انا من اسكندريه..............
طيب انتا عرفت منين انها باظت ؟؟؟
معلش سؤالي غريب بس من حوالي 4 اشهر كنت جايب بطاريه مفيش شهرين والعربيه النور بقا يضعف روحت كشفت عليها الراجل قالي دي بايظه :angry06: طبعا بطاريه ملهاش شهرين باظت انا جالي احباط
روحت ركنت العربيه دورت الصبح مدارتش وشكرا للبطاريه المهم قعدت ارميلها مفيش
مره واحده وانا واقف مكاني شغلت راحت اشتغلت :16:
غيرت سير الدينمو وشغاله زي الفل دلوقتي
طيب انت كنت بتزود مية كل شهر ولا لأ , علشان دة ممكن يضعف البطارية و في الاخر يبوظها لو مزودتهاش
التوكيل الرئيسي بتاع النسر فارتا في الاسكندرية حتلاقية وانت جاي من لوران شارع ابوقير و عديت مزلقان فيكتوريا بتاع القطر و رايح علي الساعة , انا مش فاكر بصراحة قبل دوران الساعة ولا بعدية قبل دوران السيوف
انت دور علي حلواني اسمة نغم علي شمالك , ادخل الشارع بتاعة , شمال في يمين
ممكن تكلم الدليل 140 و يدوك نمرتهم و تكلم التوكيل يدوك عنوانهم بالظبط و تعرف مواعيد شغلهم , انا عملت كدة , و فاتحين الجمعة بس مش فاكر لحد الساعة كام
و ممكن في التليفون يحسبلك حتدفع كام فرق و يدوك واحدة جديدة , بيخصمو حوالي 10 جنية عن كل شهر استهلاك
بطاقة الضمان بتبقي صفرا عليها ختم بتاريخ الشرا و سيريال البطارية , و حتي لو معكش البطاقة بتاعت الضمان ممكن يبدلوها بواحدة جديدة و تدفع فرق بس اكتر شوية .
تمام شكرا جزيلا
توكيل النسر فى الابراهيمية شارع ابو قير بعد نقطة الابراهيمية اول ناصية يمين وانت رايح باب شرق .. ربنا معاك .. !!!!!
توكيل الابراهيمية بيبيع جديد بس , الاستبدال و الصيانة الدورية اتمنعو من سنة او اكتر من فرع الابراهيمية بعد قرار
السيد اللواء عادل لبيب , لأنة كان مرة معدي و لقي العربيات واقفة كتير ادام التوكيل و عاملة زحمة في شارع ابوقير
فالبتالي تيسيرا علي مواطنين الاسكندرية اللي كان بيحبهم و بيموت فيهم منع اي عربية تقف ادام التوكيل و غرامة حوالي 25 الف جنية علي الشركة و نقل كل اعمال الصيانة الي توكيل ميدان الساعة
يعني تمشي نص البلد علشان تزود مية البطارية و تختم الضمان , شفتو اد اية لبيب بيحب الاسكندرانية:grin54:
العيب طلع من ان الميه فى البطاريه كثافتها قلت وبالتالى مابتمسكش شحن رحت ضبط ميتها عند الكهربائى واتشحنت على التونجر ولحد دلوقتى تمام الظاهر عملت كده عشان ما بمشيش كتير بالعربيه تقريبا 500 كم فى الشهر
البطاريه عملتها تانى ودتها للموزع الى شاريها منه قالى حكلم الشركة والشركه ردت عليها انهم حيتحملو ثلث تمن البطاريه بس وانا اتحمل الباقى شايفين الصناعه المصريه بتعمل فينا ايه