السلام عليكم
الاخوة الاعزاء ارجوكم يا من ترفضون و لا تثقون تعالو بنا نفكر بهدوء حينما قامت الثورة كانت اولا عبارة عن دعوات و مظاهرات من مجموعات من الداعين لها و المحددين لتاريخ هذه التجمعات و اتحاد الكثير من الجماعات التي كانت تثور اخر ثلاث سنوات و علي سبيل المثال لا الحصر جماعات ( 6 ابريل و كفاية و مجموعة ايمن نور و غيرهم ) و طبعا كان هناك ناس تانية من الاول مسحولين و محدش بيسمع عنهم الا علي صفحات الحوادث زي ( الاخوان و مجموعات من السلفيين ) و اذا بأحداث تونس و ما صاحبها من سخط عام في الدولة و تسليط الاعلام الخارجي لها
و لما تجمعت هذه القوي الاولي ايام 25 و 26 و حتي اواخر يوم 27 كانت مازالت قوي الشعب متأرجحة ما بين مؤيد و معارض ما بين ساكت و رافض و ما بين ساكت و موافق ايضا و اخيرا تم بفضل من الله الاحتكاك بالشرطة و المقاومة و العنف المتبادل و انا مصر علي هذه الجملة و لما جاءت اللحظة الحاسمة يوم الجمعة و احتشدت جميع هذه القوي سواء المجموعات الاولي او الثانية او طوائف الشعب و سحل الشرطة و نزول الجيش كان هناك احد حلين امام القيادة العسكرية ( اللي هما المجلس العسكري ) اما النزول للشارع كي يطبقو ما يحدث في ليبيا و سوريا و اليمن و هو الاحتكاك و التخويف و الضرب حتي يخاف الناس و يرجع من يرجع و يموت من يموت او ان يهدي الموضوع و يميل بأتجاه الشعب كأن الشعب كان بيتخانق مع بلطجية ( اللي هما الشرطة ) و الجيش نزل يحمي الشعب من المعتدين اللي هما الشرطة و قد كان و بعد فترة زمنية تم استمرار الانتفاضة التي تحولت لثورة شعب و فعلا شيئا فشيئا اتحبس الناس اللي عمرنا ما كنا نحلم انهم يتحبسو ( العادلي و عز و جرانة و المغربي ) ثم تنحي مبارك او تم خلعه او الاتفاق معه انه يمشي علشان نحقن دماء الشعب و اللي حضراتكم لا تعرفوه و انا بصراحة ليست عندي معلومات مؤكده بذلك و لكني مقتنع انه كان يمكن ان يحدث انقسام في القوات المسلحة ما بين مثلا ( الحرس الجمهوري اللي كان عندهم استعداد يموتو فداء لرمز البلد و هو رئيسهم او رجاله التابعين لحراسته حاجات كتير اوي يا اخواني و ببعض من الهدوء و الوقت ممكن نعرفها و تخيلو لحد الان و بعد مرور هذه السنوات لسه لم نعرف هل ضرب علي عبد الناصر نار في المنشية من الاخوان ام انها كانت تمثيلية و هل مات عامر منتحرا ام قتل من ناصر و رفاقه هل و هل تخيلو حضراتكم ده لما واحد عرباوي بتاع مخدرات بيتقبض عليه يا ما بنسمع عن مهاجمة لسيارة الترحيلات بتاعته و عمليات انتحارية دفاعا عن فاجر ابن فاجر فما بالك بناس فاكرة انها بتدافع عن رمز البلد و طبعا هؤلاء الضباط ممكن يكونو فاكرين انهم سيصبحو شهداء لو ماتو تحت قدميه دفاعا عنه و هذا لا يعيبهم
يعني عاوز اقول لكم انه هناك احداث كثيرة ممكن كانت بتحدث في الكواليس لا نعلمها و بعد سنين سنسمع بقي فلان اللي كان في الحرس الجمهوري بيحكي لينا مبارك قال ايه لما جه يركب الطيارة و علان قال ايه و لما طنطاوي الخبر جه له انهم ينزلو للشارع اتقال لهم ايه و لما المجلس عمل اول اجتماع في عدم حضور مبارك ( القائد الاعلي للقوات المسلحة في ذلك الوقت ) كانت قرارتهم ايه
و لكن ما يهمنا كلنا الان النتائج التي حصل عليها الشعب من وراء نزول الجيش و حمايته للثورة الشعبية
و ازاي الناس اللي في سن جدود البعض منا ازاي في كام ساعة او كام يوم او كام اسبوع طلب منهم انهم يواجهو الشعب و هما اللي طول عمرهم في الظل لا يملكون حق الكلام و لا تنميقه اعلاميا زي يسري فودة و الاسواني و عم بلال و الاخت نوارة و الحاج اخمد فؤاد نجم و ابراهيم عيسي و وائل غنيم و غيرهم ممن يظهرو علينا كل يوم و التاني و اخر حاجة يعرفوها هؤلاء الرجال القائمين علي حراسة حدود هذا الوطن هي كلمة ( تمام يا فندم ) الموضوع بالنسبة للشباب او الشعب هو شيل فلان و هات علان و لكن بالنسبة لمتخذ القرار الموضوع صعب جدا
نيجي بقي لاخطر شئ
( لماذا الشك في المجلس العسكري )
