هي الصني تجميع مصري بس و لا فيها مكونات مصري ؟؟؟؟؟ و لو فيها ايه هيا
اه و الدبرياج بتاع المانيوال زيت ولا وير ؟؟
ولو زيت بيتزود منين و لا هو زيت الفتيس
و زيت الفتيس بيتغير كل اد ايه و بتكلم عن المانيوال
افيدونا يا صقور الصني
عرض للطباعة
هي الصني تجميع مصري بس و لا فيها مكونات مصري ؟؟؟؟؟ و لو فيها ايه هيا
اه و الدبرياج بتاع المانيوال زيت ولا وير ؟؟
ولو زيت بيتزود منين و لا هو زيت الفتيس
و زيت الفتيس بيتغير كل اد ايه و بتكلم عن المانيوال
افيدونا يا صقور الصني
اي عربية بتتجمع في مصر لازم يبقى فيها 40 % مكونات مصرية
طب ايه الي راكب فيها من مصر عشان اشيله :)
اقتباس:
المشاركة الأصلية كتبت بواسطة fbiahmed
اولا
اخى الكريم ,, اطمن فى اختيارك للعربية
واللى حيطمنك مش احنا ,, انتشار العربية فى السوق المصرى ,, قدامك اخباره ايه ؟؟!!!
ثانيا , حضرتك زى ما قريت الموضوع اللى لسه حعمل حالا وبنطلب فيه اضافات جديدة وتطوير للعربية , عشان عشان محتاجين الافضل والافضل دايما للعربية , واذا كان من موضوع وتطورات بنطلبعا الافضل للعربية
يبقا ادخل واقرا فى موضوع اهم موضوعات الصنى المثبت , تقارير الاعضاء عن العربية الى بعد 100 الف كيلو
ودليل على كلامى , فى موضوع جيبهولك اللى كنت بتسال عليه بتاع الدبرياج
http://www.nilemotors.net/Nile/179150-2000-2011-a.html
ثالثا : زى ما اى عربية بيكون فيها عيوب , بنحاول مع الشركة نطور اى مشكلة , شوف السيراتو اللى حققت انتشار , بقت تحقق انتشار كبير فى سرقتها , بعد اكتشاف عيب فيها بيخليها تتسرق بسهولة ى موضوع الكود بتعها
رابعا : وبخصوص المكونات المصرى , الكراسى والشكمان , والضفيرة وزجاج السيارة ,
واذا كل دول غيروه واستوردوا السيارة تمنها حيعدى جدا , بس احنا بنحاول نشوف ايه اللى ممكن يطوره بالعقل وتمن العربية ميزدش كتير
الكراسى اللى بعد فترة سنتين مثلا بتكون متعبة , بس كدا كدا انت بتعمل فرش جديد للسيارة زى اغلب الناس , وفى ناس مش بتشتكى بردوا عشان تكون عارف
ومشكلة الضفيرة مفيش فيها مشاكل حالية والحمد لله , بس وارد ان تلاقى واحد يشتكى , واللى بيشتكى بتتغير على طول
وعشان كدا بنقولهم لو يقدروا يغيروها ويرتاحوا من اى شكوى
متقلقش العربية ممتازة , مقارنة باى عربية فى فئاتها
اخى الكريم :
واقراء موضوعات القسم كويس سواء فى صفحاته العادية او الموضوعات المثبتة , وانت ترتاح
وبخصوص تغير زيت الفتيس , متشلش هم , هما بغيروا كل حاجة فى معادها , استلم بس وافح بالعربية , زيت الفتيس الاتوماتيك بيتغير كل 40 الف كيلو والمانيول كل 60 الف
واحب اقولك انا لو مكنش معايا تيدا مع نزول الهاى لاين فى الصنى كنت جبتها بلا تردد او قلق او خوف , كفاية توكيلها اللى بيهتم باى مشكلة لى عميل عنده ليه شكوى على عكس باقى التوكيلات الاخرى , اللى بتبيع عربيات وبس , ومش بتهتم بخدمة ما بعد العيب
وكل شى عمرك ما حتخده كامل , لان الكمال لله وحده
تحياتى
وبالتوفيق
الخراطيم الفرش البطارية الشكمان الزجاج الريداتير اعتقد الدهان مصري كمان متنساش تشيلةاقتباس:
المشاركة الأصلية كتبت بواسطة fbiahmed
اما لعفشة المتور الفتيس الكوتش الصاج كله يباني
شكرا يا استاذ احمد طمنتني و احنا اكيد على معادنا لو حضرتك فاضي في استلام الصني بتاعتي هي وصلت بس نيسان فاينانس لسه مخلصتش اجرائتها هي احتمال تبقى الاسبوع الجاي لو حضرتك فاضي ممكن توصي عليا الاستاذ محمد عادل بتاع اوتو ايجبت مدينه نصر عشان يشهل شويه احسن انا خلاص مش قادر اصبر للثلاثاء الجاي
