السلام عليكم.. موضوع الفرامل مهم وحيوي ونصيحة اهتم بيه.. المشكلة دي صادفني منها وغيرت الماستر وثمنه 175ج ايطالي والعربية مبقتش تزحف والدواسة ثابتة مش بتهبط.. ببساطة حضرتك الأول تلاحظ منسوب زيت الفرامل ولو بيقل يبقى عندك تسريب وتراجع جميع مسارات وخراطيم الفرامل والخزنة أعلى الماستر.. بالنسبة للمبين في التابلوه يكون آخر حاجة بعد ما تحل المشكلة وفراملك تكون كفاءة لأن السنسور ممكن يكون مش تمام.. المهم أعمل فحص شامل للتيل والطنابير ودي حاجة بسيطة وسهلة والميكانيكي يعرفها علطول وبعدين انصحك بماستر فرامل جديد، وخلي الميكانيكي يجربه قبل مايركبه ويحضرله زيت باكم قبل مايركبه وبكدة هتحسسه انك فاهم ومعنى يحضرله زيت يعني تصب زيت في الفتحات وهو في إيدك لغاية ما الزيت يملاه وبعدين يتم التركيب.. وبعد كده المفروض يفضي الهوا من مواسير الفرامل ( قوله اسحب الهوا) هيفتح لاكور ( حاجة زي الصامولة عند كل كاوتش) وتدوس فرامل والزيت يعوض مكان الهوا في المواسير لغاية متلاقي زيت نزل من كل لاكور.. ولمعلوماتك التيل الكوري 65ج والألماني 130ج والكوري عندي وكويس.. والطنابير من 150ج صيني لغاية 250ج الماني. وزيت الباكم اشتري العلبة الصفيح مش البلاستك.. واتمنى أكون نفعتك وربنا يوفقك
المفضلات