الموضوع: لماذا تفقدون الثقة في المجلس العسكري ( الا يوجد بينكم رجل حكيم )

المشاركة الأصلية كتبت بواسطة som3aa

أنا بس نفسى افهم ليه بنقارن دول احنا منعرفش عنها حاجة ببلدنا , يعنى ليبيا الجيش اى كلام و كله كتائب بيقودها ولاد القذافى و مرتزقة يعنى مش جيش زى مصر و اليمن اليمنيين نفسهم مقسومين و الجيش كمان فى قبائل ضد صالح و فى قبائل معاه علشان اليمن قبلية اساسا , الشعب نفسه منقسم , شوف المظاهرات المؤيدة ملايين برده!!!!!
سوريا الجيش بتاعها متورط فى الفساد و الظباط بتوع الجيش فى كتير اوى منهم زى العينة اللى الجاسوس المصرى كان بيتعامل معاها فى سوريا بيشربوا و بيعملوا بلاوى يعنى الجيش بتاعهم متورط زى الشرطة فى مصر كدا فى الفساد مش زى الجيش المصرى بعدين فيها طوائف فيها سنة و شيعة و علويين زى بشار الاسد و كتير من نظامه و فيهم مسيحيين و غيرهم !!!

نيجى بقا للى كانوا خايفين مصر تبقى زى العراق !!!! الناس بتردد كلام و هى مش فاهمة معناه اساسا , العراق فيها كذا طائفة زى السنة و الشيعة و الاكراد و مفيش طائفة منهم اقليه غير الاكراد يعنى صراع قوى جدا على السلطة غير الانظمة الدموية اللى كانت بتحكمها و حزب البعث السفاحين و بلاوى كتير مفيش كلام دا فى مصر اساسا يبقى ازاى نبقى زى العراق

كل بلد ليها خصوصيتها!!!!!!

الجيش المصرى مش متورط فى الفساد اطلاقا و كان منفصل تماما لا فيهم مرتزقة و لا كتائب و لا فى فى مصر الجيش من طائفة معينة اللى منها النظام الحاكم بتبيد الطائفة التانية , الجيش فى مصر هما المصريين نفسهم و مفيش اساسا صراعات بين المصريين يعنى مثلا مفيش صراع بين طوائف و لا مثلا الصعيد بيحارب الوجه البحرى !!!!!
فالجيش اساسا لو جالوا اوامر بالضرب مستحيل يضرب فى الشعب لان الجيش من الشعب و مش متورط فى فساد!!!!!
مفيش ظابط هيضرب فى الشعب , تونس حسب ما فهمت نفس الكلام!!

اخي الكريم
مع كامل الاحترام لحضرتك في تحليلك لموقف البلدان العربية المحيطة بنا و كيف حدث بهم ما نراه الان
و لو اني غير مقتنع و هذا لا يغير من احترامي لتحليل حضرتك
و لكني اجد حضرتك انتقدت تشبيهنا لموقف الجيش المصري لما يحدث في 3 دول عربية من مذابح و انقسامات
بين ابنائها و حتي سوريا اللي قريبة من مصر شكلا و موضوعا و لا افتي ابدا فيما لا اعرفه
و لا اعرف طبعا ما هو دليل حضرتك في موضوع ان الجيش السوري الذي كان شريكا لنا في نصر اكتوبر العظيم كيف صار به الحال ان ينحدر بهذا الشكل و ان كانت معلومات حضرتك عن القيادات فما هو الحال بالضباط الصغار و الجنود الذين ينفذون الضرب في ابناء و طنهم و وارد جدا يكونو اهلهم في محافظات و مدن سوريا المختلفة
عموما ليست هذه نقطة الخلاف احتمال يكون تشبيهي غير سليم
و لكني لم اجد حضرتك قد جاوبت علي السؤال الصعب لماذا لا تثقون في المجلس العسكري
بعد ما قام به من وقوف الي جانب الثورة شكلا و موضوعا
و حتي لو استبعدنا مقارنته بجيوش البلدان المحيطة بنا فما الذي فعله كي يتم الهجوم عليه بهذا الشكل
فلماذا لم تتطرق حضرتك لكذا سؤال في الموضوع كي نستفيد لو اننا غير موضوعيين في طرحنا لتجديد ثقتنا في مجلسنا العسكري و النقاط كثيرة للمنافشة
و تقبل تحياتي

