مشكلة علبة الدركسيون

**yasminace** · 04-06-2011 01:20 AM

لكل الأعضاء أصحاب العربية السيريون و فيها عيب علبة الدركسيون لازم ناخد خطوة اجابية يا جماعة احنا مش دافعين قليل علشان نقعد من غير ما نعمل حاجة
أنا باقترح اننا نتجمع و نروح حماية المستهلك و نقدم شكوى جماعية في العربية يمكن نقدر نعمل أي حاجة
و حتى لو مقدرناش نعمل حاجة نبقا حسين اننا عملنا إلي علينا و مسكتناش على حقنا

أرجو الإفادة و الرد عليا و تحديد موعد و مكان لفرع من حماية المستهلك و لازم نجيب معانا الكتاب الأخضر بتاع الضمان لكل العربيات إلي لسة جوا الضمان

يا رب انصرنا و نقدر نجيب حقنا

**yasminace** · 04-06-2011 10:21 PM

يا أعضاء دايهاتسو هو أنا الوحيدة إلي عند مشكلة في علبة الدركسيون ولا إيه؟؟ أرجوكم أفيدوني

**bmya** · 05-06-2011 04:08 AM

لاء حضرتك مش الوحيده طبعا
بس المشكله دي قديمه جداا واتلكمنا فيها كتيييييييييير اوي وفي ناس غيرتها مرتين و تلاته ومفيش حل برده لان العيب مش فيها العيب في بلدنا الحلوه
انا مثلا عربيتي موديل 2008 وبمشي بها في جبال طريق زباله جدا والصوت موجود بس هو مجرد صوت بس الحمد مش مؤثر على اي حاجه تانيه
في ناس غيرت العلبه والصوت موجود برده وكمان بعد التغيير في مشاكل جديده ظهرت عشان كده انا عن نفسي كبرت دماغي ومروحتش غيرتها خالص والضمان هيخلص الشهر ده اصلا
لو حضرتك عاوزه تغيرها عادي بس الصوت هيرجع تاني

**bmya** · 06-06-2011 04:22 AM

معلش بس ممكن تشرحي مشكلتك بالظبط
اصل يعني ايه ركسيون سايب جدا يعني بتحسي بايه

**yasminace** · 06-06-2011 10:01 PM

على فكرة أنا مش بصلح أي حاجة في العربية برة التوكيل أنا كل تعاملاتي مع التوكيل فقط و هو إلي قلي إن دي مشكلة علبة دركسيون و غيرهالي علشان أنا جوا الضمان و فعلاً الدركسيون الآن ثابت لكن أنا مغيره من شهر و رحت بها التوكيل من يومين و قالي إن العلبة فعلاً بدأت تبوظ بس استني لم تبوظ خالص و احنا نغيرهالك مع العلم اني هخرج من الضمان الشهر دة

**bmya** · 08-06-2011 04:35 AM

معلش ممكن بس حضرتك تفهمينا تقصدي ايه بمش ثابت
يعني ال\ركسيون بيروح يمين وشمال مثلا ولا بيتهز او بيترعش وعلى اي سرعه ولا سرعات عاليه
وعموما طالما حضرتك غيرتيها قبل كده وباظت تاني يبقى هي ملهاش حل اصلا لان العيب مش فيها العيب في الطرق بتاعتنا الحل الوحيد انهم يلغو الباور الكهربه خالص وينزلو باور زيت والصوت غالبا هيختفي

**rockana** · 08-06-2011 02:35 PM

السلام عليكم جميعا

لو المشكله فى الطرق عندنا مش فى علبه الدركسيون اكيد اكيد اكيد التوكيل ماكانش هايكلف نفسه و يغيرها للعملاء وكلنا عارفين من هو التوكيل
سؤال ظريف ...
لما العربيه تخرج من الضمان .. هاعمل ايه لو الصوت ظهر تاني ؟؟

-

-

الموضوع: مشكلة علبة الدركسيون

LinkBack

أدوات الموضوع

عرض

-

-

-

-

المواضيع المتشابهه

مشكلة في قواتيش علبة الدركسيون و بارات الدركسيون

مشكلة في علبة الدركسيون

مشكلة علبة الدركسيون

مشكلة في علبة الدركسيون

الكلمات الدلالية لهذا الموضوع

المفضلات

المفضلات

ضوابط المشاركة