مطلوب مشاركة الرأي في تغيير عفشة كاملة لانسر كريستاله
السلام عليكم
انا مايا لانسر كريستاله 99 و انا اول مالك ليها العربية عاملة 400 الف كيلو و من يوم ماجبتها مغيرتش غير 4 مساعدين و تيش اسكترا يمين و شمال مرة واحدة و شكرا علي كده !!!
النتيجة : دلوقتي العربية ماشية بتزيق و يتعوم و بتشخلل و يتطقطق و بتعمل كل انواع الموسيقي اللي حضراتكم تتخيلوها
المطلوب : مشاركة في الرأي لاني ناوي اغير العفشة بالكامل لان كفاية عليها كده بجد
الخطة اللي في دماغي :
تغيير مقصات امامية استيراد : لسه مجبتش و عايز اعرف اجيبهم منين و سعرهم في حدود كام
تغيير اتياش استكرا و بيض امامي جداد ياباني و ليس اصلي : ياريت لو حد عنده اقتراح
4 مساعدين جداد : المطلوب هنا هل اجيب kyb ولا اجيب مونورو ؟
تغيير جلب مقصات خلفية : اجيبهم منين و هل جديد ولا استيراد
تغيير شدادات خلفية : جبت ال 4 ب 170 جنيه
مسمارين ميزان هيونداي ك ياريت اقتراحات لاني ركبت مرة مسمار هيونداي و كان كويس جدا علي الرفم من ان الحشو بتاعه بلاستيك بس مش بيتكسر زي الاصلي !!!!
انا ناوي اجيب المساعدين لو kyp من شارع دمشق من عند الاعتماد في مصر الجديدة ز كذلك الاتياش و البيض
ياريت تشاركوني في الرأي لاني محتار جدا
