حملة التخلص من عوادم السيارات (أرجو المشاركة)
من قبل الثورة واحنا كنا بنشوف في الشارع عربيات مواتيرها مفوته بطلع عادم اسود او ابيض بس مش بالشكل اللي بنشوفه دلوقتي انا بقيت كل مشوار انزله يقع في طريقى من عربيتين ل 3 عربيات ساحبين وراهم مدخنه على اختلاف انواعم ملاكي تاكس أجره ميكروباص نقل مواتير مفوته بنعني الكلمه العادم ده في منتهى الخطورة وفعلا الموضوع كل يوم بيزيد عن حده والمرور مش شغال تمام زي الأول طيب الحل
انا فكرت ان كل واحد يقابله عربيه بالشكل ده يصور نمرها وياخد رقمها ولو ما قدرش يصور ياخد الرقم بس ونجمع أرقام العربيات دي ونشوف طريقه نوصلها للداخليه والمرور انا عارف اني ممكن اكون بحلم بس ليه لا الشرطة مش هاتجري ورا كل عربية في الشارع واحنا لازم نحافظ على بلدنا والتلوث خلاص هايقتلنا بجد ياريت يا شباب نبدأ بنفسنا واللي حاسس ان عادم عربيته مش مظبوط يشوف المشكلة ويحلها العادم ده يعني سرطاااااااااااااااان ربنا يسترها وانا هابدأ بنفسي وممكن نشوف اي حد في الوزارة نبعتله الاقتراح ده حتى لو كان اللواء منصور العيسوي نفسه والله المستعان
تم تعديل العنوان بناء على طلب صاحب الموضوع
مشرف ب2