الموضوع: العلمانية - مناظرة محترمة بين المسيري والقمني

يا أستاذ ميزا
وهل الحل بالأستقواء بالخارج وأدعاءات غير صحيحة
أنت شفت الفيديو؟
أحنا بنجبركم على الأسلام أو القتل هو البديل؟
الجيش ألي تولى ترميم الكنيسة بنفسه بيعتدي عليكم ومضطهدكم؟
وها قولك حاجة كمان شوف على اليوتيوب فيديو لميرنا حنا وأنت تعرف مين السبب الأكبر في قلب الأمور لفتنة ومين بيعذب ويضطهد ويرهب مين؟!

المشاركة الأصلية كتبت بواسطة otefa

يا أستاذ ميزا
وهل الحل بالأستقواء بالخارج وأدعاءات غير صحيحة
أنت شفت الفيديو؟
أحنا بنجبركم على الأسلام أو القتل هو البديل؟
الجيش ألي تولى ترميم الكنيسة بنفسه بيعتدي عليكم ومضطهدكم؟
وها قولك حاجة كمان شوف على اليوتيوب فيديو لميرنا حنا وأنت تعرف مين السبب الأكبر في قلب الأمور لفتنة ومين بيعذب ويضطهد ويرهب مين؟!

كلامك دليل على المشكلة أكثر و أكثر
مش فاهم ليه حضرتك مصمم تتمسك بتفاصيل ناتجة عن المشكلة و ليست هى أساس المشكلة أصلاً و تطلع طرف مخطىء و الطرف الآخر معندهوش أى مشكلة! .. فيه نفس الأمثلة اللى حضرتك ذكرتها فى الطرف الآخر برضه بس حضرتك مش بتاخد بالك منها!

أنا لن أخوض فى تفاصيل ما ذكرت سابقاً و لا فى ردك هذا لأن كل تلك التفاصيل من وجهة نظرى ليست أساس المشكلة .. التمسك بها لن يحل شىء لو حضرتك عاوز حل.

نحل المشكلة الأكبر الأول بعدها كل ده هيختفى.
و على فكرة الأمثلة اللى حضرتك ذكرتها برضه - بالطريقة دى - أكيد مش عاوزة حل !

حضرتك أنا ماقولتش أن الدنيا وردي ومثالية والمسلميين ملائكة بس برضه المسيحيين مش ملائكة
ولا يصح أبدا مهما كانت الأسباب أن نستقوى بالخارج على بلدنا
يعني مش ماشيين ندبح في بعض ..........زي ما رموز الكنيسة بيقولو وألا كان مافيش مسيحي على أرض مصر
أرجو النظرة الموضوعية المنطقية والحيادية
سؤال هل يصح أن يستقوى ويطلب تدخل دول خارجية؟

وأيه المشكلة الأكبر؟

المشاركة الأصلية كتبت بواسطة otefa

حضرتك أنا ماقولتش أن الدنيا وردي ومثالية والمسلميين ملائكة بس برضه المسيحيين مش ملائكة
ولا يصح أبدا مهما كانت الأسباب أن نستقوى بالخارج على بلدنا
يعني مش ماشيين ندبح في بعض ..........زي ما رموز الكنيسة بيقولو وألا كان مافيش مسيحي على أرض مصر
أرجو النظرة الموضوعية المنطقية والحيادية
سؤال هل يصح أن يستقوى ويطلب تدخل دول خارجية؟

حضرتك لو لقيت فى أى رد من ردودى فى المنتدى ما يدل على إنى بقول المسيحيين ملائكة .. ابقى وضحهولى جايز مش واخد بالى!

بالنسبة لسؤالك فمفيش غير إجابة واحدة بس متوقعة منّى أعتقد. بس برضه مش هجاوب!
أنا مش هبرر موضوع الإستقواء بالخارج ده .. لكن عاوز أقولك إن رعب بعض المسيحيين البسطاء من المسلمين وصل لدرجة إعتقادهم إننا فى عصر نيرون تانى! و ده مش صح و لازم نوضحلهم كده.
و مش هقولك اللى عمل كده صح و ليه مبرر بس زى ما قولتلك دول بسطاء و أى كلمتين حد يقولهم هيصدقوهم.

بالنسبة للفيديو اللى إتهم أبونا فيلوباتير فى ماسبيرو إنه إستقوى بإسرائيل طلع غلط و مقالش الكلام ده و اللى قاله كان المراسل اللى تطوع إنه يهذى بأى تخاريف دون الحفاظ على الأمانة المهنية اللى تقتضى إنه ينقل الكلام مظبوط.
بالنسبة لخبر ال 200 مسيحى اللى كانوا معتصمين عند سفارة الولايات المتحدة طالبين تدخلها يوم أحداث إمبابة .. الشيخ صفوت حجازى راح هناك بنفسه و طلع على قناة النيل للأخبار و كذب الخبر ده و قال مفيش حد عند السفارة.

إذا من وجهة نظرى المشكلة دى لم تتعدى البسطاء الذين يجب توعيتهم.

المشاركة الأصلية كتبت بواسطة otefa

وأيه المشكلة الأكبر؟

أقولك يا أستاذى العزيز المشكلة الأكبر هى الطائفية.
و حلها يبدأ من الداخل .. خطابات الكراهية لازم تنتهى من المساجد و الكنائس و من البيوت أيضاً ..
و بصراحة أنا شايف بوادر حل داخل بعض الكنائس اللى بروحها بس لسه شوية على ما تظهر نتائجها.
كمثال يوم الجمعة اللى فاتت فى الكنيسة اللى كنت فيها القس قال بعد القداس "بكرة يا جماعة جلسة محاكمة المحبوسين فى أحداث إمبابة, فيه 7 مسلمين و 7 مسيحيين .. نصلى من أجلهم كلهم ربنا يطلعهم بالسلامة"
و بالمثل بسمع أمثلة زى دى بتحصل فى بعض المساجد من أصدقائى.
بالنسبة للمبانى الإجتماعية التابعة للمساجد و الكنائس لازم تبقى لخدمة المجتمع ككل .. و ده هيساعد كتير.
كمثال جيد للموضوع ده كنيسة مارجرجس هليوبلس .. المستشفى و فصول محو الأمية و المشغل .. حضرتك هتلاقى المسيحيين و المسلمين بيشتغلوا فيهم دون تمييز.

خطابات و أمثلة بسيطة زى دى مع الوقت كفيلة إنها تفض الإحتقان!
الحل بسيط أعتقد بس نكبر مخنا.

ربنا يهدي الأمور لما فيه الخير لجميع المصريين أن شاء الله
تحياتي