لو كلامى منطقى يبقى ليه مناخدش حقنا ؟؟!!!

السلام عليكم
انا عايز اعرض عليكم حاجتين كده و ناخد اراء بعض علشان لو لينا حقوق ندور ناخدها ازاى
اول حاجة : ( الفاميه )
بصراحه انا مش عارف هو ليه ممنوع مع ان المفروض ان العربيه ملكيه خاصة لصاحبها و المفروض ليها حرمه زى البيت .. اعتقد كده ..
يعنى مثلا لو افترضنا انى راكب انا و مراتى و عايزه تعدل الحجاب بتاعها مثلا تعمل ايه ؟؟
لو معاك حد تعبان و مش عايز تعرف حد انه تعبان مثلا هعمل ايه من غير فاميه
لو مش عايز حد يقعد يبص مين اللى جوا العربية و بيعمل ايه مع انى بكون راكب لوحدى اعمل ايه ؟
لو نسيت لاب مثلا و انت مش مفيم ممكن الزجاج يتكسر و تتسرق

دا غير انه بيحمى من الشمس
غير ان لما تشغل التكييف و انت مفيم حاجة تانية خالص

نيجى بقى للكلام اللى بيتقال ان الفاميه لازم يبقى ممنوع .. طب ليه يا خوانا ؟؟
قالك عشان ممكن اللى مركبه ممكن يعمل اعمال منافيه للاداب العامة ... يعنى من غير الفاميه مش هيعمل نفس الاعمال و لا هيركن فى شارع ضلمه و لا ياجر اى مكان .. محدش بيغلب
قالك ممكن يشربوا فيه مخدرات و يسكروا و يمشوا يعملو حوادث ... على اساس انه مش ممكن يشرب فى اى مكان و يطلع يسوق العربيه و يعمل بيها نفس الحوادث
قالو ممكن يبقى فيها مجرم و مستخبى ورا الفاميه ... يا سيدى اللى مركب فاميه و داخل على لجنة يبقى ينزل القزاز و الظابط يشوف رخصه ... و بعدين مش لما ترجعو العربيات اللى اتسرقت الاول و مكانش عليها فاميه يعنى المجرم مش مستخبى و بردو اتسرقت
قالو بتحجب الرؤية الداخلية و الخارجية ... طب اللى برا عايز يبص على اللى جوا ليه ؟؟؟؟ و بعدين هتحجب الرؤية الداخلية ازاى هو فى حد هيفيم القزاز الامامى ؟؟؟!!!!! يبقى مش هتحجب الرؤية الداخلية و كمان ممكن يتقص مكان عند المرايا عشان تشوف مرايات الجنب

الحاجة الغريبة ان الفامية ممنوع عشان بيحجب الرؤية و الشماسات مش ممنوعة مع انها بتحجب الرؤية بردو


الحاجة التانية : ( الزينون )
طبعا الناس الللى مركبه زينون النور فارق معاها بس لو مش مركب عدسة هيمى اللى قدامه سواء فى المرايا او لو الطريق اتجاهين

طيب انا جربت اقف فى وش عربيه مركبه زينون و عدسات و حاولت ابص فى الفانوس مباشرة و لا عينى و جعتنى و لا اى حاجة و فى نفس الوقت اللى مركبه شايف بوضوح جدا و على مدى بعيد و مش بياذى حد

و الغريب ان كل العربيات الجديدة نازله بزينون و عدسات و الدول الاوروبيه بتنصح بيه

يبقى احنا ليه منركبهوش و نشوف المطبات و نشوف الناس اللى بتطلع فجأة كده و تلاقيها فى وشك
و نبقى ماشيين شايفين كويس و فى امان


انا بصراحة محتاج ارائكم عشان لو من حقى انى يبقى عندى الامكانايات و فى نفس الوقت مش باذى حد يبقى ليه تتمنع عنى
و بفكر فعلا انى اروح ارفع بيها دعوة قضائية بس لو فى محاميين يشاركوا معانا و يقولو رايهم

مع العلم ان العربيات الحديثة بتنزل بالزينون و بتنزل بفاميه فى بعض العربيا ت

و اسف على الاطالة

اقتباس:

---

يب انا جربت اقف فى وش عربيه مركبه زينون و عدسات و حاولت ابص فى الفانوس مباشرة و لا عينى و جعتنى و لا اى حاجة

