بطولة نايل موتورز للكرة الخماسية (اقتراح ايه رأيكم)
تيجوا نلعب كورة..تغيير لنوع المقابلات بحيث تكون المقابلات فيها تنافس رياضي..مش لازم كورة طبعا ممكن تنس، اسكواش، كرة سرعة,,بس ميزة الكورة إن فيها اكبر تجمع عددي..إليكم تصوري عن البطولة:
الملاعب:
يوجد في مصر العديد من ملاعب الكرة الخماسية المتاحة للإيجار,,افضل الملاعب من وجهة نظري إللي يكون فيها نجيلة مش رملية وكشافات نور ومكان للتغيير ومكان للمشاهدة..ايجار ملعب بالمواصفات دي يعمل بتاع 100 وانت طالع في الساعة..يعني لو افترضنا فرقتين من 10 افراد يبقى 10 جنيه الفرد (اقل او اكثر قليلا)
الفرق:
ممكن نعمل الفرق بالأقسام..يعني فريق الياباني..فريق الأوروبي..وهكذا..او نعمل فرق مختلطة من اكثر قسم..انا شايف لو تقدر نعمل اربع فرق مختلطة هانلعب ثلاثة مباريات فقط في البطولة
كل فريق يجب ان يكون له اسم مميز..ولبس مميز..وكوتش (مدرب) واتنين احتياطي من اعضاء المنتدى طبعا..ويسمح باتنين من خارج المنتدى لكل فريق فقط..ممنوع تماما تسجيل لاعب مسجل في اتحاد الكرة حتى وإن كان عضوا في المنتدى
الحكام:
عايزين حكمين او اربعة على الأقل من اعضاء المنتدى ويجب ان يكون الحكم ملما بقواعد الكرة الخماسية
الطبيب:
انا عارف إن صعب جدا إن دوكتور من دكاترة المنتدى يفضي نفسه..بس ياريت يقدر دوكتور يحضر معنا البطولة وإن شاء الله مانحتاجش لخدماته
الكرة:
مافيش اسهل من كدا طبعا..اكيد في حد فينا عنده كورة..
قلتم ايه؟؟؟ مين قال جاي