نداء الى العضو abou_mariam الساكن فى قسم رينو لوجان الدواء فيه سم قاتل

السلام عليكم

اخى الفاضل abou_mariam انا بقدرك منتهى التقدير وباكن لك كل الاحترام وعازرك فى مشكلتك مع التوكيل ومصيبتك اللى انت واقع فيها خصوصا انه سبق سرقة سياره فيرنا منك يعنى خبطتين فى الراس توجع عربيه اتسرقت وعربيه عامله حادثه ومش عارف ترجعها لنسبة 70% حتى من حالتها السابقه ومتفق معاك ان توكيل رينو مش ملايكه انا عن نفسى حاطلقهم بالتلاته وحاعمل صياناتى بره ان شاء الله لانى حسيت انهم بيتلككوا معايا خصوصا انى ركبت انذار بره التوكيل وكان عندى مشكله فى التكييف فى الموضوع ده http://www.nilemotors.net/Nile/218899-a.html ولاقيتهم بيصدرولى التلكيك من قبل مايفكوا حاجه ولا يبصوا على حاجه فعلا

وده لان كل توكيلات مصر زى بعضها عاوزين يغرفوا فلوس مننا وخلاص يمكن رينو محترمين شويه او احسن الوحشين


طلبى منك كفايه كده ياراجل انت خلاص حتكرهنا فى عربيتنا وحتحسسنا اننا اشترينا صفيحة زباله رغم ان العربيه تحفه على قد فلوسها واللى اندفع فيها


مع كامل احترامى ليك ولشخصك بس بجد ارجوك كفايه انا بقيت بخاف ادخل القسم احسن اشوف شكوى تانيه من شكاويك وباحس انى حانزل الاقيها فى عربيتى


ونصيحتى ليك حول تشوف بيعه للعربيه لانك خلاص قفلت منها ودية بتحصل مع ناس كتير واشترى اى حاجه غير الرينو خلاص لان العقده اللى جاتلك حتفضل موجوده وفاكرها طوال حياتك

وارجوا انك كلامى مايكونشى زعلك فى حاجه

اخوك المخلص / مصطفى سعد

اخى الفاضل أستاذ مصطفى
ياريتنى اعرف ابيعها الرينو مش محبوب فى مصر و السعر اللى جايباة 50 الف فقط
+ يعنى خسارة 23.5 فى عربية 2010 ماشية 12 الف كان كل ركوبى للفرنا و مريح اللوجى + انا مخليها لغاية ظروف البلد ( الحرامية ) لما تعدى لان فيها ميزة واحدة فقط هى الايموبيلر مش هستحمل عربية تتسرق منى تانى و الف شكر ليك على اهتمتامك يا باشا أبو مريم

اقتباس:

---

المشاركة الأصلية كتبت بواسطة abou_mariam

اخى الفاضل أستاذ مصطفى
ياريتنى اعرف ابيعها الرينو مش محبوب فى مصر و السعر اللى جايباة 50 الف فقط
+ يعنى خسارة 23.5 فى عربية 2010 ماشية 12 الف كان كل ركوبى للفرنا و مريح اللوجى + انا مخليها لغاية ظروف البلد ( الحرامية ) لما تعدى لان فيها ميزة واحدة فقط هى الايموبيلر مش هستحمل عربية تتسرق منى تانى و الف شكر ليك على اهتمتامك يا باشا أبو مريم

---

حبيبى الرينو حاجه و اللوجان حاجه ... اللوجان العربيه اللى رينو قدرت بسببها تكتسح السوق المصرى

مبيعات الفيرنا قلت جدا جدا بعد ظهور اللوجان و لو اللوجان موجوده من خمس سنين ما كانش هتسمع عن الفيرنا

انا واحد صاحبى شارى واحده عامله 19000 كم ب 59000 ... ازاى بقى مش محبوبه يعنى

وواحد صاحبى برضه شارى هوندا سيفيك عامله 18000 كم ب 12300 الف يعنى نازل من تمنها 24000 جنيه

