حد عنده يعرف مواصفات الجديدةm12
عرض للطباعة
حد عنده يعرف مواصفات الجديدةm12
موجودة في أهرام النهاردة بيتهيألي هي هي نفس مواصفات ال M11
1600 سي سي 118 حصان
فرامل ABS و EBD
مانيوال
جنوط 16 ، 205/55
زجاج كهربا، مرايات كهرابا، حساس مطر، حساس نور
بس الغريب بأه مفيش air bags
السعر 75000
وبيتهيألي ان الوقت مش مناسب خالص للعربية ديه، السوق نايم ومحدش بيشتري انا كنت افضل انه يظبط ال M12 ويعملها دعاية تانية بدل ما ينزل عربية تانية في وقت مش مناسب
فعلا هى هى ام 11 ولكن هاتشباك موجودة فى اهرام النهاردة .. موضوع الوقت مش مناسب اعتقد لأ عادى انا لسه شارى من شهر وشايف ناس كتير بتشترى والبنوك مش بتبطل تقسيط ماشاء الله بعدين هى ترجع لابو الفتوح وسياسته اكيد هو ادرى
الغريب السعر اللى حضرتك قولته 75000 كتير بصراحة على العربية يعنى هى اغلى من السيدان 3000 طيب ايه السبب؟؟؟؟ انا لما شوفت الاعلان فى الاهرام قولت هتعملها من 65000 ل 70000 بالكتير اللى اعرفه ان الهاتشباك ارخص من السيدان لو بنفس المواصفات
دايما الهاتشباك اغلى--علشان رياضية وليها زبون ميعرفش يركب غيرها
مافيش اي فرق غير انها هاتشباك
بالنسبة لتوقيت العرض اعتقد انه مايفرقش كتير بالنسبة للمشتري الجديد بس يفرق معانا احنا ملاك الـ m11 علشان اكيد قطع الغيار تتوافر اكتر لانها اصبحت مطلوبة لعربيتين في السوق وبالنسبة للسعر ما فرقتش كتير نفس السعر بتاع الm11 اول نزلوها لو تفتكرة بالاضافة الي ان كل الهاتشباك في الماركات التانية بيكون اغلي شويه من السيدان .. في المجمل هي خطوه كويسة وان شاء الله يكون ليها رد فعل كويس علي العربيتين
رأي الشخصي الـ m 11 اشيك بكتير منها
الهاتش باك دايما ارخص من السيدان الا بقى لو الهاتش باك حجمها كبير شوية فهنا السعر ممكن يكون متساوى .. لكن انا رايى من راى هيما ان الm11 اشيك بكتير منها
Speranza Egypt - Aboul Fotouh's Photos - In The News | Facebook
ده الاعلان بتاع الــ M12
بص هي السياسة التسعيرية بتاعت توحة غريبة شوية، يعني العربية تبتدي بالسعر العالي وبعدين تنزل شوية ولما الاقبال يزيد تطلع تاني، تحس ان هي سياسة بتنجانية شوية
علي اي اساس السعر الاولاني اتحط الله اعلم طب والسعر نزل ليه وطلع ليه والمتغيرات واحدة
فعلا العربية زى ام 11 مع تغيير الشكل الخارجى وارجو انة يكون تلافى مشاكل ام 11 المتعرف عليها ....ارجو ان التقفيل يكون حلو
اهم حاجة فى الاعلان انة حس ان الشركة لسة موجودة اصلى حسيت ان صاحب الشركة هيخلع زى كتير فى السوق
انا و الله مستعرب من ابو الفتوح
ازى ينزل الهاتش باك بتاع ال m11
والm11 عربية مش منتشرة لان مفيش عليها اقبال
و قطع غيارها تكاد تكون معدومه فى التوكيل وبره التوكيل
هى بيع و تدبيس الناس وخلاص
للاسف المستهلك المصرى مخدوع بالشكل فقط انما جوهر العربية مش مهم عنده
المشكله الكبيره ان عم توحه يصنع العربية ده فى مصر
يبقى الله يرحمها و حتحصل اخواتها فى المشاكل
رجاء خاص لابو الفتوح استنضف وهات العربية زى ماهى من الصين على ابوها
وبطل تلعب فى العربيات
اعمل حسنة واحده فى حياتك
مين قال ان الأم11 مش منتشرة ؟؟؟؟؟؟؟؟
وان شاء الله تكون عربية حلوه
لولا ال 77 بدل ال 82 كنت افتكرت ان انا اللي قلت الكلام ده .....