انا هاروح اليابان اجيب الحاجات دي و الرش مش مشكله حاجبها من الحرفيين بتاعة اليابان من عند الواد يوكو الي بعد بتاع التيوتا
بقع و تقشير ايه يا عم ده فيه عربيه كده ؟
علي فكرة دي مشاكل فرديةاقتباس:
المشاركة الأصلية كتبت بواسطة fbiahmed
اخى الكريم
انا طلبت من المشرف نقل مشاركتك هنا
برجاء اى استفسار تريده افتح بيه موضوع او خاليه هنا فى موضوعاك , عشان الموضوع بتاع شبيك لبيك حيكون فى طلبات للاعضاء عن اى تطوير وليس للرد على استفسار فيه بينا ونقاشات
بخصوص العربية اهم شى فيها الماتور والفتيس والعفشة يابانى بالكامل وده حاجة مهمة جدا , حاسوا بيها الاعضاء ولمسوا قيمتهم الحقيقة
وبخصوص الدهان , بصراحة انا مسمعتش عن موضوع التقشير ده الا من عضو عندنا اسمه احمد نايل , وكان بسبب اى العربية طلعت واخدة خروبش , ولازم الجزء اللى فى الدلايات ده لو اخد حكة لازم يترش مش يتساب كدا لانه بيضعف ,لانه على فيبر
ولو جت عليه حاجاة شديدة بتخليه يزيد تقشير , وده حال اى فيبر ممكن يتقشر من حكة او خبطة لو اهملته ومقومتش بعلاجه
وموضوع البقع , ده عضو واحد بس عندنا اشتكى منه فى سياراته اسمه عمر , من اسكندرية , وقدم بيه شكوى
وبخصوص عمرو باشا , اللى رد فى موضوع شبيك لبيك ,
خالينى اسلم عليك الاول يا حبى , ان شاء تكون بخير ونشوفك قريب يا عمور
بخصوص العربيات اللى بتشوفها فى الشارع كدا , الله اعلم ده من ايه وسبب هل غلطة من صاحب العربية ولالا
وبخصوص البقع لو عندك او عند اى حد ظهرت ياريت يقدم بيه شكوى , على طول للمصنع
وعشان اطمن صاحب الموضوع انا بقالى سنة فى القسم مشوفتش حد اتكلم على البويه غير العضوين اللى حكتلك عليهم
وعندك مصر كلها كل ما تشوف عربية اليومين دول بص عليها كويس وفليها حتى حتى عشان تتاكد
تحياتى
ربنا يستر يمكن البواب بيمسحا بجاز و لا حاجه
هههههههههههه ....... قول لا اله الا الله الاول بساقتباس:
المشاركة الأصلية كتبت بواسطة fbiahmed
بالعكس انت المفروض تتبسط ان في حد بيدور ورا العربية ديه وبيحاول يوصل صوت ملاكها للشركة الام وده مش بسبب ضعفها او جودتها الفقيرة او حاجة من الحاجات ديه
لالالالا بالعكس ده تحسين منها اول بأول
بس الجملة الوحيدة اللي اي حد بيسمعها وخاصة في مصر لاننا تعبانين في القرش وعايزين ناخدد قدام كل جنيه حقنا مش اقولك قدام الجنيه عشرة
الصني = أفضل قيمة سعرية في الفئة ديه
ولو لفيت ودورت علشان تشوف حاجة في امكانيتها كعربية وقطع غيار وكتوكيل مش هتلاقي وعندك السوق والشارع وانزل اسأل عليها.
ياجماعة انا ليا تعليق بسيط وواضح على الموضوع ده... هو مين اللى بيصنع الحاجة المصرى؟؟ انا وانت ومهندسين وعمال وفنيين مصريين ولو احنا فقدنا الثقة فى المنتج المصرى يبقى احنا فقدنا الثقة فى نفسنا ونبقى مجرد مستهلكين ومش منتجين .. انا مصرى وبفتخر انى مصرى وهشترى منتج بلدى عشان لو انا هدفع للخواجة اللى مالوش ملة 100000ج على الأقل هدفع جزء منهم لأهل بلدى الجدعان عشان اوفرلهم لقمة عيش وافتح بيوتهم واديلهم الفرصة عشان يطوروا من منتجهم واللى مش مصدق كلامى .... اللى راح منكم المانيا هيعرف ازاى هما مرتبطين بصناعة بلدهم وانا عارف انها اعظم صناعة لكن بيجيبوا فى المانيا من كل الدول لكنهم بيحبوا منتج بلدهم وانا مش بتمنى يستمر اليوم اللى نستورد فيه كل حاجة من برة حتى السبح والمصليات
اعذرونى على الإطالة لكن دى قضية مهمة (مش كل المستورد احسن من المصرى ولازم نتحمل صناعة بلدنا ونساندها)
+11111111111111111اقتباس:
المشاركة الأصلية كتبت بواسطة sonasteel