الحجاب والجاز والنفاق الاجتماعى - خالد منتصر

**AmAhmed** · 04-06-2011 01:06 AM

كلام فارغ بصراحة من اي مضمون او منطق .. اذا كانت بداية المقال بيقولك النصوص مطاطة و علشان كده يلا نركن الدين علي جنب
اذا حتناقش شئ مفروض دينيا و في اول المناقشة تركن الدين يبقي ليه تتناقش فيه من الاصل

المقال ابتعد عن الجدل الحقيقي هل الحجاب نقاب و لا خمار و وضع نظريته الافتراضية هل الحجاب هو نقاب و ميكروجيب
و انا احب اريح العلامة صاحب المقال اقوله و ليه ميكروجيب خليها ورقة توت و نرجع للاصل و علي الاصل دور

علماني صريح الله يهديه .. لما يجد جدل او مشكلة .. الحل اللي بيقدمه هو الهروب و اعادة توصيف الجدل علي مقاسه و فكره و بدون اي معاير و يقولك انت مش فاهم المشكلة تعالي انا افهمك الحقيقة اللي كل الناس بتخفيها عنك نيهيهيهيه

**م. حاتم السباعي** · 04-06-2011 01:21 AM

لا اجد ما اقوله امام هذه التفسيرات لثوابت و معتقدات اجمع عليها علماء الامة
و اني ادعو الله لي و للدكتور خالد بالهداية و الرجوع لاي معتقد ديني ( لاهل الذكر )
فلا يصح ان يجتهد فيما لا يعرف
و ما يحاول فرضه من رأي لا ينفي ان جسد المرأة عورة و ان ما يظهر منها الا ما حدده العلماء لا يجوز شرعا
و الست اللي اخرجت ثديها في المواصلات العامة دي ( لو تعلم ما عقابها عند الله ما فعلت ) و هي جالهة بشرع الله تستوي بذلك مع البنت اللي علي البلاج ام مايوه و هي ايضا تجهل علوم دينها
و مثلها مثل التي ( تلطم الخدود و تشق الجيوب في الحزن فلها عقاب ) سواء كانت فقيرة معدمة تسكن الدويقة و لا منشية ناصر او تسكن مصر الجديدة او الزمالك
و لا نفتي علي الله و نقول مين اشد عذاب منهم ( فكلاهما ارتكب المعصية و لله الحكم يغفر لمن يشاء )

م.حاتم السباعي

**AboELsoud** · 04-06-2011 02:46 AM

انا الراجل ده من زمااااااااان مقالاته بتدايقني جدااااااا و بجد انا بكرهه بطريقه رهيبه
و كفايه كلمته المشهوره مع صبحي صالح و اللي بجد مش بعرف اكتبها من كتر ما هي بتداقيني
هو للاسف بيهاجم الاسلام و المسلمين لا لشئ الا لمجرد الهجوم و المصيبه انه مسلم
بجد الحمد لله على نعمه الاسلام ثم على نعمه العقل

**msiwind** · 04-06-2011 03:01 AM

المشاركة الأصلية كتبت بواسطة deee

نفسى اشوف رد لحضرتك لحد محتلف معاك من غير ماتغلط وتشتم فيه

وبتقول مدلس ومش عارف ايه مع ان الراجل جايب كلام من كتب بارقام الصفحات ..

بغض النظر .. جرب ترد على حد من غير ماتغلط فيه .. حاول مش هاتخسر حاجة

----------------------
لقد تم إنذارك ووقفك لمدة أسبوع لمخالفة القاعدة رقم 13 من قواعد المنتدى
رجاء مراجعة قواعد المنتدى
مشرف القسم
ب5
4-6-2011
3:29م

**ashouhdy** · 04-06-2011 03:15 AM

المقال اتفق تماما مع خالد منتصر فى اول جزء

من اول موضوع الحجاب انة مش فرض اختلف معاة فى النقطة دى ... لأنى لما احترت رجعت للتفسيرات من شيوخ مختلفة وأأمة مختلفة