م.حاتم السباعي

المشاركة الأصلية كتبت بواسطة som3aa

شكرا لرد حضترك
انا لا اثق فى المجلس العسكرى لاسباب كتير اولها انه مبيسمعش كلام حد فى اى حاجة , بيعمل اللى هو عايزه بعدين بناقش مثال الغاء ال50 % عمال و فلاحين و دا مطلب مهم جدااا لانها ثغرة بيستغلها الحزب الوطنع و اتباعه فى الترشح و كمان ازاى عامل او فلاح حيشوف الميزانية و يناقش الحكومة فيها و هو احتمال كبير جدا انه مبيعرفش يقرا و لا يكتب مطرهاش ليه فى الستفتاء لو مش عايز ياخد قرار كدا , الاستفتاء لازم يكون بالمادة كمان مش كبشة مواد برده مفيش فادة موافق على كبشة و لا لأ . عدم الغاء مجلس الشورى اللى ملوش اى لزمة اساسا , ثانيا سوء التعيينات فى حتت كتير اوى اوى بالرغم من الاعتراض الشديد من الناس اللى فى المؤسسات دى او فى البلد زى مثلا التصميم على سيد مشعل حتى فى حكومة شرف و وزراء كتير جدا مرفوضين و بيطلع عليهم كل شوية اعتضامات و اضرابات لاقالتهم و وزير الصحة كل شوية اعتصامات لاقالته و وزير التنمية المحلية لازم يمشى برده و معظم التعيينات اللى بتبقى لرجال الحزب الوطنى , حالة الانفلات الامنى اللى فى البلد و الجيش مش بيتدخل الا لما بعد المصيبة ما تحصل زى ماسبيرو مع ان لما الناس قالت هتتظاهر قدام السفارة الاسرائيلية نزل الجيش و الشرطة و حاوطوا السفارة قبل حتى الناس متفكر تتظاهر , التباطؤ الشديد فى كل شىء , يعنى مفيش محاكمات للرموز السابقة الا لما الناس نزلت جمعة التطهير ساعتها قبضوا على الرموز و اللى منهم زكاريا عزمى كان مكلف بتسيير امور رياسة الجمهورية و كان شغال فرم ورق!!!!!! عدم حل امن الدولة الا بعد الناس ما هجمت المقرات مع انها كانت من اهم طلبات الثورة و للاسف الورق كانوا فرموه خلاص , مفيش اى محاكمات حصلت نهائيا غير لكام وزير مع ان مر على رحيل مبارك 4 شهور الا اسبوع!!! في ناس كتير جداااا لسه متجابش سيرتها اساسا و المحاكمات اساسا على كلام فارغ لكل الناس يقولك مبارك فيلا فى شرم مش عارف مين بيتحاكم علشان 8 مليون زى رشيد , القضايا بسيطة جدااا الى الناس بتتحاكم عليها , ناس كتير اوى الشعب عارف حقيقتهم و طلعوا من الجهاز بتاع الكسب غير المشروع زى حاتم الجبلى و عائشة عبد الهادى و أمين اباظة و فاروق حسنى , الافراج عن زكاريا بس لولا الغضب و الدعوة لجمعة الغضب قالك لقينالوا توكيل ببيع شقة لجمال طب حبس 30 يوم !!! التصالح العار اللى حصل مع سوزان مبارك!!! يقولك رجعت الفلوس فافرجنا عنها بس لو لقينا حاجة تانية هنمسكها علطول!!! مبارك اللى كل شوية تمثيليات الاذين تعبان , الحالة النفسية سيئة , برجلوا بتوجعوا فمش هينفع يتنقل طرة , سوء التعيينات فى المحافظين اللى 20 من 30 محافظ منهم لوائات منهم 2 كانوا فى امن الدولة قبل كدا , نفس كل حاجة متغيرتش فى البلد نفس الفساد و نفس التستر على الفساد بيحصل دلوقتى , فين رجال الاعمال اللى عملوا مليارات على حساب الشعب؟؟ يقولك هنتصالخ معاهم و كل واحد يدفع كام مليون و يعيش حر بالفلوس اللى سرفها و هربها؟؟ ازاى يقولك اتصالح مع واحد سرق ؟ يقولك اصل مكانش قصده يسرق دا كلام دا!!! بيقولك مفيش سوء نية , طيب امال القانون بيحاكمه ليه؟؟؟؟؟
بعدين نظام الفزاعات الفزاعات البلد بتفلس و الكلام دا مع ان المؤشرات زى تقريبا اللى حصل فى الازمة المالية , يمكن احسن شوية كمان زى مثلا فى الازمة المالية البورصة نزلت من 9000 نقطة ل 3500 نقطة , دلوقتى هى 5300 يبقى ايه لزمته الكلام على ان البلد بتفلس؟؟
مفيش حتى عدل فى المحاكمات زى احالة حبيب العادلى لعادل عبد السلام جمعة اللى حسب ايمن نور و غيره كتيير و الناس كلها عارفة مين عادل حمعة و عمل ايه لأ و الالعن احالة مبارك ليه كمان بس هو رفض (اقرا الخبر دا
ط±ط¦ظٹط³ ظ…ط.ظƒظ…ط© ط§ظ„ط§ط³طھط¦ظ†ط§ظپ:ط¥ط³ظ� ��ط§ط¯ ظ‚ط¶ظٹط© ظ…ط¨ط§ط±ظƒ ظ„ظ„ظ…ط³طھط´ط§ط± ط£ط.ظ…ط¯ ط±ظپط¹طھ ظ„ط§ ظٹط´ظˆط¨ظ‡ ط£ظ‰ ظ…ط®ط§ظ„ظپط§طھ | ط§ظ„ط¯ط³طھظˆط±