و بعدين مع احترامى لك انا مش شايف منك الا انتقاد للعربيه و خلاص ... يعنى نفترض انك عند مشكله مع التوكيل تبقى اللوجان وحشه و ما فيهاش ولا ميزه الا الامبلويزر ... انا مش شايف منك الا كره للعربيه

حسبى الله و نعم الوكيل

اقتباس:

---

المشاركة الأصلية كتبت بواسطة abou_mariam

اخى الفاضل أستاذ مصطفى
ياريتنى اعرف ابيعها الرينو مش محبوب فى مصر و السعر اللى جايباة 50 الف فقط
+ يعنى خسارة 23.5 فى عربية 2010 ماشية 12 الف كان كل ركوبى للفرنا و مريح اللوجى + انا مخليها لغاية ظروف البلد ( الحرامية ) لما تعدى لان فيها ميزة واحدة فقط هى الايموبيلر مش هستحمل عربية تتسرق منى تانى و الف شكر ليك على اهتمتامك يا باشا أبو مريم

---

ارجوك ما تعممش و تقول حرامية
كلام الناس الي زيك هو اللي بيسخن و بيعمل مشاكل
مش عجبك 50 الف بعد ما العربية اتغدغت........احمد ربنا
و ارحمنا من السلبية اللي انت مليت المنتدى بيها

نداء و رجاء:

يا ابومريم كفاية تعليقات سلبية بعد اذنك جزاك الله خيرا.

يا اهل المنتدى كفاية تعليق على ابومريم لو سمحتم.

--------------- هى بنا نبدأ من الان صفحة بيضاء معا و نرى حسن النوايا و بالتالى سوف يظهر المعدن الاصيل من المعدن النفيس والكل سيعلم من يريد الخير و من يريد الشر.




1 2 3 نبدأ من الان.

اقتباس:

---

المشاركة الأصلية كتبت بواسطة mosomodo

نداء و رجاء:

يا ابومريم كفاية تعليقات سلبية بعد اذنك جزاك الله خيرا.

يا اهل المنتدى كفاية تعليق على ابومريم لو سمحتم.

--------------- هى بنا نبدأ من الان صفحة بيضاء معا و نرى حسن النوايا و بالتالى سوف يظهر المعدن الاصيل من المعدن النفيس والكل سيعلم من يريد الخير و من يريد الشر.




1 2 3 نبدأ من الان.

---

اؤيد هذا الكلام بشده

بس كفااااية



انتهي الكلام

ممكن تصور العربية وتورينا صور ليها واحنا نفديك
غير كدة مش هنقدر نفيدك

اقتباس:

---

المشاركة الأصلية كتبت بواسطة abou_mariam

اخى الفاضل أستاذ مصطفى
ياريتنى اعرف ابيعها الرينو مش محبوب فى مصر و السعر اللى جايباة 50 الف فقط
+ يعنى خسارة 23.5 فى عربية 2010 ماشية 12 الف كان كل ركوبى للفرنا و مريح اللوجى + انا مخليها لغاية ظروف البلد ( الحرامية ) لما تعدى لان فيها ميزة واحدة فقط هى الايموبيلر مش هستحمل عربية تتسرق منى تانى و الف شكر ليك على اهتمتامك يا باشا أبو مريم

