الموضوع: ما هي عيوب نيسان صني حتى 100000 كيلو

بصراحة حتة صوت العربية ديه بتحدد من حاجات كتير و منها :

اولا : ممكن تكون ودن حضرتك حساسة لسماع الاصوات .. يعني ممكن يكون صوت العربية واطي بالنسبة لي و يكون عالي بالنسبة لحضرتك
ثانيا : انا مثلا لما بحط بنزين 95 عايز اقول ان العربية تعتبر ملهاش صوت خالص غير لما احط بنزين 92 الصوت بيكون واضح علي السرعات القليلة.
ثالثا : الصوت برده ممكن يعلي لما حضرتك تغلق الاوفر درايف او تضغط علي دواسة الاكسلاتير عشان تعمل كيك داون.

اسباب كتيرة بتأثر علي صوت موتور العربية .. العربية تعتبر عيوبها قليلة لكن نظرا ً للتقفيل المصري هتلاقي حاجات لم تذكر مش هتحس بيها لو انت ركبت عربيات تقفيل خارج مصر قبل كده لكن في رأيي الشخصي ان من العيوب مثلا الكراسي بتتصنع في مصر و بالتالي بتكون ناشفة شوية لكن انا حلتها بعمل فرش تفصيل و بقي كأنك راكب بي ام مثلا ً

انا عايز حضرتك تدرس العربية من خلال المواضيع المثبتة عايز اقول لك ان المواضيع ديه فيها كنوز صنعها اعضاء القسم .. حاول تقرأ كل يوم خمس مواضيع بمشاركتها هتلاقي نفسك حفظت العربية و تأ:د انك مش هتلاقي مواضيع مكررة و لو لاقيت نفس الموضوع يبقي ممكن تلاقي معلومة زيادة جوا الموضوع . و مبروك مقدما ً

المشاركة الأصلية كتبت بواسطة fbiahmed

شكرا انا كان معايا سكودا فليشيا و سير كاتينتها جنزير صوتها عالي جدااااااااااا هي صوتها زيها كده ؟؟ تبقى مصيبه

هههههههههههه
لا ان شاء الله صوتها مش هايبقى زى الفيليشيا باذن الله
الفكرة فى ان فعلا العربية موتورها صوته رياضى شوية وهو مش ناعم زى عربيات كتير وصوته مسموع من اقل قرصه على الاكسلاتير
وكمان علشان عزل الصالون عن الحوض ضعيف شوية فاممكن الصوت يبقى داخل شوية جوة الصالون
لكن انتا بقى بتقارنها بامثالها من الكورى
العربية جريها حلو اوى وسحبها كويس حتى لو اوتوماتيك
دا غير الثبات والتحكم وعوامل الامان زى الايرباجز والabs
وبامانة ركوبة
وربنا يوفقك للخير باذن الله ومبروك مقدما