كلامة على ان الكثير بيغطوا الشعر ومن تحت فلة صحيح كلامة ان فى ستات بيرضعوا فى الاوتوبيسات صحيح وشفتها

كلامة انة عادة بدوية فهو فعلا كان صحيح .. ولكن بما ان العلماء فسروا القرأن على انة فرض فأنا كمسلم متفق معاهم

كلامة على ان هناك من يفسروا النص ويقتنعوا بيه على ان تفسيرهم هو النص صحيح

وعلية فأن ممكن اخد من المقال اجزاء صحيحة مغلطتش فيها وأخذ علية نقطة الحجاب فقط على انة غير صحيح بسبب التفسيرات

الكلام ع ان العورة مختلفة ع حسب المكان والزمان فعلا صحيح وال ستينات والسبعينات والارياف والحضر تشهد

كلامة ع ان بعض التيارات بتعامل المرأة ع انها شئ مؤسف وعورة والمرأة للمتعة فقط برضوا صحيح

أخذ ع المقال نقطة الحجاب فقط وشكرا

**ashouhdy** · 04-06-2011 03:23 AM

انا اتعلمت كدة واتربيت كدة وعقليتى كدة ... أخد اللى يفدنى طالما متفق مع دينى واسلامى واللى يضرنى ارفضة.

انا مع اننا ناخد من الغرب مثلا الحلو واترك السئ واطبقة عندى ... مش كل ماهو غير عربى غلط

وان كنت شايف ان تصرفات 99% من العرب والشعوب العربية أسوأ ملييييييييييييون مرة من الغرب فى كل حاجة

مازال مفهوم المرأة عندنا انها اداة للمتعة وعورة وحررص عليها وخبيها لكن اننا نغير من نفسنا ونظرتنا وتفكيرنا لأ

فعلا ذى ماقال بدل مانغير نظرة الذئاب لأ بنخبى اللحمة حتى لو مفيش فيها مايثير الشهوة (برضة رجعت للمتعة سبحان الله هههههههههههههه

ومما رأيت فى الأيام اللى فاتت ان سين من التيارات عندنا فى اسكندرية وقت ما الاستفتاء نتيجتة بانت بنعم ... كانو بيقفوا الميكروباصات ويفصلوا بين الرجال والنساء ....!!! الرجالة فى ميكروباص والستات فى ميكروباص ومحدش يقولى ومالة !!!!

بدل مانغير الفكر والنظرة والمفاهيم لأ بنمنع ونفصل ونخبى.... أعتقد ان انا بتفكيرى دة ليبراللى ولا علمانى ولا حتكفر !!

محدش يذعل منى ...بس دى الحقيقة

**abd_el_7amid** · 04-06-2011 03:54 AM

اخى العزيز
سامحنى فى راءيى : انا شايف انه مالوش داعى لنشر المقالات الهدامة لاسس الدين بغرض التوعية
لان فكرة البدعة عبارة عن شىء جديد يعرض ثم ينقسم الناس على صنفين مؤيد و معارض و للاسف تبدا الفكرة بالانتشار .. وهذا فى الاصل ما يريده المبتدع ( انتشار الموضوع )
يعنى مثلا انا لم اسمع عن خالد منتصر ولا شفته قبل كده غير دلوقتى... ممكن اكون مش مواكب الاعلام بس هتلاقى زى كتير اول مرة يسمعوا عنه هنا.. مثلا انا عارضت مقالته ... غيرى سيؤيد ولن يقول.. او يقول... وتبدا فكرة الانتشار
اللهم علمنا ما ينفعنا ... و نفعنا بما علمتنا
ارجوا منك تقبل كلامى بصدر رحب

-

الموضوع: الحجاب والجاز والنفاق الاجتماعى - خالد منتصر

LinkBack

أدوات الموضوع

عرض

-

-

-

-

المواضيع المتشابهه

خالد منتصر : الله ايه دخله في السياسة ؟

وتبسمت ذات الحجاب

(2) الحجاب في مصر

الغلاق .. والنفاق .. وسوء الأخلاق

الكلمات الدلالية لهذا الموضوع

المفضلات

المفضلات

ضوابط المشاركة