اخترته لأنه سنه في أخر المجلس
عرض للطباعة
اخترته لأنه سنه في أخر المجلس
انا توقيعى بغيره بس مش كتير اوى على حسب الحدث اللى بمر بيه
يعني الحمد لله ( طبعا الحمد و الشكر لله فى كل الاوقات ) بس حبيت احطها لما مشكلة
الحدثة بتاعة اخويا عدت الحمد لله :)
كنت عايزة احط صورة للسيراتو بس بعد كدة قلت لازم تبقي صورة لعربيتي فعلا مش اى صورة و خلاص
انا لسة التوقيع بتاعى
توقيعي هو صورة بنتي اللي هي كل حياتي
ممكن بقي نصيحة بس من واحد بيعاني
يا ريت تخففوا حجم التوقيعات عشان الناس اللي بتدخل من سرعات مختلفة بتتحمل عندها التواقيع ببطء
----------
رغم اني بطيئ التغيير في حياتي الا ان توقيعي بيعكس حالتى المزاجية دايما
والله شكرا يا عم كاسبر طلعتها في دماغي بالموضوع بتاعك وتعبت على ما عملت توقيع ........بس ايه رايكوا في الواد؟حد عنده عروسه؟؟؟؟:d
أنا بقى متناقض جداَ .. لأن أنا بحب التجديد دائماَ و بزهق بسرعة بس برضه في حاجات مقدرش أغيرها و باخد عليها عشرة و بتضايق لو إتغيرت ..
أنا توقيعي في حاجتين ..
أولاَ ذكر الله اللي أنا كاتبه لأني بحب أخرتي و نفسي آخد ثواب و حسنات كل ما حد دخل و قرأ الذكر الجميل دة ..
ثاني حاجة العربية ال CAMARO دي هي سيلرة أحلامي اللي نفسي أجبها خصوصاَ إن سعرها هيبقى 380.000LE للنسخة الرخيصة ال 3.7L بالجمرك ..
:):)
موضوع جميل يا باشا ألف شكر....أنا فعلا توقيعي بيبقى إنعكاس لحالتي المزاجية أو تأكيد على رأي قلته ....بالذات في نقاش أو بالاحرى جدال ....و غالبا بيبقى ليه علاقة بتويوتا ;)
توقيعي الحالي ليه حكاية ....الجملة مقتبسة من أغنية لمغني أمريكاني إسمه مضحك = Meatloaf (رغيف لحمة أو حواوشي:D) الاغنية اسمها Objects in the rear view mirror ....شكل الاخ حواوشي ده بيحب العربيات زاي حالتنا.... و مغزى الاغنية إن إسترجاع الذكريات أشبه بالنظر في مرآة السيارة ...الأجسام المرئية تبدو قريبة برغم بعدها .....زاي الذكريات بعيدة لكن تبان قريبة و ليها تأثير على الحاضر:cool:
الجملة بقى بتشبه الحياه بطريق سفر سريع و الأرواح مثل السيارات في هذا الطريق و الصورة بتعبر عن الأرواح المتسارعة في سباق الحياة :eek:
على فكرة مش دايما توقيعي معقد كده:D:D:D
التوقيع قد يكون امر مزاجى مؤقت 00 البعض يحب تغيرة بين الحين والاخر والبعض يرى انه جزء من شخصيتة وحالتة المزاجية فى وقت التوقيع ، واخرين يرون ان التوقيع ما هو إلا مزحة يجب تغيرها لانها لاتعبر عن شخصيتهم بقدر ما تعبر عن واقع اليم يمرون به بصفة مؤقتة !
ويرى البعض ان التوقيع يجب ان يكون معبر عن شخصيتهم وما بداخلهم ! وبالنسبة لى التوقيع ما هو إلا تعبير صادق للاخرين بأن رأى ليس مقدس بالنسبة لى و يحتمل الصواب والخطأ لاننا فى النهاية بشر نخطىء ونصيب !