الموضوع: بوجيهات m11

المشاركة الأصلية كتبت بواسطة aboabdokhaled

معلش يا صاحبى الكلام ده ليس علمى حضرتك أنا مهندس و أجزم أن الكلام ده ملوش دليل علمى

المشاركة الأصلية كتبت بواسطة aboabdokhaled

وها هو الدليل حتى يستفيد حميع الأعضاء فى الرابط التالى تعلم فك رموز شموع أحتراق السيارات (البواجي) بنفسك - ملتقى المهندسين العرب - أول ملتقى هندسي عربي

فين الدليل؟؟

ايه الدخلة بتاعت اجاثا كريستي دي يا بشمهندس
طب يا بشمهندس ابو عبده .... اولا السلام عليكم

ثانيا ... هل كل الموضوع المنقول ده - مع خالص الشكر علي المجهود - قال اي الفرق في عدد الشمعات او علي الاقل قال ان الكلام اللي انا قلته غلط في نقطة الفرق ما بين عدد الشمعات ....؟؟؟
حتي في فك تكويد البوجيه في الموضوع المنقول لم يذكر اي شئ في الكود عن عددها ولا انا غلطان ؟؟؟؟

غير ان يا بشمهندس لو مسكت البوجيه ال3 شمعة في ايد و الشمعة الواحد في ايد ...هتلاقي حضرتك ان منبت ال 3 شمعات كتلة معدنية واحدة ... و مفيش غير قطب واحد مضاد ..... في حين ان الواحد شمعة برضه نفس المنبت مطلع شمعة واحدة و برضه قطب واحد مضاد ....
يعني ال3 شمعة 3 الي واحد و الشمعة الواحدة واحد لواحد ...

و بما ان حضرتك مهندس زي ما بتقول .... مش الكهربا بتختار اقل المسارات مقاومة برضه ولا انا بيتهيألي ؟؟؟؟؟
و نتيحة لده ... هل ال 3 شمعات في اعتقاد حضرتك هيطلعو شرر مع بعض ولا واحدة بس في المرة ؟؟؟؟؟

علي فكرة و لله الحمد انا معنديش اي مشكلة اقولك ان انا معرفش اي شئ عن مواتير الديزل مثلا ....و معرفش اي حاجة عن التعدين ....
انما الحمد لله عمري ما هقولك حاجة و اطلع بفتي .... و لو عندك تعديل علي كلامي فيا ريت تفيد الاخوه هنا و كل معلومة زيادة اكيد هتفيد حد و يدعيلك ....بس ارجوك متقول عليا بفتي علشان انا الحمد لله مش كده .. و برضه جل من لا يسهو .. و فوق كل ذي علم عليم


ثالثا بقي لو برضه مصمم ان كلامي غلط - وده حقك- ممكن استئذنك في توضيح الفرق ما بين عدد الشمعات 1 او 2 او 3 و ايه لزمتها و ليه مين احسن من مين و ليه ؟؟؟؟

و يا ريت بالمرة يعني ايه بوجيه سن طويل و سن قصير و يعني ايه كرسي للبوجيه ؟؟؟؟

السلام عليكم يا بشمهندس ....

استئذنك تفكر معايا .... لما البرق بينزل علي الارض .... هل كل لسان برق بينزل في حتة واحدة ولا ينزل في اكتر من حتة ....؟؟؟؟

و السؤال التاني ... هل البرق بيضرب مرتين في نفس الارض مهما حصل ؟؟؟-اللهم الا لو كان راكب مانع صواعق مثلا في الحتة دي_....

الفيزيا في ابسط صورها بتقول ان الصواعق بتتكون نتيجة فرق جهد ... هل هتتكون مابين القطب و القطب في نقطة ولا اكتر من نقطة ؟؟؟؟هتتكون ما بين اعلي و اقل نقطة و بس .... مش كده ولا كانوا بيضحكوا علينا ولا ايه ؟؟؟

علي فكرة .... الشمعة دي الف كانت لمجرد التقريب .... تشبيه مجازي يعني و ليست وصف ....

وكامل الاحترام لعلم حضرتك و رغبتك للافادة ....

و برضه في منقول موضوع طوييييييييييييييييل عنوانه اهه



ط´ط±ط. ط¹ظ† ط§ظ„ط¨ظˆط¬ظٹظ‡ط§طھ ط§ظˆ ط´ظ…ظˆط¹ ط§ظ„ط§ط.طھط±ط§ظ‚..

-البوجيهات 2 شمعة و3 شمعة

هذا النوع من الشموع له أكثر من الكترود او قطب ارضي

(2 او 3 او 4او 5)

خمسه شمعة كما بالصورة (5 ignition tips)

والهدف من اختيار هذه المعادن هو مقاومتها للتآكل

وبالتالي إطالة عمرها الافتراضي.



