-
أرجو المساعدة
أنا ناوية إن شاء الله أجيب عربية و بفكر في التيدا 2011 و أحب أعرف من الأعضاء إلي عندهم العربية إيه رأيهم في العربية العفشة و الموتور و التوكيل و أسعار قطاع الغيار ؟؟ أرجوكم أفيدوني
و كون انها متأفلة في المكسيك دة عمل أي مشاكل ولا العربية كويسة و تستاهل ؟؟
جزاكم الله كل خير
-
العفشة : عفشة محترم جدا , ولا ناعمة ولا نشفة و بتتحمل جدا
الماتور : قوى جدا فى التسارع , عزل الصوت فيه محترم مش حتسمعيه الا بعد 130 ومش مسموع لدرجة الازعاج
وزى ما قولت لحضرتك ماتور قوى جدا فى التسارع , واستهلاك البنزين فيه على المسافات الطويلة ولا اروع منه , وجوة وسط البلد استهلاكه زى اى عربية 1600 سى سى وبيفرق معاكى حسب الزحمة , يعنتى جوة البلد بيعطى من 185 لغاية 210 حسب سواقتك وحسب الطرق وزحمتها , اما الطوالى بيعدى 220 كيلو فى الصفيحة , والصفيحة 20 لتر
التوكيل : افضل توكيل سيارات و بيهتم بخدمة العملاء جدا , واى شكوى اى حاجة مش عجباكى بيهتموا جدا فى حالة الشكاوى , مش بينفضوا زى اى توكيل
قطع الغيار : فى موضوع مثبت عن اسعار المصنعيات واسعار قطع الغيار حضرتك ممكن تاخدى جولة فيهم وتعرفى كل حاجة
واطمنى مش حتغيرى حاجة فى العربية الا الصيانات الضورية فقط , وبعد 100 الف كيلو لو حتغيرى حاجة بتعيش معاكى لفترة , لانها قطع غيار يابانى واصلى
تحياتى وبالتوفيق
-
مفيش بعد كده ياعمدة
ده انا هاقوم انزل ابدل الصني واجيب تيدا ............ منتحرمش ياكبييييييييييير :))))
-
احسن دعايه للتيدا ...استاذ احمد
فعلا من احلي العربيات في كل حاجه.استخدام-تحمل-استهلاك-وسع الصالون والمساحه-قطع الغيار ومده استعمالها
جربت هوندا ( ممتازه بس مكلفه جدا)-تويوتا-صني-تيدا
-
لا يفتا فى التيدا واحمد با شا موجوود
-
عربية جميلة جدا بكل المقاييس بس انا بفضل الهاتش باك
-
انا كنت راكب التيدا في السعودية وبصراحة عربية قوية جدا ومريحة اوي وواسعة اوي
توكلي علي الله واشتريها
-
شكراً جزيلاً على الرد بس أنا خايفة من التقفيل المكسيكي فعلشان كدة بسأل على موديل 2011 بذات لاني عرفة إن كل الموديلات إلي قبل كدة كنت ياباني ياباني لكن 2011 ياباني مكسيكي فهل تنصحوني بها بعد ما بأت مكسيكي ولا لأ
-
بصي انا هرشحلك دايهاتسو سيريون ياباني لكن لازم تركبي العربيتين و تشوفي الفرق بعنيكي و هتعرفي اد ايه التيدا جميلة بالذات وكيل نيسان مفيش بعد كده
-
أنا معايا أصلاً عربية سيريون بس كرهتها بسبب عيب علبة الدركسيون دة علشان كدة بفكر في التيدا و سيات ابيزا و الفورد فيستا بس التيدا خفت منها لما عرفت انها تقفيل مكسيكي فحبيت أسأل الناس إلي جابتها و جربتها و هل في مشكلة بسبب انها متقفلة في المكسيك؟؟
Content Relevant URLs by
vBSEO 3.6.0 PL2