انا كنت مشغول الفترة اللي فاتت بس افهم من كلمكم ان ال m12 نزلت خلاص؟؟؟؟؟؟؟؟؟؟؟؟؟؟
ده يصدق علي كلام مخازن توحة لما قالولي ان في شحنات قطع غيار داخلة تغرق السوق و بالزات للتيجو و الm
الف مبروك يا اخوانا ........
مش عارف ليه m11 و m12 مابينزلش منهم اوتوماتيك ..اعتقد ان الاوتو مهم جدا دلوقتي
دة غاليه !!!!!!!!!! ممكن اتفق معاك وخاصآ انها اغلى من السيدان والعربيه صينى وايه رايك لما تلاقى توك توك اسمه بيكانتو ب 82 الف جنيه!!! اسعار بصراحه مش عارف ليس لها اى منطق
عندك حق والله انا مش مصدق ان عربية بيكانتو سعرها يوصل ل 82000 كتيييييييييييييييييييير جدا جدا جدا...والناس بتقول m12
كدة سعرها غالي معروف ان اي عربية الهاتش باك بتاعها بيكون اغلي منها
سؤال يا باشا لو سمحت مش حضرتك بعت عربيتك ودلوقتي معاك صني والحمد لله؟
لا كان معاه 516 مش m11 بس هو من كارهي الصيني عموما وابو الفتوح خصوصا مع العلم ان اي عربية تجميع مصري كلها مشاكل وبتتحل الحمد لله واتحدي اي واحد معاه عربية تجميع مصري ما اشتكاش من سوء الخامات او عيوب التقفيل انا صاحبي لسة جايب نيسان صني وكان عندي فرش الباب بيتحرك مع الازاز وهو طالع او نازل ....التجميع المصري فاااااااااااااااااشل ملهاش علاقة بقيابو الفتوح وحش ولا حلو المشكلة في الضمير نفسه.......طمني يا باشا العربية الام عاملة ايه معاك وكام كليو لحد دلوقتي وربنا يباركلك فيها ويكفيك شرها يارب
كشفت شركة "اسبيرانزا إيجيبت-أبوالفتوح" الوكيل الوحيد لسيارات "اسبيرانزا" الصينية في مصر عن سعر السيارة الجديدة M12
وأعلنت الشركة عبر موقعها الرسمي أن سعر M12 التي انطلقت الجمعة بشكل رسمي 74.900 جنيه، بزيادة قدرها 3000 جنيه عن سعر شقيقتها M11 التي بات سعرها 71.900 جنيه نظرا لأنها أقل في سعة المحرك.
السيارة الجديدة سعة محركها 1597 سي سي ، بقوة حصانية تبلغ 117 بخمس سرعات، ومتوافرة براديو كاسيت ، و MP3+CD Player.
أمام أسعار موديلات "اسبيرانزا" الأخرى فجاءت كالتالي : "تيجو" cc1600 بات 58.900 جنيه بدلا من 82.900، وكذلك زاد سعر "تيجو " 2000 cc أتوماتيك الكاملة 110.000 جنيه بزيادة نحو ثلاثة آلاف جنيه.
وكذلك زادت السيارة A113 إلى 51.900 جنيه بدلا من 50.900، وكذلك زاد سعر A516 إلى 65.900 بدلا من 62.900 جنيه، بينما ثبت سعر A620 عند 90 ألف جنيه، وكذلك ثبت سعر M11 عند 71.900 جنيه
المصدر: كارلوج
الحمد لله زى الفل بقالها معنا بعد 3 شهور سنتان وربنا يحفظها لنا ومش يظهر فيها اى شىء بس احنا مبسوطين منها
باشا
انا ما بقلش ان التقفيل المصرى فاشل و لا ممتاز
بس فنى مصرى فى مصنع نيسان بيقفل فى عربية يبانى بيتحطلها قطعه غيار ( صنع فى اليابان ) درجة اولى فعلا وضمير فى جوده المكونات المستورده على الاقل . لدرجة ان كاوتش العجل بريدجستون برده ( صنع فى اليابان ) .