هذا النوع من الشموع سيطلق أيضا شرارة واحده مثله مثل

الواحد شمعة ولكن الفولت العالي لإحداث الشرارة أمامه

عدة مسارات لاختيارها لتوليد الشرارة مما يحسن كفاءة

الشمعة كما أن وجود أكثر من الكترود او قطب ارضي سيقلل

من تآكل سن الشمعة مما يزيد في عمرها الافتراضي كما انه

يقلل فرصة التلوث بالكربون.

لاحظ انه يمكنك رؤية شرارات كثيرة مع أن هذا البوجيه

خمسة شمعه وفي الحقيقة شرارة واحده فقط تكون في نفس

الوقت ولكن نظرا للسرعة العالية للشرارة فيمكن تراها

أكثر من عشرة شرارات وإذا تم تصويرها كما ترى فانه يمكن

أن تطلق عشر شرارات قبل أن تلتقط الكاميرا الصورة متحدية

بذلك سرعة غالق الكاميرا






منقول الكلام اللي فوق يا اخوانا

منقول برضه






للتذكير فان شراره واحده فقط تقفز من القطب المركزي

الموجب إلى احد الأقطاب الأرضية أي أن الأربع أقطاب الأرضية

لا تولد أربع شرارات في نفس الوقت...


كيف تفك رموز اكواد البوجيهات للشركات المختلفه ؟

كيف تختار الشمعة المناسبة لسيارتك بدون الرجوع للكتالوج

كيف تطور البوجيه لنوع افضل من المذكور في الكتالوج؟

كيف تفك رموز اكواد البوجيهات للشركات المختلفه ؟

سنأخذ مثال لشركة NGK ومثال لمحرك لانسر كريستاله 99

بالعودة لكتالوج لانسر 99 وجدت أن هذه هي اكواد

البوجيهات المفترضة لها

السيارة بموتور 4G13 وكود الشاسيه CK

أولا : شركة NGK

النوع : BPR5ES-11

ثانيا : شركة دينسو

النوع : W16EPR11

ثالثا : شركة شامبيون

النوع : M11YC4

فكرت أن اشتري بوجيهات جديدة لسيارتي لانسر 99

وأخذت الكود BPR5ES-11

فلم أجد المطلوب ووجدت البديل العادي و قد أخذت لها صورة

الكود هو BP6EY

طبعا يختلف اختلاف بسيط سأشرح معنى الكود في الصورة

وأوضح الاختلاف مع المطلوب

حرف B

يعني أن القطر 14 ملليمتر

حرف P

تعني أن نوعها Projected insulator type

تعني ان العازل الخزفي ناتئ أي ظاهر

رقم 6

يدل على المدى الحراري للشمعة الرقم يتراوح من 2

إلى 11 الرقم الصغير أقصى السخونة والرقم الكبير

أقصى البرودة ورقم 6 هنا يعني معتدلة لا ساخنة

ولا باردة (بين البينين) ولو أنها اقرب للبرودة.

حرف E

يعني أن سن الشمعة يصل إلى 19 ملليمتر.

حرف Y

يعني أن القطب الموجب به شق على حرف V او ما

يسمى V Grooved Center

أهم حرف هو الأول لأنه هو الذي يحدد المقياس المضبوط

لموتور لانسر 99 يعني ممكن اشتري أنواع أخرى من

شموع NGK ولكن كلها ستتفق على أن تبدأ بحرف B

طبعا الأمر يختلف للمحركات الأخرى غير اللانسر كريستاله

وسنعرف لاحقا كيف نحدده لكل موتور.

أحيانا يكون نفس النوع ولكن تضاف له خصائص أخرى

بالرجوع لاكواد البوجيهات الموصى بها وهي

BPR5ES-11

هو نفس الشكل الأول ويركب للانسر 99 ولكن زاد حرف

وتغير حرف وتغير رقم وزاد رقم

زاد حرف R وهذا يعني أن البوجيه من نوع RESISTOR

المقاوم للتشويش الالكتروني.

تغير رقم 6 إلى رقم 5 يعني المطلوب شمعة اسخن من

الموجودة في السوق.

تغير حرف Y إلى حرف S يعني الشمعة تبدلت من النوع

V Grooved Center

إلى النوع القياس S أي STANDERED

وزاد الرقم 11 وهذا يعني أن الثغرة GAP مضبوطة مسبقا

على 1.1 ملليمتر وإذا لم يكن الرقم موجودا فان

البوجيهات غير مضبوطة من المصنع أي الثغرة عشوائية

وتحتاج لضبط حسب ما هو مطلوب لمحركك

وهذه صورة تشرح باقي المعاني لو اختلفت الحروف والأرقام

وبنفس الطريقة يمكن أن تفك رموز الشركات الأخرى التي

سنكتب عناوينها الالكترونية للاطلاع عليها