ظاهره السيارات النصين احذر فقد تكون سيارتك مــلــحومــــة !!!

**mahmoud_anwar** · 04-06-2011 08:40 PM

المشاركة الأصلية كتبت بواسطة heshamzaky

علشان تكتشفها صعب جدا جدا خصوصا لو معمولة بنظافة و على فكرة مش أى نصين بيتجمعو دى بتبقى متقطعة من الخارج مخصوص باحترافية ممتازة غير الانصاص الى بتلاقيها فى الحرفين كدة متقطعين

بس اكيد اكيد فيها حاجة تكشفها الي هيخليني فيما بعد اكتشف انها نصين اكيد فيها شيئ لو دورت فيها كويس اكيد هعرف بس المشكلة مش واحد بس الي هيلبس العربية ده هيلبسة بعده وبعده هيلبسه للبعدة

**mahmoud_anwar** · 04-06-2011 08:48 PM

المشاركة الأصلية كتبت بواسطة myself112

انت اخلع كل الى ممكن يتخلع , فرش ارضية , سقف , قوايم , اى حاجة ممكن تفكها فكها , انزل تحت العربية و حاول تدور كويس بالرغم من انك غالبا مش هتشوف حاجة من تحت , لان العربية اكيد بتبقى مشيت و لمت تراب وطين وكده , يعنى لو هترفع ممكن تغسلها من تحت علشان تعرف تدور كويس ...
و فى الاخر لازم يكون معاك صنايعى بيفهم اوى , و اى عربية تشك او تحس ان ممكن تكون ملحومة ابعد عنها , وفى الاول وفى الاخر الحاجات دى بتبقى نصيب وقدر ما نقدرش نمنعه كل الى علينا نعمله اننا نفحص العربية كويس على قد ما نقدر ...

بس معتقدش ان صحبها هيسمح انك تفك فرش الارضية او السقف او القوايم
بس موضوع مقلق محير بجد ربنا يسترها العربيات دي زي الستات
نصيب ممكن تاخد وحده تغلبك وممكن تاخد وحده بنت حلال تعيش فا العربيات دي عاملة زي الستات برضة

**ahmedsrs** · 04-06-2011 09:05 PM

كان فى واحد اعرفه كان معاه عربية بيجو 504 وكان شاريها مستعملة اكتشف انها ملحومة نصين بعد سنة عشان مع المطبات كانت بطق مع طلوع المطب. يعنى اعتقد انك لو رفعت العربية بالكوريك من قدام بحيث يكون العجلتين الى قدام مرفوعين والى ورا على الارض هتلاقى صعوبة او عدم سلاسة فى فتح وغلق الابواب وده بيحصل لو كان الشاسيه ملحوم من النص او لو الشاسيه مليان بارومة

**medododo** · 04-06-2011 09:25 PM

يا جماعة ممكن نفكر بطريقة مختلفة
لو العربية ملحومة كويس وصاحبها لاعب اللعبة دي ودخل العربية وعملها ورق وكله تمام ايه وبيبعها وبيؤلك انها لاحمة نصين وبيبعلك بي ام ب مثلا بربع تمنها انا عليا مسئولية قانونية؟؟؟

**l0new0lf** · 04-06-2011 09:30 PM

المشاركة الأصلية كتبت بواسطة medododo

يا جماعة ممكن نفكر بطريقة مختلفة
لو العربية ملحومة كويس وصاحبها لاعب اللعبة دي ودخل العربية وعملها ورق وكله تمام ايه وبيبعها وبيؤلك انها لاحمة نصين وبيبعلك بي ام ب مثلا بربع تمنها انا عليا مسئولية قانونية؟؟؟

المسئوليه القانونيه
ان القانون لا يحمى المغفلين
و هيعتبرك انت الى عامل العربيه على اديك
لغايه ما تثبت عكس ذلك

**MASERATI** · 04-06-2011 10:12 PM

السلام عليكم و رحمة الله و بركاته

ok, بعد كووووووووووووول الكلام ده, أنا من رأيى أن أى حد بيشترى عربية أيا كان نوعها, أنه يكشف عليها فى التوكيل, مهما كانت التكلفة و هوا فى التوكيل, يقولهم, أنا عاوز أتأكد أنهما مش نصين و ياخد من التوكيل اللى كشف تقرير, أنه لا توجد أى لحامات فى الشاسية, الجملة دى لازم تتكتب بوضووووووووووووووووح فى التقرير الفنى, على أساس أنه مافيش عربية نصين, الشاسية بتاعها مش ملحوم .