بعدين المحاكمات العسكرية للشباب ,طيب ما يحاكموا النواب بتوع الوطنى اللى كانوا بيجددوا الطوارئ , مطلوب عدم محاكمة اى حد محاكمة عسكرية غير البلطجية بس!!!

قرارات فى كل حاجة بيصدروها منغير اى مناقشة لاى حد , البلد حالها زى حال قبل الثورة مش حاسيين بالتغيير و رجال الاعمال الحرامية دلةقتى اطمنوا و قاعدين ينطولنا فى التليفزيون و يتكلموا فى السياسة و مستقبل البلد

دى عينة من ليه مش واثق فى المجلس العسكرى , انا بالنسبالى المجلس العسكرى هو رئيس الجمهورية , الشباب و المثقفين عرضوا عليه اقتراحات كتير اوى و مفيش برده قرارات من فوق بتنزل على الناس.

فين حسن حمدى و فين ابراهيم نافع و فين عاطف عبيد و فين احمد بهجت و فييين و فيييين الوف الناس !!!!
و لا حد اساسا بيتحقق معاه و مينفعش يقولوا مفيش حد فوق القانون و هما سايبين مبارك بيتفسح فى شرم

كامل احترامي و تقديري لحضرتك
لقد فهمت الان مما ذكرته حضرتك انك ( لا يعجبك اداء المجلس العسكري ) اي انك معترض علي طريقته في تناول قضايا ما بعد الثورة و اعتراضك علي اسلوبه في التعامل مع الثوار و مع المحاكمات و حساب النظام السابق و غيرها من النقاط التي عرضتها حضرتك علينا الان
و اني اري اخي الكريم ان هذا الفهم لا يسمي ( عدم ثقة من حضرتك في المجلس العسكري ) و انما يسمي ( اعتراض من حضرتك علي اداء المجلس العسكري ) هذا هو تفسير كل نقاط التي عرضتها حضرتك و كثير من هذه النقاط يحدث فيها خلط بين المجلس و بين القضاء و نوجزها في الاتي
1- اعتراضك علي استمرار العمال و الفلاحين في الانتخابات القادمة و استمرار مجلس الشوري
2- اعتراضك علي بعض الوزراء و المحافظين الحاليين
3- اعتراضك علي تأجيل المحاكمات حتي الان ( و هذا تبع القضاء )
4- اعتراضك علي الافراج عن سوزان و من بعدها ( عزمي ) ثم الضغط فالرجوع بعزمي مرة اخري بشكل تمثيلي ( و هذا ايضا يتبع القضاء )
5- حالات الانفلات الامني من الشرطة و الجيش ( و هذا اؤيدك فيه و ان كان مبررا من الشرطة المفضوحة فأنا ارجعه لضعف اداء من الجيش لقلة عدد افراده و لعدم خبرتهم في التعامل العام بعيدا عن التكتيك العسكري )
6- اعتراضك علي من يخرجون من جهاز الكسب ( هو ايضا اعتراض علي القضاء )
7- اعتراضك علي موضوع رجال الاعمال و اراضي الدولة و غيرها المجلس لم يناقش هذا ابدا و هو اجتهاد من البعض و كل شوية يطلع تصريح في برنامج و اخر في جريدة و المجلس لم يطرح ابدا هذا الطرح ( و هذه ايضا مشكلة قوانين و قضاء لا دخل المجلس فيها )
8- اعتراض حضرتك عل بعض تصريحات الازمة الاقتصادية من الحين و الاخر ( و لو تلاحظ حضرتك ان اول من صرح بذلك هو وزير مالية الحكومة المشكلة من الثورة و صدقني انها ليست بفزاعة و انما الكل لامسها بشكل او بأخر )