---

يا عام حرااااااااااااام عليك حرام بقى انت بتعمل كدة ليه هتستفاد ايه لما تكره الناس فى عربيتها يعنى :untitled 1:
انت هتخلينى اقسم يمين بالله انى مدخلش على المنتدى دة خاااااااااااالص بسببك انت طلعتلى منين انا دائما كدة حظ امى اسود ....
و بعدين اللوجان انتشرت و اكتسحت السوق خلال سنتين فقط و كمان خلصت من السوق و جابوا دفعة اتحاد اوروبى + المغربى علشان نسبة الحجز عليها كبيرة جدااااااا و الكلام عنها كتير اليومين دول و مع ذلك العرض الترويجى بتاع الدفعة الأتحاد الأوروبى انتهى و دلوقتى مفيش غير مغربى 70 الف جنيه طبعا و تحجز و تستلم فى شهر 8 ....
و بالنسبة لقطع الغيار فالحمد لله انتشرت خارج التوكيل و فى مختلف المحافظات و نزلها قطع غيار استيراد خارج فى السويس و كل يوم اعضاء اللوجان المحترمين بيكتشفوا محلات جديدة و الحمد لله و بعدين احنا مكبرين دماغنا طول ما العربية فى فترة الضمن ( 3 سنوات او 100 الف كيلو متر ) و بعد هذه الفترة هنلاقى قطع الغيار متوفرة زى الفيرنا و الانوس و مرطرطة كمان و ربنا ميجعنا نحتاج لقطع غيار ( عين الحسود فيه عوووووووود ) .....
و بخصوص التوكيل فهم نس محترمين جدااااا و عندنا فى الأسكندرية فى توكيلين واحد فى سموحة و الثانى فى العامرية و الأثنين محترمين جداااااا اول ما بدخل بيقابلنى المهندس و بكل احترام و بيقولى حضرتك بتشتكى من ايه فى العربية و بعد كدة بيطلع يجربها وانا قاعد بجانبه و بيعملوا تشيك على العربية كله و بيغسلوها من جوة و من برة و بيريحونى على الأخر و كل دة من غير ما ادفع مليم لأن العربية فى فترة الضمان طبعا و على فكرة انت لما تبوظ سمعة توكيل الرينو هتبوظ سمعة توكيل الكيا لأن رينو و كيا اخوااااااااااااات ....
و بالنسبة لسعر اعادة البيع فالعربية بتتباع فى نفس الأسبوع و ممكن فى نفس اليوم و على فكرة ليا واحد جارى بايع لوجان 2010 ب 60 الف جنيه و واخوه معاه لوجان 2009 بايعها 58000 جنيه لأن حصلتلهم ظروف و كدة يعنى و لما ربنا يفرجها هيجيبوا لوجان برضه بس قسط ...
فى النهاية انا بحب عربيتى جداااا و كل يوم حبى و عشقى ليها بيزداد و مش هتقدر تكرهنى فى عربيتى لأن انا بعشقها و بطل اللى نت فيه دة انت يا راجل لو معاك فيات 127 مش هتعمل كدة :36_1_50[1]:

اقتباس:

---

المشاركة الأصلية كتبت بواسطة a7madahly

اؤيد هذا الكلام بشده

---

موافق بشده.

أستاذ مصطفى سعد ... انت جبت الخلاصه

اقتباس:

---

المشاركة الأصلية كتبت بواسطة faresattar

أستاذ مصطفى سعد ... انت جبت الخلاصه

---

وانا كمان أويد كلامه وبشده وزى ماقلت للأخ أبو مريم وحلفته بمريم ينسى اللوجان ويفكر فى عربية تانيه ورينا يوفقه

اخويا مصطفي انا بجد بحبك في الله لاني كان نفسي اكتب نفس الموضوع بس مشكلتي ان انا مقدر ظروف اخونا ابو مريم ومش عايز ازعلة لاني هاجمتة قبل كده في موضوع سابق وزعلت من نفسي اوي بس انت عندك حق كفاية كده اوي يعني اية حتبعها ب 50000 وتبقي خسران 23000 لية هوا حضرتك كنت جايبها بكام وبعدين لو معاك اية بالذي وعملت بية حادث لازم حتخسر فية وحيبقي صعب تبيعة - المشكلة مشكلتك انت مش مشكلة عربية ولا مشكلة موديل وان كنت ببدي تعاطف مع ظروف حضرتك واتمني مساعدتك لكن بجد كلامك مش موضوعي ويستفذ اي حد معاه العربية

اقتباس:

---

المشاركة الأصلية كتبت بواسطة akerima

اخويا مصطفي انا بجد بحبك في الله لاني كان نفسي اكتب نفس الموضوع بس مشكلتي ان انا مقدر ظروف اخونا ابو مريم ومش عايز ازعلة لاني هاجمتة قبل كده في موضوع سابق وزعلت من نفسي اوي بس انت عندك حق كفاية كده اوي يعني اية حتبعها ب 50000 وتبقي خسران 23000 لية هوا حضرتك كنت جايبها بكام وبعدين لو معاك اية بالذي وعملت بية حادث لازم حتخسر فية وحيبقي صعب تبيعة - المشكلة مشكلتك انت مش مشكلة عربية ولا مشكلة موديل وان كنت ببدي تعاطف مع ظروف حضرتك واتمني مساعدتك لكن بجد كلامك مش موضوعي ويستفذ اي حد معاه العربية

