الموضوع: ايه حكاية سيتي ستارز

المشاركة الأصلية كتبت بواسطة meza

بالظبط كده .. طبعاً حقهم يطبقوا سياستهم الخاصة ما دام المكان ملكية خاصة مش عامة .. و اللى مش عاجبه ميروحش.

الفكرة فى "الضمير أبو وشين" اللى بيطلع فى الأوقات دى .. للتوضيح لو فرضنا جدلاً إنهم منعوا دخول اللى لابسين الجلباب أو المنتقبات السنتر, كانت الدنيا قامت و مقعدتش و غالباً مكنتش هتلاقى نفس الكلام إنها سياستهم و حقهم و اللى مش عاجبه ميروحش!

عندك حق حضرتك


اللي مش عاجبه ما يروحش


واللي عاوز يروح ما يبصش


بس لا اعتقد ان الدنيا هتقوم ولا هتقعد زي ما حضرتك بتقول


خاصة ان دور القوات المسلحة من اكتر من 15 سنة مانعين دخول المنتقبات وذوي اللحي دور ونوادي وفنادق القوات المسلحة


وما ماتوش من غيرها


كل اللي قامت الدنيا وقعدت عليه هوا منعهم من دخول الجامعة والامتحانات بالنقاب مع ان ليها حلول سهلة كتير مش مجال لطرحها الان


قالوا ساعتها اللي مش عاجبه ما يروحش الجامعة ولا ما يدخلش الامتحان ؟؟!!!!



وما منعوش ساعتها اللي لابسين كت وحمالات وميني جيب انها تدخل الجامعة والامتحان


احنا كل اللي طالبينه الاعتدال


اعتقد القرار دة مش بالاهمية انه يضايق او يفرح مع اني اعتقد ان نفعه اكتر من ضرره


بس اصل احنا دايما عندنا اجساس الممنوع مرغوب

المشاركة الأصلية كتبت بواسطة moh.abdelbaset

قال يعني مصر كانت ماشية في اتجاه ألمانيا واليابان ولا حتى الإمارات
و جه سيتي ستارز هيودينا أفغانستان و باكستان

ارحمنا يا رب

لا اعتقد ان منع او سماح دخول مكان هوا اللي هيقدمنا او يأخرنا احناللأسف بناخد التقدم بالشكل والمظهر بس

المشاركة الأصلية كتبت بواسطة shaddadfalcon1

الناس اللي بتقول تلبس اللي هي عايزاها ياجماعه الاصل هو الستر مش الكشف
ولما اخرج مع مراتي وافسح ولادي والاقي المناظر دي محدش يقولي متبصش لاني كده هلبس في اقرب عمود لانهم بيبقو كتيير قوي ومش فاهم لابسين كده ليه
ايه اللي يخلي بنت تتزين وهي خارجه نفسي اعرف

يارب يتمنع من كل الاماكن العامه ونرجع شعب محترم ومحدش يقولي اللي لابسه جيبه ميني ولا كت مبين نص جسمها تبقي محترمه

+111111111111111111111111111111

المشاركة الأصلية كتبت بواسطة evram

ايوة في المسيحية المفروض الست تغطي شعرة بدليل ال ست لما تكون في الكنيسة لازم تغطي شعرة ب ايشارب و الراهبات م هم مغطين شعورهم بس في ناس اتربت علي شيء غير كدة و دة صعب بالنسبالهم طيب م 90 في المية من المسلمات محجبات و الباقي لا و في حاجة بتنرفزني يعني اية تكون محجبة و لابسة بنطلون جينز ضيق اوييييييييييييي اويييي و بادي اسف في العبير معري اكتر من مغطي يبقي عايز اسالكم سوال دي كدة بتهين الحجاب ولا لا انا كل الي باقولوة مش ب لبس البنت ولا تصاحب ولاد ولا لا الحته دي بالزات محدش يقضر يحجر فية علي حد محدش يقدر يقول دي تلبس دة و دي تلبس دة

المشاركة الأصلية كتبت بواسطة evram

ادي حضرتك قولته ب قك طيب سوال بقي بنت متربية و مودبة بس صريحة و البسة كت و نص م و حجات كدة ولا بنت منقبة او محجبة و لابسة لبس مع احترامي للناس شكله لا يليق ب حجاب ولا اي حاجة اخرة يعني ولا خلاص بقي يبقي انهي احسن

المشاركة الأصلية كتبت بواسطة ruin scud

للأسف ياسيدي الفاضل ان ده مالهوش دعوه بالدين يعني اللي بتعمل كده بتبقى لابسه الحجاب عشان وهيا خارجه من الشارع مايقولوش حاجه انما هيا مش بتلبسه عشان تدين وفي حاجات اكتر من كده كتير زي اللي بيلبسو النقاب عشان يبقو مداريين لأفعال اخرى سيئه ومشينه وزي اللي بيربي دقنه ودي كتيير قوي كنت باحتك بيها وبيطلعو فشنك ويقولك قال الله وقال الرسول وهوا نصاب و عشان يدحك بيها على الناس.
بس ياعزيزي دول منافقين ولهم حساب كبير عند ربنا عشان هما بيدارو وبيأخذو الدين كوسيله لأفعالهم المشينه ولكنهم في الأصل مابيصلوش ولا بيصومو وربنا هايحاسبهم.
وكل فئه بتلاقي فيها الكويس وفيها الوحش
تحياتي.

دي عندكوا حق فيها مية في المية في كتير اهانوا الحجاب بلبس الكاسيات العاريات وبيتداروا ورا النقاب عشان يعملوا اللي هما عاوزينه

اذكر ان كان ليا زميلة مسيحية وكانت محتشمة انتقدت بنت ماشية لابسة قصير وضيق واستغربت جدا ساعتها ..
وكان مرة في بنات محجبات في المترو بيهزروا مع زملائهم الاولاد هزار مستفز وبالايد وكان معانا مسيحيات مستائين جدا يعني الاساس هوا الالتزام يا جماعة

و لكل قاعدة شواذ

وانا مش شايفة يا سيدي الدنيا وقفت على سيتي ستارز في اماكن غيره كتير ما عملتش القرار دة ولا اعتقد انه هيتعمم في بلدنا والا كان من باب اولى يمنعوا محلات بيع الخمور المنتشرة عادي في اماكن كتير

ونوادي القمار الموجودة في الفنادق والخمور اللي فيها بدل الحاجة الساقعة

والعري في شواطئ الغردقة و جنوب سيناء وطابا اللي هي اصلا بلدنا ونحس فيها انها مش بلدنا ومش ممكن نروحها ومعانا اطفالنا ابدا

وربنا يهدينا جميعا