فريق نايل موتورز في الاوتوكروس .... حلم اتمنى تحقيقه

**Amr Axel** · 05-06-2011 03:29 AM

المشاركة الأصلية كتبت بواسطة taiwo

والبوليس هيكبس علينا .. وأنا اللي هبلغ ... ههههههههههههههههه
أعتقد غير قانوني لانه يعرض حياة الناس للخطر ...
هتقولي بيتعمل ف كل الدول ... وبعيدن هنعمله ف الصحرا ...
أعتقد ف الدول دي بيبقي في تصريح وعلم مسبق من المرور وهي اللي بتخصص الأماكن ...
الباقي كله بيبقي سرقة وبرده الحكومة بتكبس ...
طبعا هنا الحكومة مش هتكبس ولو حصل وكبست هتدي للظابط 100 ج ويضربلك السلام الجمهوري وأنت بتسابق كمان ومش بعيد يدخل يشد معانا بعربيته البوكس يورينا نفسه ..

لا خلاص يا ريس بوكس مين بقي كان زمان و جبر
دلوقتي هيشد بالجيب ههههه
اذا كان لما يجي واحد يصطاد ببندقية رش او خرطوش تلاقي الظابط يجي يتفرج عليها و يشوف تصريح الصيد لو خرطوش و يقلبها و ساعات تلاقيه مش عارف نوعها حتي و احيانا لو هو غاوي صيد او رماية ياخدها منه ينشن شوية او يصطاد بيها و يدهاله تاني و يقوله خلي بالك بس عشان محدش يتعور ههههههههه

و طبعا بالنسبة لتنظيم السباق لازم تصريح من ادارة مش عارف ايه و من ادارة ايه و الامن العام و وزارة ايه و يتصدق عليها مش عارف مين... الخ الخ بتفكرني باللفة بتاعت ترخيص سلاح هههههههههه
و برة ممنوع تنظيم اي سباقات غير رسمية و التصريح اللي بيطلع عشان تعمل سباق بيكون في مكان بعيد عن الناس عشان ميعرض الغير للخطر

فالرسمي الوحيد هنا الاوتوكروس
بالاضافة ان تنظيم السباق بيكون في مكان ميكونش فيه اي خطر ع الناس و في مكان معزول مينفعش تعمل سباق في الشارع عادي و كله رايح جي كده يبقي سباق غير شرعي و هنروح كلنا ورا الشمس ( مش عارف بحس ان ورا الشمس ديه اخر الشارع هههه )

و هي فكرة حلوة الي قالها صاحب الموضوع

لكن انا وجهة نظري انها تكون باشتراك كل شخص بعربيته اللي هو مظبطها و يكون الراعي نايل موتورز و استيكر نايل موتورز يكون ع العربيات و يكون فريق نايل موتورز

**khaled_bibo** · 05-06-2011 06:23 AM

واضح ان الفكره عجبت ناس كتير الحمد لله طب عاوزين نجمع مثلا على الاقل 30 عضو و نرشح عربيه كويسه من اي حد هه ايه رأيكوا؟

**khaled_bibo** · 05-06-2011 06:29 AM

باالنسبه لأقتراح ان كل واحد يشارك بعربيته هو اقتراح حلو بس انا قولت عربيه واحده بأسم نايل موتورز عشان ساعتها هنقدر نظبطها بتكاليف بسيط عشان التكلفه بدل اما تتقسم على واحد هتتقسم على 30 يعني هتلاقي ان كل واحد بيدفع ملاليم في التصليح

**Evo** · 05-06-2011 07:12 AM

قبل ماتفكرو في العربية اللي هتتظبط فكروا في السواق اللي هيجيب مركز
الاوتكروس ممكن ويفضل تدخله بعربية صغيرة مش شرط سوبر كار , الفكرة أساسا في السواق و اللي لازم يجيب مركز لان لو إنت داخل باسم مؤسسة أو منتدى زي ما في حالتكم مش حلوة لو داخل بايفليوشن أو m3 مثلا وجبت مركز عاشر أو محققتش مركز أساسا

أما سبيد تشالانج لازم عربية سرعة وقوية و سواق مستبيع ومبيشلش رجله من على دواسة البنزين نهائي :) لانهـا اقرب للتايم أتاك حتى واضح من اسمها حتى في وجود الفئات بتكون فئة العمالقة هي الأكبر في المشاركة من فئة العربيات الصغيرة

تحياتي