السلام عليكم ورحمة الله وبركاته
ايهما تفضلون من حيث اسعار قطع الغيار وميزانية معقولة انا مش من هوات المنظر اوي ماتريكس 2007 اوتوماتيك ولا لوجان مغربي 2011 سعهم قؤيب من بعض وليس لدي معلومات كافية ولكم جزيل الشكر
عرض للطباعة
السلام عليكم ورحمة الله وبركاته
ايهما تفضلون من حيث اسعار قطع الغيار وميزانية معقولة انا مش من هوات المنظر اوي ماتريكس 2007 اوتوماتيك ولا لوجان مغربي 2011 سعهم قؤيب من بعض وليس لدي معلومات كافية ولكم جزيل الشكر
أعتقد أنه لا يجوز المقارنة بين هاتين السيارتين فكلاهما فئة تختلف عن الأخرى تماما!!
اعتقد الماتريكس تتفوق في حاجات كتيرة اهمها رخص قطع الغيار و التكييف افضل و سهولة الصيانة و طبعا سعر اعادة البيع
اللوجان واتوكل على الله
بالنسبة لقطع الغيار
معاك 3 سنين ضمان
وفى خلال ال 3 سنين دول هتكون قطع غيارها انتشرت زى الرز لان زى مانت شايف العربية فى انتشار دائم بشكل رهيب
أنا كان تحت إيدي ماتريكس 2008
جربتها في جميع الأحوال
وسافرت بها الغردقة وسفاجا حوالي خمس مرات وكذلك سافرت بها مرسى مطروح
الخلاصة انها سيارة ممتازة
موتور قوي
تكييف جيد
صالون واسع
كنت بحملها حمولات فظيعة
ثبات معقول في السرعات العالية
رغم أنها واسعة
لكن يعيبها عدم وجود شنطة في الخلف
لكن في حال ثني الكراسي الخلفية تتحول إلى سيارة تحمل فيها الكثير والكثير
أهم ميزة هي أن قطع غيارها رخيصة ومتوفرة
وموجود منها التايواني والصيني والكوري العادي والكوري الأصلي
أغلب الأسعار خارج التوكيل أقل بكثير من أسعار التوكيل
وهذا رابط فيه بعض أسعار قطع الغيار
http://www.nilemotors.net/Nile/130779-a.html
------------
بالنسبة للسيارة اللوجان
أسعار قطع الغيار حريقة في التوكيل
وللأسف مش كلها تقدر تلاقيها خارج التوكيل
مسألة إنك في الضمان بتفرق طبعاً
لكن في الحوادث مفيش ضمان
قابلت واحد في توكيل رينو أسفل المقطم ذات مرة
المهم حكالي على معاناته بسبب خبطة في العربية اللوجان في الوش
هذه الخبطة كلفته 12000 (إثنا عشر ألف جنيه في التوكيل)
وبيقول لي إنه مش غاوي توكيل
لكن لف البلد كلها عشان يلاقي هذه الأجزاء خارج التوكيل فلم يجدها أبداً أبداً
لكن اللوجان واسعة الصالون
تتميز عن الماتريكس ان لها شنطة في الخلف واسعة
أنا رأيي الشخصي الماتريكس أفضل بشرط أن تكون زيرو أو كسر زيرو
لكن لو مستعملة كثير مضمنهاش
ماتريكس طبعا كفايا رخص قطع الغيار و سعر اعادة البيع غير انها عربية تقريبا بلا اعطال تذكر
ماتريكس شرط الحالة
خلى بالك هناك اتجاه وخبر بالاهرام بالغاء وتجميد اتفاقيه اغادير بهدف حمايه الصناعه المحليه للسيارات معنى الكلام دة استيراد اللوجان سيتوقف مع تجميد الاتفاقيه وبالنسبه للمقارنه طبعآ الماتركس افضل
ماتريكس وتوكل على الله
ربنا يخليكو يا جماعة ومتشكر اوي ولكم جزيل الشكر
ياريت مصدر الخبراقتباس:
المشاركة الأصلية كتبت بواسطة raedegypt
اقتباس:
المشاركة الأصلية كتبت بواسطة zkralla
الخبر هو كان حديث لمتحدثين بإسم مصانع السيارات في مصر في الأهرام تقريباً
وطبعاً بيطالبوا بإبطال أي إتفاقية تقلل الهبر اللي بيهبروه في العربية الواحدة
لكن الحكومة معبرتهمش نهائي
-