الموضوع: المدينة الفااااضلة

السلام عليكم ورحمة الله وبركاته

أخوكم مهندس كهرباء شغال في بلاد البترول والحرارة التي لا تنتهي - الخليج العربي السعيد

أنا أصلا من مدينة ملوي بمحافظة المنيا بوسط الصعيد

أنا فاكر من عشرين سنة تقريبا كانت مدينتنا مليئة بالقصور والشوارع النظيفة - نسبيا حسب ذلك الوقت - وكانت البيوت غير مرتفعة والمدينة كانت متوسطة الحجم تقريبا نصف كيلو في نصف كيلو متر

بعد عشرين سنة في حكم مبارك

كان الأول الناس كلها تقريبا عائلات وتعرف بعضها
تحول عدد سكان المدينة لما يقارب في نظري المليون نسمه بعد هروب القرويين إلى المدينة

البلد تورمت وتضاعفت مساحتها حتى أوشكت ان تصبح كيلو ونصف في اتنين كيلو متر -
أي تقريبا ثمانية مرات ما كانت عليه

الشوارع أصبحت ضيقة جدا وملتوية على الآخر ولا توجد تقاطعات والمنازل مرتفعة يعني تقريبا أصبحت البلد زي المخيمات الفلسطينية في جنوب لبنان


وبعد أن كان نادي العائلات ومجمع الملاعب في منتصف البلد ومتنفس للناس
والإستاد في نهاية البلد وبعيدا عن العمران
والمساجد كانت تراثية وجميله - يكفي أن تعرف أن مسجد العرفاني بناه عرفان باشا سيف النصر ومازال الديكور الداخلي كما هو وما زال السجاد الذي اتي به للمسجد مكتوب في طرف كل سجادة ( مسجد العرفاني بملوي ) والكتابة بنفس نسيج السجادة ومن أكثر من ستين سنة والسجاد لم يبلى رغم إن المسجد عليه زحام شديد
ده غير مسجد اليوسفي اللي عمره 850 سنة ومبنى على شكل مسجد عمرو بن العاص

الثانوية العسكرية كانت بمساحة استاد لكرة القدم

كل شئ كان أجمل بكثييييييييير من الحين

والآاااااااااااااان

بإختصار في رأيي أصبحت مدينة غير مؤهلة للإستخدام الآدمي



من زماااااااااااااااااااااان وانا أعتقد أن الآدمية والأخلاق لا يوجدوا في بيئة غير آدمية وغير أخلاقية


ولذلك أحلم بان يأتي اليوم الذي أرجع فيه إلى مدينتي وأراها كما كانت

ولأن التاريخ لا يعيد نفسه

فأنا قررت أن أحول حلمي

فأنا حاليا أحلم بأن أستطيع أن أبني مدينة أخرى لكن بأعلى النسق الذي يتناسب مع حضارتنا
أو ان أهدم مدينة ملوي جزء جزء وأبنيها مرة أخرى


طبعا الكثير سيقول أن ذلك أضغاث أحلام

ولكني أراها حقيقة قريبة من الواقع
وهناك في مخي الصغير افكارا يمكن أن تتحقق ولكنها تحتاج إلى مجموعة مؤمنة بالفكرة إيمانا عميقا


واحد هيقولي طب وإحنا مالنا بملوي والصعيد كله ما تولعوا بجاز !!!!!!!!!!!!!!!!!!!!!!!!!!!

أقوله يا عزيزي كلنا في الهوا سوا

وما يصلح لدينا في الصعيد البائس من أفكار يصلح ولو جزئيا لأهل العاصمة الكبرى وسع الله عليهم - اللهم لا حسد

من الأفكار التي في دماغي هي أن نعمل انا ومجموعة شركة استثمار عقاري وندخلها البورصة - أي والله البورصة حتة واحدة - ولو وصلنا لمبلغ محترم من الملايين المصرية فممكن نشتري جزء كبير في البلد من العمارات الغير آدمية وندفع فيه أكتر من تمنه لأصحاب العمارات مع ترضية كل السكان
وبعدين نعيد بناء الحي بالكامل بطريقة هندسية جميله
مع بناء مركز إسلامي خدمي كبير وفيه مسجد على أعلى مستوى وكنيسه كمان لو فيه مسيحيين ساكنين او اشتروا في الوحدات
وطبعا مستشفى محترم وإن كان صغير ونادي وأماكن ترفيه ووووو - وحول المراكز الخدمية تتعمل شوارع بعرض خمسين متر كده وفيها براكن سيارات ومسارات لسير الدراجات الهوائية وأماكن للمارة ومسارات للسيارات وفي الشوارع عمارات بإرتفاع عشرة أو ستة أدوار حسب التصميم ومصممة بحيث تكون فيها إنارة وتهوية طبيعية ومبنية بطوب عازل جزئيا - وكل عمارة على أربعة نواصي وتحتيها محلات واااااااااااسعة ومحترمة وكمان بين كل عمارة والتانية يبقى الجزء مظلل وفيه أماكن لعبور المشاه بعيد عن الشمس الحارقة والمطر المغرق
وطبعا كل عمارتين تلاته يوجد شارع متقاطع مع الشارع الرئيسي
وطبعا الشوارع تبقى كلها أسفلت وباسكو وكلنينكر عقبال عندكم جميعا
وفيه خدمات تليفونيه للحي مجانية وشبكة نت وتلفزيون عاملة علشان ما يبقاش فيه أسلاك ماشية في الهوا
والكهرباء بالكابلات مش بالأعمدة الهوائية
وإنارة الشوارع موفرة للطاقة
وكل عمارة فيها طاقة شمسية لتسخين المياه
وغاز طبيعي
وفيه محطة تموين بنزين وغاز طبيعي
وفيه مخابز تخبز عيش بلدي ولبناني كمان
والمية مفلتزة ونظيفه داخل كل عمارة
ومدرسة إبتدائية واتنين إعدادية على أعلى المستويات الحضارية
وحضانه تطلع ناس عباقرة
ومافيش ورش
آه بأقولها من دلوقتي الورش ممنوعة
لكن ممكن يبقى فيه مصانع خفيفة زي مصانع التعبئة والحاجات دي


بعد ما نبني الحي المميز ده واللي أكبر ميزه فيه إنه داخل المدينة اللي هم ساكنين فيها وكل وماحد نفسه أحفاده يعيشوا فيها معاه

نيجي بقى نبيع الوحدات اللي أقل شقة هتكون مائة وعشرين متر فيها صالة واسعة واربع غرف وحمامين ومطبخ
ونبيع الشقق دي بسعر معقول مش مبالغ فيه وبهامش ربح مش كبير
لكن هيكون فيه شرط لأي واحد عايز يسكن وهو إنه يبيعلنا بيت في حي تاني
وبكده هنخلي حي آخر
وأعتقد إن سعر الوحدات والمحلات في حي زي ده هيكون مغري جدا

وبعد ما نخلص بيع الحي بالكامل نبدأ في الحي اللي بعده وطبعا مع الاستمرار وأخذ سمعة طيبة وثقة الناس فأعتقد ممكن نغير وضع المدينة بالكامل


ما رأيكم دام فضلكم ؟؟؟؟؟؟؟؟؟؟

مش عارف حد فاهم حاجة ولا لسه أضغاث أحلام ؟؟؟؟؟؟؟؟؟؟؟؟؟؟؟؟؟؟؟؟؟