ازاى احول الفتيس الاوتو الى مانول لو ممكن الطريقه والطلبات والتكلفه
جزاكم الله خيرا
عرض للطباعة
ازاى احول الفتيس الاوتو الى مانول لو ممكن الطريقه والطلبات والتكلفه
جزاكم الله خيرا
هو كان في احد الاعضاء زمان حاطط ازاي تحول المانيوال لاوتو
بس العكس اعتقد هتبقي نفس الخطوات
اعمل سيرش هنا
عكس تحويل الاوتو
كل اللي فيها هاتجيب فتيس استيراد منيوال وهاتجيب عصايه فتيس وكبالن عاديه وبدالين واحد فرامل والتاني دبرياج لان الفرامل في الاوتو عريض ولو عداد العربيه عندك فيه حروف الفتيس يبقا هاتغيره بواحد عادي وهاتغير الريداتير بعادي مكان الردياتير الاوتو وتقريبا هاتعدل في الضفيره بيتهيالي كدا بس
ايوا وبكده يبقى التكلفه اصبحت حوالى 2500 جنيه شكرا
لا ياباشا مش هاتجيب التكلفه دي خالص لو حاجة الدايو رخيصة زي الهيونداي يبقا مش هتتكلف 2500 ابدا
ياراجل الناس كلها بتتمنى تركب اوتو دلوقتى عشان الزحمة
وانا واحد منهم اقولك على صفقة حلوة انا معايا مانيوال وعايز اوتو وحضرتك معاك اوتو وعايز مانيوال
احنا نبدل العربيات اية رأيك ........ ههههههه (طبعا بهزر)ربنا معاك ويسهلك فى اللى عايز تعملة بصراحة معنديش معلومات للموضوع دة.
يا جماعه الحمد لله الاوتو جميل ومش بيعطل كتير زى ما الناس فاهمه بس المشكله انك لما تيجى تبيع العربيه بيرخص من سعرها مش عارف ازاى بس المفروض العكس
طيب ياجماعه الخير لو فى حد يعرف التكلفه يقول لنا
بيع الاوتو وشتري مانيوال دا احسن من دوامه التعديل ولو ممكن تقولنا الاوتو مزعلاك في ايه