---

اشرف باشا ازى صحتك
على فكره انا مكنتش ناوى ادخل الموضوع ده تانى واعلق على اى مشاركه فيه
لكن لما لاقيتك بتعلق عليه قولت لازم اكلمك

اولا انا بشكر الاخ ابومريم انه تقبل كلامى بصدر رحب وبدون زعل وواضح انه انسان محترم فعلا ومتربى

ثانيا انا حقول لحضرتك على حاجه .
انا مريت بظروف من عدم التوفيق او النحس زى ما الناس بتسميها زائد فقدان شخص غالى جدا عليا مازلت متاثر بيه رغم مرور 15 سنه على فقدانه واعتقد ان محدش مر بيها قبل كده , والله اعلم لان اللى بيشوف بلوة غيره بتهون عليه بلوته بس انا لسة مشوفتش ظروف قابلت حد اكتر من اللى قابلتنى .
ومع ذلك مش منطقى ابدا انى كل لما اقابل اصحابى مثلا اقوم احكيلهم نشرة الحزن والكابه بطريقة تخليهم يكرهوا عيشتهم ويحسوا ان الدنيا سواد كلها .
فما بالك ان اللى انتى بتحكيلهم دول ناس معرفه جديده عليك يعنى الاخ ابومريم لم نشاهد منه الحلو علشان يحكيلنا الوحش
هو عضو فاضل جديد علينا ومنذ اول مشاركه ليه وهو عمال ينتقد فى العربيه بطريقه غريبه و كانه عمل عضوية المنتدى مخصوص علشان ينتفد العربيه , لم نشاهد منه مشاركه واحده فيها اعجاب بالعربيه او بامكانيتها .
لولا ان انا رافض موضوع نظرية المؤامره كنت فكرت تفكير تانى زى بعض زمايلنا ما فكروا فيه .
واحب اقوله ان اى عربيه بتعمل حادثه ممكن تبقى معيوبه طول عمرها ومش بينفع معاها تصليح والكلام ده حصل مع ابن خالى اشترى عربيه كيا ريو موديل 2003 تقريبا وشاف بيها ايام سوده ومش عارف يعالج مشاكلها وباعها بعد خساره كبيره وبالعافيه كمان يعنى اللى حصل مع اللوجان بتاعته ممكن يحصل مع اى عربيه تمر بنفس الظروف .
انا بتمناله التوفيق وانه يقدر يتصرف فى العربيه بطريقه كويسه وربنا يعوضه عنها خير .

اخي مصطفي احب اشكرك جدا علي ردك عليا - وللمرة التانية بقول انك راجل محترم وتستحق التقدير اولا علي موضوعك الرائع ثانيا لانك احييت فينا روح كانت ابتدت تحتضر عندنا كلنا لاني فعلا كنت ناوي اغض البصر عن اي مشاركة فيها انتقاد غير موضوعي علي العربية وماردش عليها لكن انت بموضوعك احييت فينا الروح دي - اخيرا احييك علي زوئك وتفهمك لظروف اخونا ابو مريم خلتني اكسف من نفسي تاني لهجومي علية بس عذري ان انا نسيت انه اخ وفي محنة وما افتكرتش غير انه بيهاجم العربية بدون دلائل ونسيت انها برضة مجرد عربية وممكن الواحد يغيرها في اي وقت

فتحية كبيرة ليك ودايما مفوقنا كده يا كبير

ايه يااشرف باشا الكلام ده كله
انا كده حاخد فى نفسى قلم

اقتباس:

---

المشاركة الأصلية كتبت بواسطة moustafa_saad

ايه يااشرف باشا الكلام ده كله
انا كده حاخد فى نفسى قلم

---

خد يا باشا ولا يهمك اتنين تلاتة كمان - بجد انت راجل تمام ودا حقك يا باشا