سلام عليكم
معلش كنت عاوز اعرف الفرق بين النترا خليجى والانترا الوكيل
هل الفرق ان الانترا الخليجى هى الى جاية من الخليج واترخصت فى مصر ولا دى معلومة غلط ؟
سلام عليكم
معلش كنت عاوز اعرف الفرق بين النترا خليجى والانترا الوكيل
هل الفرق ان الانترا الخليجى هى الى جاية من الخليج واترخصت فى مصر ولا دى معلومة غلط ؟
الخليجي سعرها أقل و أوبشنز أعلى - و سمعت إن في واحدة فيها بلوتوث و جنوط و dvd و كاميرا و حاجات كتيرة كده متلاقيهاش أبدا في التوكيل
اللي في التوكيل آخرها ال abs و فتحت السقف و الفوجات و التكييف التتش
شكرا جزيلا يا حمادة
بس لية سعرها اقل ؟
حضرتك الوكيل يعنى شركة هيونداى لها وكيل فى مصر بيتبيعله العربية و هو بيبيعها لحضرتك و بيكون عنده مراكز خدمة و تدريب من كوريا و بيضمن العربيات اللى بيبيعها 3 سنين .
نفس الكلام بيحصل فى السعودية و الامارات و بقية دول الخليج , الوكيل فى مصر بيبيع العربية غالى شوية يقوم التجار فى مصر ينزلوا الخليج يشتروا عربيات سعودى مثلا و يصدروها مصر و يبيعوها بسعر اقل علشان مبيبقاش معاها ضمان و لا هم عندهم مراكز خدمة و بياخدوها بسعر ارخص علشان الوكيل فى السعودية مثلا له منافسة لان هناك فى 3 توكيلات فهو بيبقى عايز يخلص من العربيات بسرعة علشان بيجيله عدد معين اول كل شهر و كمان كل ما يشترى عدد اكبر بيشترى ارخص فبيبقى له ميزة عن منافسينه , هنا فى مصر فى توكيل واحد بس لكل ماركة فمفيش منافسين اساسا فهو بيسعر بمذاجه.
العربية الخليجى كويسة و كل حاجة بس طبعا اى سلعة بيبقى فيها نسبة و لو 1% معيوبة فلو حضرتك حظك العربية اللى اشتريتها طلعت معيوبة هتصلحها على حسابك لان ضمنها مش فى مصر ضمانها فى السعودية فملهاش ضمان و فى حل للموضوع دا فى شركات بتبيع ضمان لحضرتك السنة فى حدود 1 او 2% بالكتير من تمن العربية و لو حصل حاجة فى العربية بتروح مراكز خدمة تبعهم و بغيرولك القطعة البايظة كانك فى الضمان و طبعا ضمان وكيل غير ضمان تاجر صغير , اخر حاجة العربية الخليجى فى توكيلات بترفض تدخلها تعمل صيانة عادية و فى بيوافق و فى بيزود فى تمن المصنعية و قطع الغيار على الخليجى
شكرا جزيلا جدا يا سمعا بجد رد كاف وشاف
شكرا جزيلا :)