بحبها فى كل الاحوال
عرض للطباعة
بحبها فى كل الاحوال
لما بكون مسافر فقط
او لما بسوق فى المدن الفاضية زى مرسى مطروح او الساحل الشمالى او الغردقة
لكن لو فى القاهرة بختصر و بركب مواصلات لو المكان اللى انا رايحة مواصلاته كويسة و سهلة
اهو بالمرة اوفر بنزين و اوفر استهلاك العربية و و مطمئن على العربية و اوفر على نفسى العصبية :)
السلام عليكم و رحمة الله و بركاته
أنا سنى 34 سنة و اتعلمت السواقة بعد الثانوية العامة عالطول و أنا عندى 17 سنة و والدى كان رااااااااااااافض تماما, أنى أتعلم السواقة و أنا عندى 12 سنة, زى مابيحصل هنا فى مصر, لأن والدى كان متعلم السواقة فى سويسرا و لا يقبل اطلااااااااااااقا فكرة, أن واحد عنده 12 و لا 13 سنة يسوق, ده اسمه جهل و استهتار و أول ماكملت ال18 سنة, طلعت رخصة -كانت ورقة كبيرة أد كف الايد كده- و كانت القيادة ممتعة جدا و كانت الناس و سواقين التاكسى, عندهم بواقى ذوق و احترام و أخلاق, بس دلوقتى, السواقة فى الشارع عبارة عن قطعة من الحجيم فعلا و لا يوجد فيها أى متعة خااااااااااااااالص, ربنا يرحمنا و يلطف بينا.
نفسي اجيب بي ام عشان ابقي سعيد وانا سايق
غير كده عادي جدا بس انا اصلا بحب السواقه لكن مش بحب العربيه
من يومين كنت في دبي وركبت لكزس is حاجه كده طياره
غالبا لا بس احيانا بأخد العربية الصبح بدرى 7 و لا حاجة تانى وتالت يوم العيد مش عايز اقولك بجد أحساااااااااس خرافى كانك فى القاهرة لوحدك بجد بستمتع بالوقت ده جدا لحد الساعة 10
بحب السواقة جدا لما بكون على طريق سريع أو فى يوم رايق زى يوم جمعة قبل الصلاة أو بالليل متأخر قوى وياسلام لو بسوق بالليل والدنيا بتمطر فى مكان رايق دى بقى المتعة كلها عندى .
وساعات ببقى مشتاق للسواقة لو مثلا بقالى اسبوعين راكن العربية حتى لو سوقت فى زحمة بتبقى على قلبى زى العسل .
قيادة سيارتي شئ يسعدني جدا
وما يحدث حولي من قائدي السيارات يبدد ذلك
اولا بحب السواقة جدا بس بالنسبة للانبساط دة موضع كبير اوي
ببقي مبسوط جدا للاسباب التالية
1-سواقين الميكروباص اساتذة في السواقة.يقولك هو الي هايزعل مش انا . مبدا الدراع (مش محتاجة توضيح )
2- سواقين التاكسي اما يقفوا قدامك مرة واحدة عشان الزبون
3- سواقين الميكروباص الي واقفين في كل حتة واي حتة بيركبوا الناس
4- العربيات المقطور ياسلام عليهم والنقل عموما
5- سواقين هيئة النقل العام والوقوف في نهر الطريق
6-الباشا الي بيمسك اقصي اليسار ويمشي 40 في الدائري
7-الناس الي بتعدي بلا مبالاة . تحسسك انك اول ما تدوس علي الزر العربية هاتقف
8-الزحام وما اجملة . متعة رهيبة .اما تقف مثلا علي كوبري اكتوبر في عز الحر ولاتمشي في شارع القصر العيني ولا......
9-الجميل الي يشوف الخطوط البيضاء في الارض ويمشي والخط في نصف العربية وياخد حارتين .
10-الراجل المهم اوي الي ماسك الموبايل وناسي انة بيسوق وناسي ان في بشر وراة متعطلة بسبب حضرتة
11-.............
12-.............
200-..............................
اقولك اية ولا اية ولا اية
ياتري عرفت مدي انبساطي ولا لسة :b4_611:
انا بحب السواقة وببقى مبسوط الحمد لله معظم الوقت
تقريبا العربية بتفرق باردوا يعنى قد ايه هى بتقدر تعزلك عن الجو الخارجى
ولا بتحس بجو ولا دوشة
ومعظم طرق اللى بمشى فيها بتكون كويسة الحمد لله ومش زحمة اوى