عن فنى مصرى فى مصنع عن توحه بيقفل عربية صينى بيحطلها قطع غيار درجة عاشرة ياريت تكون اصلا مصنوعة فى( الصين) لدرجة ان انت وبختك يا بو بخيت مع غياب تام لجوده المكونات المستخدمه . والكوتش عاوز يتغير عشان ناشف و بيطلعله بلالين --- يابللينك يا توحه:Ka_che1[1]:
والله يا باشا حتي لو مصنوعة في بهتيم برده الحمد لله العربية مريحة وعلي قد فلوسها واكتر كمان وده مريحني جدا جدا جدا الحمد لله
والمشاكل اللي فيها مش مشاكل تكرهك فيها وكمان دي سعرها 72000 مش 150000 مثلا عشان افضل مضايق انها في عيوب تقفيل وبرده انا الكاوتش بتاعي بيريللي زيك يا هيما
هو نوع الكاوتش بقي اساس تقييم العربية ولا ايه يا رجالة !!!!! ... علي فكرة اخويا معاه نيسان صني 2010 والكاوتش بتاع الباب فك لواحدة قبل ما يعمل صيانة ال5000 وماكينة الزجاج الخلفي يمين وقفت لا بيطلع ولا بينزل برده قبل ال 5000 .. هل ده معناه ان العربية زفت وزباله
وهل الكاوتش بتاع الباب يابانى وهل ماكينة الزجاج ياباني برده ؟؟؟؟
باشا كوتش الباب ده من ال 40 % المصرى -- محدش يختلف عليها فى اى عربية تجميع مصرى ان التصنيع المصرى للاسف لا يرقى لتصنيع الفبريكة
انا بتكلم على ال 60% الباقى الفرق بين مكون و مكون
ولا انت مش معانا برده ان ابو فتوح خلاها كلها 100% مصرى و محصلتش ال 60% الصينى :monkey1:
والعجل ابسط دليل على عدم الاسترخاص :36_1_50[1]:
اكيد محدش يختلف علي ال 40 % مصري .. بس هى نفس النسبة مش هاتختلف من اسبرانزا او نيسان او هيونداي
اللي هايفرق اليد المبروكة اللي هاتربط الـ 40 % بالــ 60 % وابو الفتوح برده ما بيسترخص في الكاوتش كان ممكن ينزلها بكاوتش النسر زي الفيرنا مثلا
الاختلاف في الرأي لا يفسد للود قضية ... تقبل تحياتي
الله ينور عليكم يارجاله هو دة الكلام المحترم ومش توحة ولا غيرة اللى هيخلينا نخسر بعض لان كل اصحاب اتوكيلات اكيد حرامية وخصوصا لو بيلعبوا فى العربيات ويقفلوها هنا . الواحد مش قادر ينسى العربيات اللادا بتاعت زمان الى كان بينزل منها نوعين واحد مصرى والتانى روسى .. كنت تركب الروسى تحس انك راكب عربية محترمة من جوا تركب المصرى تلاقى الدواسات محطوطة فى اقصى الشمال واليمين فاضية والفتيس مترين والشبابيك بتخبط من كل حته .. ياراجل توحة مهما لعب فى الحاجة مش هيوصل للمرحله دى وفى النهاية احب اعرف الناس ان للاسف الفترة الجاية كله هيتقفل فى مصر لان كل حاجة دلوقت بقت كدة لانى لسة كنت بشترى سخان غاز لشقتى من كام يوم لقيت الراجل بيقولى للاسف كل الى موجود تقفيل مصرى عندك حته هيونداى اهى كورى منضربش فيها مسمار مصرى خلص وتوكل على الله قلتله حتى السخانات بماركات العربيات بس بصراحة خفت اجيبة لانه ملوش توكيل ومش هعرف اعمله صيانه وجبت الاوليمبيك الصينى تقفيل مصرى .. قلت بينى وبين نفسى هو احنا موعودين ولا اية ربنا يرحمنا ويستر عالبلد ويبعد عننا اى حد قليل الضمير ويباركلنا فى كل الى هنشترية ..
غبور لو يطول كان يديك العربية علي عجلتين و يقولك ان الباقي في الاوتوماتيك بس .....
يا مؤمن دي الفيرنا الفول ابشن مانوال مفيهاش مرايات كهربا يقولك المريات مع الوتوماتيك بس ... قال فول اوبشن قال ....
انت بس الي بقي عندك حساسية من توحة و مش مركز مع الباقي:16:
مش عارف ليه منزلهاش اوتو .....في رايي انه ده عيب كبير رغم كل الامكانيات اللي فيها