بعد كوووووووووووووول الروايات و الغش ده, اللى يستسهل و يشترى عربية -ان شالله يكون شاريها من أبوه- و مايكشفش عليها فى التوكيل, يستاهل كوووووووووووول اللى يجراله.

بالتوفيق ان شاء الله.

**mahmoud_anwar** · 05-06-2011 01:26 AM

المشاركة الأصلية كتبت بواسطة MASERATI

السلام عليكم و رحمة الله و بركاته

ok, بعد كووووووووووووول الكلام ده, أنا من رأيى أن أى حد بيشترى عربية أيا كان نوعها, أنه يكشف عليها فى التوكيل, مهما كانت التكلفة و هوا فى التوكيل, يقولهم, أنا عاوز أتأكد أنهما مش نصين و ياخد من التوكيل اللى كشف تقرير, أنه لا توجد أى لحامات فى الشاسية, الجملة دى لازم تتكتب بوضووووووووووووووووح فى التقرير الفنى, على أساس أنه مافيش عربية نصين, الشاسية بتاعها مش ملحوم .

بعد كوووووووووووووول الروايات و الغش ده, اللى يستسهل و يشترى عربية -ان شالله يكون شاريها من أبوه- و مايكشفش عليها فى التوكيل, يستاهل كوووووووووووول اللى يجراله.

بالتوفيق ان شاء الله.

طيب والناس الغلابة امثالي يعني اروح بي الجولف 2 التوكيل التوكيل هيرفض دخول السيارة اصلآ

ما لزم نعرف برضة العربيات القديمة ايه موقفها يعني مش معقول واحد يبقا معاه عربية قديمة موديل ال80 يروح يقف جمب البي ام 745 مثلآ اولآ ان العربية لو اكتشف انها سليمة مش هيخرج من التوكيل مبسوط هيبقا خارج مخنوق ومحبط
كفاية انه شاف حاجة وابشن وشكل تاني خالص

**mahmoud_anwar** · 05-06-2011 01:28 AM

ياجماعة انا عرفت ازاي تكتشف عربيتك انتا تعمل الخطوات دي وهيا مجربة وعن تجربة

اول شيئ تبص علي السقف وتبص علي العربية من برة

تاني شيئ تحط ايدك علي السقف

ثالث شيئ تخبط علي السقف تشوفة بيطبل ولا لأ لو بيطبل تبقا قرعة لو حلوة ومش بتطبل بيقا حمرة وتوكل علي الله وخالي البايع يدهالك شقة بي السكينة في السقف علشان تعرف برضة

**Bassem Taha** · 05-06-2011 01:55 AM

المشاركة الأصلية كتبت بواسطة amribrahim

حلو أوي أخر جزء من الموضوع بتاع المرور و انهم ممكن يلغو رخصة العربية ... هي فين أصلاً المرور .. مصر كلها دلوقتي مركبين سرينة و إلي عاملي فميه و فيلم

بلاش حضرتك تساوي الناس ببعضها لأنك متعرفش ظروف كل واحد وعلي فكرة بما ان العربية ملكية خاصة يبقى من حقك تعمل فيها الللي انت عايزه بدام مش بتأذي أي حد من اللي حواليك
ملكية خااااااااااصة يا جدعاااااااان أزاي في المرور مش فاهمين الحكاية دي

**osama.m** · 05-06-2011 02:12 AM

المشكلة ان في ناس محترفين جدا .. في ورشة اعرفها بتجيب عربيات دودج رام نصين شفت عندها موديلات لحد 2002 .. وعربيات تانية كتير .. بس بينفذوا شغلهم بأحترافية عالية جدا للاسف وفي ناس لبست منهم عربيات على انها فابريكة .. لو مش بشوف العربيات وهي نازلة حتت مش هعرف ابدا حتى لو نزلت تحت العربية وشيلت الفرش .. الحل الوحيد انك تنزل بالعربية التوكيل
و في بردو ناس بتشتري عربية محروقة مثلا وتنقل عليها اجزاء مستوردة .. وبكدا الشاسية سليم ومفيش فية اي لحام