الموضوع: شبيك لبيك تطـلب ايه من نيـسان .. طلباتكم حنوصلها للمسئولين , تفاعلوا لمصلحتكم

اخواني اعضاء قسم نيسان

في ظل التقدم والانتشار
الذي احرزه منتدى نايل موتورز .. على مستوى مواقع السيارات في الشرق الاوسط
والذي اصبح بعون الله
محط انظار اكبر توكيلات السيارات في مصر وكل من هو مهتم بمجال السيارات

فعليه وجدت انه اصبح بامكاننا كاعضاء ومالكي سيارات .. ان نساهم بافكارنا وأراءنا في اضافة كل ما هو مفيد وجديد .. يساهم في سرعة انتشار سيارات نيسان في السوق المصري

وهذا كله نابع من خبراتنا المتواضعة .. كمالكي لهذا النوع من السيارة .. ونقل وجهة نظرنا للتوكيل

ومن هنا جاءت فكرة هذا الموضوع

"شبيك لبيك تطلب ايه من توكيلك لعربيتك"

واحنا سايقين وسرحانين مع العربية امنية بتتمناها بعد ما اشتريتها .. ساعات بنقعد نقول

"يااااه لو كان فيها كذا , او يعملوا كذا , او ياريت مكنش فيها كذا"

فتعالوا نتمنى ونفكر بصوت عالي يمكن صوتنا يكون ليه صدى ونلاقي فعلا
الموديلات الجديدة في المستقبل شملها التعديل زي ما اتمنينا

فى النهاية

هذا الموضوع سوف اقوم بارساله عبر ميل الى توكيل نيسان وتسليمه ايضا لبعض الاصدقاء لتوصيله الى كل المهتمين بكل تطور وجديد

مع رسالة ودعوة حب وترحاب من اعضائنا الكرام فى قسم نيسان نايل موتورز للتوكيل

ليتم النظر فى اقتراحتنا عن اهم التعديلات التى نريدها فى سياراتنا فى المستقبل

اولي امانينا من نيسان بوافر التحية والتقدير ونتمني ان تهتم التوكيلات بتحقيق رغباتنا

لما سيعود عليها بالفائدة .. كما سيعود علينا نحن العملاء واكثر

كل التحية والتقدير لنايل موتورز وكل القائمين عليه

لتوفير هذا المنبر الدي تعبر من خلاله اصواتنا لكل التوكيلات في جميع ارجاء العالم

ملحوظة

هذا الموضوع خاص باهم الاضافات اللى نريد اضافاتها على سياراتنا
وليس نقد او طرح مشكلة مع مركز صيانة

وفى القريب سوف نقدم لكم موضوع اخر عن سلبيات مراكز الخدمة
وسوف اقدمه بنفسى الى التوكيلات
لكى نسهم ونساعد معهم فى التطور من مستوى الخدمة
وراحة اعضائنا فى المقام الاول وكل عملاء نيسان

تقبلوا تحياتى

اخوكم فى الله

احمد مصطفى

منسق نيسان نايل موتورز

ها .. يالا

-------------

تم تغير العنوان بناء على طلب منسق القسم

مشرف القسم
15ب

السلام عليكم
طبعا يابو حميد ماشاء الله علي مواضيعك الجميله ديه يابني
انا بقعد افكر في فكرة للمواضيع ممكن افيد بيها المنتدي بس اتأكدت اني مهما عملت مش هاوصل لتفكير الكبيـــــــــــر أوي :)))
وطبعا اللي قولته علي اقتراحات لنيسان عموما و صني خاصة لا يعلي عليها ماشاء الله
دلوقتي انا هاقسم ردي علي شقين
الشق الاول للمدي القريب بما اني من ملاك الصني
الشق الثاني وده للمدي البعيد اذا شاء المولي عز وجل وغيرت الصني ان شاء الله او لنيسان عامة

....-الشق الأول: (أطلب من نيساااااااان) ممممممم .
1- مع زيادة عدد مراكز الخدمة علشان تغطي القاهرة الكبري والمحافظات .... تخفيض المصنعيات و اسعار قطع الغيار للحد الأدني علشان يكون التوكيل هو السبيل الوحيد للصيانة ومتكونش زي البعبع اللي الناس تخاف منه
2-تكرار المعارض زي حملة الكشف المجانية الجارية علي مدار السنة ... لانها فعلا حركة جميلة جدا من شركة بتحاول تخدم عملائها
حتي التقارير اللي طلعت ايام الحملة تبقي ببلاش في الصيانات الدورية مش تبقي بالاسعار العالية ديه!!!

.... الشق الثاني: وده للمدي البعيد ونبدأ
بالصني: 1- طبعا طبعا فتحة سقف :))
2- طارة مالتي فانكشن (زي الجين تو :D )
3- اهم حاجة تقفيل الكراسي والفرش يبقي شركة نضيفة شويه اللي تتعامل معاها
4- تنزل بجنوط شيك كده بدل الجنوط الحديد
5- فتيسها الاوتو اللي ناس كتير ليها كلام عليه يبقي بتكنولوجيا حديثة شويه واستهلاك البنزين
5-اخيرا طبعا تغيير شكل التابلوووووووووووه ده مع الحفاظ علي كلاسيكيته وخاماته النضيفة
التيدا:
1- اسعارها تنزل سيكا .. كده ولا حاجة
2- بصراحة عربية جميلة ومش محتاجة حاجة وملاكها أدري بيها .
القشقاي:
1- نفسي يدوني واحده ببلاش وهاروح اقعدلهم علي باب المصتع احرسه ههههههههههههه

حقوق الصني محفوظة لدي سونا استيل للدعاية والاعلان :))
اقعدوا بالعافية