الموضوع: مشكلتي مع اوماترا

طبعا مننا كتير مستحملين موضوع اسعار الصيانات والحاجات دى كلها عشان (منطلعش من الضمان )
وقلنا ماشي
امبارح اخويا كان في التوكيل (انا مرحتش لاني معرفتش اخد اجازة)
كنت بغير فانوس الاشارة الي قدام لان في كسر صغير في غطا الفانوس وهوا شغال مفيهوش مشاكل (بس مضطر عشان أأمن)
وتانيا ان الكلاكس كان فصل فجاة معرفش ليه وهناك قالو مش جو الضمان ولازم تغير مش عارف ايه كدة ب 300 جنيه اخويا قاله لا قام الراجل (مرجلشه ) وكلفت 22 جنية بس قاله هيرجع يبوظ تاني !!!!!!!!!!!!!!!!!!!!!!!!
وملقتش الفانوس القديم معرفش نسيو يحطوة في العريبة ولا ايه ولا ضربو عليه
و تارة الدركسيون كانت مرحله يمين بدل ما يعدلوهاشمال خلوها مرحلة يمين اكتر
واخيرا وده المهم كان فيه صوت تزييق بسيط من ناحية الكاوتش الس ورا يمين معرفش بقى من الكاارتيرة ولا العفشة ولا المساعد
المهم كشفو عالعربية والمهندس قاله لو مفيهاش حادثة من تحت تبقى تبع الضمان وفعلا هيا الحمد لله مفيها حاجه من تحت

بعد كده اليوم خلص وملحقوش يعملو الموضوع ده .. وقالولو سيبها تبات قالهم خصوصا ان النهاردة الجمعه وقولولو هاتها الاسبوع الجاي في يوم من بدري .. و دفع 380 جنيه (معا العلم ان سعر الفانوس 165 بالضريبة ) وده بعد خصم 50 جنية

العربية امبارح وانا ماشي بيها الصوت بيزيد وبتحك جدا لحد ما بقى الصوت عالى قوى و مبقتش تمشى ورجعت البيت بالعافية لا حظت ان الكوتش مرحل لورا اوي وبيحك في كل حاجة
النهاردة كلمت مدير الصيانة وانا مش طايق نفسي وجه هوا ومهندس تاني من الهرم
ولما بص عالعربية قالي مليش دعوة دي واخدة حادثة دي مش مننا
قلتله اترفعت امبارح في التوكيل والمهندس معتز قال مفهاش حادثة .. يقولي لا مترفعتش انا مدير الصيانة وعارف
كلمنا معتز وسالتة رفعتها ةلا لا وقلت مفهاش حادثة قالي اه واكيد بعد ما طلعت من عندى عملت بيها حادثة في الدنجل (سبحان الله في نفس الدنجل)

وفي الاخر مدير الصيانة بيقولي الدنجل ب 4000 جنية واحنا مش هنتحمله

بس انا مش مقتنغ وربنا يكرمنى في الي هيحصل