9- اعتراض حضرتك علي المحاكمات العسكرية الفورية اجدها بكل صراحة بها تحامل كبير علي المجلس العسكري كيف يعقل ان نعترض علي محاولتهم الحد الفوري من العنف بالطريقة التي يروها مناسبة و ذكر لنا اخونا احمد موجة موقف ان لجنة اوقفت سيارة و اثناء تفتيشها ( طبعا هذا التفتيش للحد من السرقات و التهريب و البلطجية ) و انه اثناء التفتيش و جدو مع صديقه جهاز الصدمات الكهربائية الغير مصرح به و كان سيتعرض للاعتقال و خلافه و هو اعترض طبعا علي هذا التصرف الا اني استغرب جدا ( الا يمكن ان يكون هذا الشخص الذي تم تفتيشه مجرم و نحن لا ندري او انه مجرم حديث ليس له ملف او انه كان رايح يسرق او او او يبقي المشكلة في مين دلوقتي في الكمين اللي بيحاول انه يعيد الامن للشارع و من يثبت انه مخالف يحاكم فورا لانه متلبس ام اننا نتهمهم لعدم فرضهم الامن و الحد من البلطجة و بتاع الجيش هيعرف منين ان اللي قدامه ده بلطجي و لا لا من الشكل بس
10- اعتراض حضرتك علي عدم تقديم اعضاء الحزب الوطني للمحاكمات ( اجده ظلم بين ) فتخيل حضرتك كده لو ان فصيل من الائتلافات الجديدة مسك البلد و كان بهم النظيف و الغير شريف ايرضيك ان بعد اول انتخابات جديدة او بعد ثورة جديدة الكل يتمسك كلابوش لحد لما يبان لهم صحاب من منطلق الكل حرامي الي ان يثبت العكس
طبعا المجلس من اول يوم لم يمنع احد بالتقدم بأي مستندات تدين اي مسئول في البلد من اول مبارك و عائلته حتي اخر امين شرطة في البلد و اخيرا هذه القضايا ( تتبع القضاء لا دخل للمجلس فيها )
11- اعتراض حضرتك انهم بيقررو قرارات و بعض القوانين لا يأخذو رأي احد فيها ( طبعا انا مش عارف حضرتك تقصد مين اللي المفروض يتاخد رأيه و هم علي منصة السلطة كقائد مؤقت و يشاركهم هذه السلطة المؤقته ممثل للثوار و هو د.عصام شرف و من اختارهم من وزراء لكي يساعدوه في مرحلته الانتقالية
من كل ما سبق اسمح لي اخي الكريم
اني لم اري اي تشكيك في ان المجلس العسكري هرب مبارك مثلا و بيشتغلنا
او انه لم يحمي الثورة
او انه لم يقبض علي جمال و علاء و انهم مثلا في السويد مع اموالهم
او ان المجلس مثلا انزل الاحكام العرفية علي الشوارع و الميادين و انه مسك منتقديه و الغي برامجهم التليفزيونية
و انه اصدر القرار تلو الاخر لكي يقسم الشعب و يجعل له درع من البسطاء لمواجهة القلة المثقفة الواعية
اخي الكريم عدم الثقة تختلف كثيرا عن الاختلاف في اسلوب العمل او انك مثلا تحكم عليهم بالفشل في ادارة البلاد هنا يكون ما ذكرته حضرتك منطقي مع ما يفعلوه
انما عدم الثقة ( هي احساسي بالخيانة ) و الخيانة تحتاج دليل لا تحتاج احاسيس
و الدلائل كلها تصب في مصلحتهم
1- مبارك مازال في مصر ( شبه محبوس ) مستشفي بقي و لا خرابة المهم انه مزلول اعزك الله
2- ابناء مبارك بالسجن
3- المجلس لا يرغب في السلطة
4- بيحاول علي قدر طاقته التي خلفها له النظام السابق
5- لم يضحك علينا بروايات و افلام سنيمائية كثيرا ما انضحك علي المصريين بها من ايام المماليك و حتي عبد الناصر الزعيم الخرافي
6- الشعب المصري يملك الان فرصة ذهبية للتوحد و العمل ( و لكن للاسف منقسمين علي انفسنا ) و اخر حاجة بنفكر فيها هيا الشغل
7- لماذا لا تفكر حضرتك و لو لمرة انك احتمال تكون غلطان في وجهة نظرك فيهم و تجرب ان تختبرهم لمدة ستة اشهر و كما نجحو في الاستفتاء تنظيميا الي حد كبير مع اضخم حدث تراه مصر ( 18 مليون ناخب ) لماذا لا تجدد لهم الثقة و تراهم من منظور اخر لفترة احتمال يكون في ذلك الخير و لو انك ظللت علي نظرتك لهم الميدان ليس ببعيد
ارجو الا اكون اثقلت علي حضرتك و ان اختلفنا في الاراء فيظل الاحترام متبادل و شكرا لك

م.حاتم السباعي