انا اري بصراحة ان الجيش تولي مسئوليته التي كفلها له القانون و العرف و الحالات المماثله و تعالو نفكر بهدوء شوية ( بعد تنحي مبارك مسك سليمان كنائب للرئيس ) فالناس قالت لا مش عاوزينه
و هنا اصبحت البلد بدون قائد اي اننا لو مثلا تم الاعتداء علينا مين اللي هيملك قرار سيادي في البلد علي رأي التاريخ ايام المغول لما جم مصر ( لما نحب نكلم نكلم مين ) يعني الموضوع تم بالتدريج رئيس دولة مخلوع غصب عنه ثم نائب رئيس فالشعب رفضه فتولي المجلس العسكري زمام الامور و لما اقيل شفيق او استقال لم يستغل بقي الجيش الموضوع و يتنح فيها و قال لا احنا اللي بنحكم و مينفعش حد يملي علينا القرار و لكن رضي بتعين شرف كما اراد اغلب الثوار و هنا اقول الثوار و لا اقول الشعب لان الشعب لم يكن يعرف شرف و لم يستفتي عليه و انما رشح مع اتنين اخرين من قبل النخبه المثقفة اللي هيه ائتلاف الثورة و مع ان الشعب الاكثريه لم يعترض و الجيش كمان لم يعترض و شرف نفسه قال لو انا لم استطيع اني اجيب حق الثورة و لم اجد تعاون من المجلس العسكري سأرجع الميدان و ها هو لم يرجع و ها هو يشترك في وضع اول قانون يعترض عليه الثوار و لا يثقو بمن جاءو به علي رأس الحكومة
الاخوه الكرام
( حينما يكون المجلس العسكري و يمتلك بدل المرة الف مرة و مرة انه ينفذ مخططه للوصول للحكم و لا يفعل ذلك يبقي هم غير طامعين فيه و لكن المشكلة تكمن في انكم لا تثقو فيه ) و اسف جدا علي الاطالة يمكن انا برتاح لما اخرج اللي جوايا معاكم و علشان كده بكتب الموضوع ليلا حتي لا يحقق مشاركات عديدة بس نفسي يراه الكثيرين ( اذا لم نثق بأحد حتي ولو كان به بعض الاخطاء التي لا ترضينا صدقوني ستكون هيا النهاية الكبري ) و هذا ما يتمناه اعدائنا
و علي السريع كده ( كان عندي صول في الجيش كثير الغياب و زملائه كانو و صلو لان يترقو ضباط صف و بنقول عليهم في الجيش ظابط مخله اللي ملازم و اللي نقيب و هوه من كتر شغبه و محاكماته كنا نطلق عليه الصول ( سيد محاكمات ) و علي فكرة كمان لم يكن و صل حتي لصول و لكن كان بتلات شرائط فقط و هي رتبه اعلي من عريف بس من الاحراج كان الكل بيقول ( الصول سيد ) و اخيرا جاء للواء بتاعنا مقدم اركان حرب اسد فعلا اتعين رئيس عمليات اللواء و تحت العقيد مباشرة قائد اللواء المهم هذا المقدم الجامد اوي جلس مرة مع الصول سيد ده بعد ما كان عامل غياب و جاي من محكمة و اتفق معاه انه يمسكه الكانتين بتاع قيادة اللواء و يمسكه الغياب ( اه و الله كده بعد جلسه واحده ) الكلام ده كان في اول اسبوعين تلاته ليا في اللواء تصدقو بالله الصول سيد ده يمكن كان لا يرضي بعد هذا المنصب الوهمي الشرفي المتعب جدا انه ينزل اجازة بعد كده و كان شبه مقيم في اللواء و مسك الغياب بتاع الضباط بعد شهر واحد كمان و حتي اخر يوم لي في اللواء قبل ما اسلم و كان هوه الكل في الكل في اللواء و تصدقو بالله كان يطبق الميري بحزافيره و لا يرتشي و لا يدخل جيبه قرش من الكانتين اللي كان زمان اللي بيمسك الكانتين بيتعرف عنه انه هيبني العمارة قريبا جدا المهم بقي لما سلمت و مشيت المقدم اللي عينه اتنقل من اللواء و مسك منصب مهم ايضا في المنطقة المركزية و جاء عقيد و تولي منصبه لما رجعت في اول استدعاء لي في اللواء بعد تسليمي ب 6 شهور فقط اول حاجة سألت عليها كانت فين يا جماعة الصول سيد علشان اشوف هعرف اكت من الاستدعا و لا مش هعرف و كانت المفاجأة الكبري اني عرفت من زملائنا اللي لسه موجودين ان الصول سيد عامل غياب من شهر اصل العقيد فلان شال منه الكنتين و شال منه الغياب و اصبح صول عادي فهو ايضا رجع يغيب تاني لانه اصبح انسان عادي و هو كان دائما ما يحس بأنه متميز و مظلوم ممن حوله فلما فهمه المقدم و وثق فيه اعطي الصول سيد اللي محدش اعطاه للقوات المسلحة من قبل من عطاء و تفاني و دقة و انتظام و تحقيق ارباح للواء
كل ذلك لمجرد بعض الثقة الزائفة لان المقدم كان بيفتش عليه بأستمرار بس بدون ان يعلم الصول سيد الحكاية دي
الا يوجد بينكم رجل حكيم رشيد مثل هذا المقدم و يعطي الثقة للمجلس العسكري الذي هو افضل الف مرة من الصول سيد
و تقبلو تحياتي
م.حاتم السباعي
المفضلات