اقتباس:
المشاركة الأصلية كتبت بواسطة alfath8
السلام عليكم
بحكم عملى الذى يتطلب الوقوف اكتر من 12 ساعة يوميا اصبت بالآم شديدة على سمانة الرجل اليسرى وعايز اعرف هل الحل الجراحى للدوالى هو الحل الوحيد لأنى اعرف ان اغلب العمليات مش ناجحة وايه العلاج الكيمائى من غير التدخل الجراحى وايه حكاية شراب الدوالى وهو بيمنع تضخم الدوالى افيدونى افادكم الله
السلام عليكم و رحمة الله و بركاته
ألف سلامة على صحة سيادتك.
أنا من رأيى أنك تجرب الأول العلاج التحفظى و اذا جاب معاك نتيجة, OK , كمل عليه, لو فشل, نبقى نشوف حلول أخرى.
البس شراب دوالى فى الناحيتين اليمين و اليسار, مش اليسار بس, طول ما أنت واقف البسه, البسه من أول ماتصحى و طول ما أنت فى الشغل.
مواصفات الشراب:
فيه منه على ما أعتقد ألمانى Medi و سويسرى Venosan, هات السويسرى لأنه بيكون أريح و خاصة أننا داخلين على حر الصيف.
Class II
Open toes
Below knees
المقاس, هتلاقيه مكتوب على العلبة من ورا بالمقارنة بمحيط منطقة السمانة.
و يفضل أنك تاخد معاه علاج من اللى بيدعم جدار ألأوردة الدموية زى الDaflon 500 tabs و ده بتاخده قرص 3 مرات بعد الأكل.
و ألف سلامة عليك و ابقى طمننا عليك.