاعته ووصلها تانى وكل الأمور طبيعيه
سيبته وروحت مشوار وركنت ونازل لاقيت السنتر بيخرف

الخلاصة تخاريف غريبه وعجيبه فى السنتر والإنذار والكاسيت هيهبلنى

النهاردة سبت شغلى وتفرغت للافلام ديه بقالى 12 ساعه روحت للكهربائى ولواحد متخصص فى الكاسيت
ولما اروح تلاقى كل شيئ طبيعى
روحت لاقيت فيوز الكاسيت اتحرقت
غيرتها
ونفس التخاريف والعك
مش عارف أعمل ايه
غلب حمارى
:B4_611:

فيه أفلام كتيره كمان حصلتلى هقولها فى الحلقة القادمة
علشان تعبت جدااااااااااااااااا

اعمل زار ولا ايه يا اخونا
مفيش اى حل

على فكرة انت مشكلتك دية كلها تتلخص فى وجود سلكتين ملمسين فى بعض او حاجة متركبة غلط بتؤدى الى التهيس دة

وطالما عندك الفيوز اتحرق بتاع الكاسيت يبقى فية توصيلة غلط معمولة

ولما تحب تفصل الريموت تشيل الباور من جهاز السنتر نفسة عشان يشيل اى برمجة متخزنة

اقتباس:

---

المشاركة الأصلية كتبت بواسطة semsem kane

على فكرة انت مشكلتك دية كلها تتلخص فى وجود سلكتين ملمسين فى بعض او حاجة متركبة غلط بتؤدى الى التهيس دة

وطالما عندك الفيوز اتحرق بتاع الكاسيت يبقى فية توصيلة غلط معمولة

ولما تحب تفصل الريموت تشيل الباور من جهاز السنتر نفسة عشان يشيل اى برمجة متخزنة

---

شكرا اخى الفاضل على المرور الطيب
مهو انا بقول كده للكهربائى وهوه مصمم ان كل حاجه سليمة
وشايف ان اللى بقوله ده أوهام
الغريب انى لما بروحله المشاكل ديه بتختفى
:oops1:

افتح بس فرش الباب وظبط اسلاكك واتاكد ان كلها تمام , وسيبك منة

وبعد كدة شيل فيشة السنتر وركبها تانى , واظبط فيوز الكاسيت وربنا يسهلها ان شاء الله

اقتباس:

---

المشاركة الأصلية كتبت بواسطة semsem kane

افتح بس فرش الباب وظبط اسلاكك واتاكد ان كلها تمام , وسيبك منة

وبعد كدة شيل فيشة السنتر وركبها تانى , واظبط فيوز الكاسيت وربنا يسهلها ان شاء الله

---

الله ينور عليك
فكيت فرش باب السائق
لاقيت الكلبسات اللى فى السماعه معوجين شويه
عدلتهم وعزلتهم بشيكرتون
وتخاريف الكاسيت تقريبا انتهت
بس لسه الحكم النهائى بعد التجربه يوم ولا اتنين
السنتر بقى بيقلع مرة أو مرتين فى اليوم
فى أول مرة اشغل فيها العربيه فى بدايه يومى
بعد كده بيشتغل طبيعى

بالنسبة لفيشه السنتر معرفش مكانها فين وشكلها عامل ازاى

جزاك الله خيراً

السلام عليكم ورحمة الله...

ان شاء الله تلاقي الحل ...

السلام عليكم ورحمة الله...

انا كنت خارج في المشاركه اللي فاتت وكنت مستعجل..

قريت الموضوع تاني وربنا يكون في عونك...هو في استفسار صغير بعد اذنك ,ايه نوع السنتر اللي عندك ؟

بالنسبه للكاسيت انه شغال وكل حاجه تمام ومفيش صوت ,,بيقبي 90% في فردتين سماعه ملمسين علي بعض.ولو فضلوا كده بيطيروا جنب سماعات من الكايت يعني الكاسيت يشتغل علي جنب واحد مش اتنين.

بالنسبه لموضوع السنتر اكيد حضرتك عندك زراير في الباب اليمين واليسار اماي وخلفي بتوع لمبة الصالون.

الطبيعي تفتح الباب لمبة الصالون تنور لو انت مختار الوضع ده... صح؟انا عايز حضرتك تجرب باب باب وتشوف اللمبه هاتنور مع كل باب ولا لا؟ لو في باب حضرتك قفلته وفضلت اللمبه منوره ,اعرف ان الباب ده هو اللي عاملك المشكله.هاتفك زرار الباب ده وتتاكد ان الفرده اللي واصله فيه مش ملمسه ارضي في جسم العربيه وتلف علي الكلبس شريط لحام .
بالنسه لموضوع رستارت للسنتر لو نوعه ولف السنتر ده بيبقي غالبا ليه زرار مستخبي في مكان اللي مركبه بس هو اللي عارفه
الزرار عند الضغط عليه بيعمل رستارت ..وان شاء الله يكون كلامي صح ,

اقتباس:

---

المشاركة الأصلية كتبت بواسطة abo_kanze

السلام عليكم ورحمة الله...

انا كنت خارج في المشاركه اللي فاتت وكنت مستعجل..

قريت الموضوع تاني وربنا يكون في عونك...هو في استفسار صغير بعد اذنك ,ايه نوع السنتر اللي عندك ؟

بالنسبه للكاسيت انه شغال وكل حاجه تمام ومفيش صوت ,,بيقبي 90% في فردتين سماعه ملمسين علي بعض.ولو فضلوا كده بيطيروا جنب سماعات من الكايت يعني الكاسيت يشتغل علي جنب واحد مش اتنين.

بالنسبه لموضوع السنتر اكيد حضرتك عندك زراير في الباب اليمين واليسار اماي وخلفي بتوع لمبة الصالون.

الطبيعي تفتح الباب لمبة الصالون تنور لو انت مختار الوضع ده... صح؟انا عايز حضرتك تجرب باب باب وتشوف اللمبه هاتنور مع كل باب ولا لا؟ لو في باب حضرتك قفلته وفضلت اللمبه منوره ,اعرف ان الباب ده هو اللي عاملك المشكله.هاتفك زرار الباب ده وتتاكد ان الفرده اللي واصله فيه مش ملمسه ارضي في جسم العربيه وتلف علي الكلبس شريط لحام .
بالنسه لموضوع رستارت للسنتر لو نوعه ولف السنتر ده بيبقي غالبا ليه زرار مستخبي في مكان اللي مركبه بس هو اللي عارفه
الزرار عند الضغط عليه بيعمل رستارت ..وان شاء الله يكون كلامي صح ,

---

الله ينور عليك
كنت عاوز اضيف حته صغيره عشان تعمل رست للسنتر ممكن تشيل كابل البطاريه وتستنى 10 ثوانى وتركبه ثانى