البطارية

**emadelmahdy** · 03-06-2011 06:56 PM

عندى سيارة لادا جيبها زيرو من شهر9 سنة 2009 المهم انا ما بتحرك بالسيارة كثير وانا عامل حتى الان 14000 كيلو طبعا دة رقم صغير بالنسبة لشراء السيارة المهم انا من يومين لقيت البطارية على معتقد كلوريدا بتنزل مع الادا جيت ادور الصبح لقيت بتعمل صوت تكتكة اتصلت بواحد قالى هى عايزة حد يزق وتشتغل على طول وبالفعل اشتغلت ورحت من عين شمس مشوار الى ميدان الجيزة وركنتها وباليل دارت معى عادى وروحت الى عين شمس وجيت تانى يوم عشان ادور باليل قلت اسخنها شوية لقيت برضوا صوت تكتكة سيبتها لاغايت ما اروح لحد وللعلم انا كنت زودها مياة مقطرة وانا رايح بكرة السبت الى اى واحد بتاع بطاريات عشان اعرف فى اية وياريت عايز خبرتكو معى اية السبب

**elewey** · 05-06-2011 01:57 AM

المشاركة الأصلية كتبت بواسطة emadelmahdy

عندى سيارة لادا جيبها زيرو من شهر9 سنة 2009 المهم انا ما بتحرك بالسيارة كثير وانا عامل حتى الان 14000 كيلو طبعا دة رقم صغير بالنسبة لشراء السيارة المهم انا من يومين لقيت البطارية على معتقد كلوريدا بتنزل مع الادا جيت ادور الصبح لقيت بتعمل صوت تكتكة اتصلت بواحد قالى هى عايزة حد يزق وتشتغل على طول وبالفعل اشتغلت ورحت من عين شمس مشوار الى ميدان الجيزة وركنتها وباليل دارت معى عادى وروحت الى عين شمس وجيت تانى يوم عشان ادور باليل قلت اسخنها شوية لقيت برضوا صوت تكتكة سيبتها لاغايت ما اروح لحد وللعلم انا كنت زودها مياة مقطرة وانا رايح بكرة السبت الى اى واحد بتاع بطاريات عشان اعرف فى اية وياريت عايز خبرتكو معى اية السبب

لما بتيجى تفتح الكونتاكت عشان تدور التابلوة اللمبات اللى فيه بتنور عادى او الكاسيت شغال و لا ايه ؟؟؟ لو كدة تبقى البطاريه سليمة و الدينمو بردة و العيب من المارش

**emadelmahdy** · 05-06-2011 06:16 PM

تمام انا روحت كشفت على البطارية قال ان فيها ربع ضارب والحل التغير مفيش حل غير كدة اشحنها مثلا او ازود ماء نار او احطها على التنجر اية الحل ولو التغير انا عايز اجيب سائل احسن من الجاف وبكام السعر والامبير واديلو القديمة طبعا

**emadelmahdy** · 05-06-2011 07:11 PM

بس بيقولوا الربع ممكن يصلح

**ahmed_eng2001** · 05-06-2011 07:20 PM

السلام عليكم

بص يا باشا
لو الكهربائى او الراجل بتاع البطاريات قالك ان فيها ربع ضارب يبقى مفيش غير شراء بطارية جديدة
يتم قياس البطارية و الدينامو بيشحنها ثم و هى بدون حمل ثم قياسها بحمل ثم اعادة قياسها بدون حمل ,
الدينامو بيشحن ... العربية شغالة ... حوالى 14 فولت
الدينامو مش بيشحن .. العربية مش شغالة ... حوالى 12 فولت
القياس مع الحمل على البطارية ... ازا قرت 6 او 7 فولت و تفضل تنزل عن كدة يبقى البطارية عايزة تتغير

انا مش متزكر الاسعار .. انا غيرت 3 بطاريات فى اسبوع واحد فى شهر يناير الى فات
عربية الوالد و عربية اخى و عربيتى ..... زى ميكونوا متفقين
عربية اخى و والدى ... كلورايد سائلة 55 امبير و كانت بـ 350 تقريبا .. انا مش فاكر بدقة .. ممكن اسأل لحضرتك و ارد عليك قريبا ان شاء الله