---

!!!!!!!!!!!!!!!!!!!!!!!
العربيات اللى بزينون فابريكة زى ما حضرتك قلت بعدسات
اللى بيركب عادى من غيرها

الفامية بينزل فاريكة فى بعض العربيات
اولا بينزل زجاج ملون
ثانيا
درجته اخف من درجة الفامية كتير
ثالثا
درء الضرر مقدم على جلب المنفعة

اقتباس:

---

المشاركة الأصلية كتبت بواسطة a.saad

!!!!!!!!!!!!!!!!!!!!!!!
العربيات اللى بزينون فابريكة زى ما حضرتك قلت بعدسات
اللى بيركب عادى من غيرها

الفامية بينزل فاريكة فى بعض العربيات
اولا بينزل زجاج ملون
ثانيا
درجته اخف من درجة الفامية كتير
ثالثا
درء الضرر مقدم على جلب المنفعة

---

بالنسبة للزينون انا بتكلم ان الزينون يركب و عليه عدسات مش لوحده لان لو لوحده هيبقى مؤذى جدا للناس
ثانيا انا بتكلم على الفاميه و بقول ان العربية ملكيه خاصة و ليها حرمه المفروض يعنى .. سيبك بقى من العربيات اللى بتنزل فابريكة بزجاج ملون (( هو اصلا الزجاج الملون درجه من درجات الفاميه ))
ثالثا فين الضرر اصلا اللى هتجنبه و هسيب عشانه المنفعه ؟؟؟؟؟؟؟

السلام عليكم ,

حضرتك عند حق فى الكلام دة لكن بشروط زى ما قال ا/ أحمد سعد (دفع الضرر مقدم على جلب المنفعة) , يعنى ممكن المرور يسمح مثلا بالفامية بس يكون محدد الدرجة بحيث أمنيا ممكن تسمح برؤية من بداخل السيارة و كدة صاحب السيارة استفاد و بدون مخالفة للقواعد و نفس الموضوع برضة للزينون و اى حاجة تانية , كل حاجة يكون ليها مواصفات محددة عشان ميكونش فى ضرر على أى واحد .

و الله أعلم

معاك ان الفااميه يطبق بس يبقا بدرجات عشان نتكلم كلام عقلاني الدول بره بتسمح للفاميه بس بنسبه مش بتسمح بالسوبر دارك مش هانيجي احنا ونقول لازم نفيم اغمق درجه لا نبقا قانونين شوية ونطلب زي الناس
نيجي لحوار الزينون مش هانقف للكل بقا ياباشا ونقوله انت مركب عدسات عدي وانت مش مركب عدسات اركن ولا ايه؟
(علما اني مفيم اغمق درجه ومركب زينون من غير عدسات)

على فكره

من أسباب منع الفيميه هو إن اللي وراك ممكن يشوف الطريق من خلال زجاج عربيتك

لكن لو إنت مفيم سوبر دارك هو مش هايقدر يشوف غير لحد عربيتك

اقتباس:

---

المشاركة الأصلية كتبت بواسطة marsguy

على فكره

من أسباب منع الفيميه هو إن اللي وراك ممكن يشوف الطريق من خلال زجاج عربيتك

لكن لو إنت مفيم سوبر دارك هو مش هايقدر يشوف غير لحد عربيتك

---

معاك حق
انا لو ماشى ورا عربيه مفيمة سوبر دارك ببقى مخنوق ومش شايف الطريق ومحاولة تجاوز هذه السيارة بيكون مخاطرة لإنعدام الرؤية
الاخ اللى مفيم سوبر دارك بيعرض نفسه وغيره للخطر :angry06:
اللى حاطط فاميه لو بيشوف بالنهار كويس
بالليل هيعمل ايه !!!!
الاخ الفاضل صاحب الموضوع مع كامل احترامى ليك ولكن عفوا كلامك غير منطقى
الفاميه والزينون بدون عدسات ضرره اكثر من نفعه بكتييييييييييييييير

الزينون ده أكتر حاجة مؤذية خصوصا لو لحد عنده استجماتزيوم عالى
بجد بيبقي نفسي اوقف اللى مركب زينون من غير عدسات واضربه :)

اقتباس:

---

المشاركة الأصلية كتبت بواسطة marsguy

على فكره

من أسباب منع الفيميه هو إن اللي وراك ممكن يشوف الطريق من خلال زجاج عربيتك

لكن لو إنت مفيم سوبر دارك هو مش هايقدر يشوف غير لحد عربيتك

---

السلام عليكم

عند حضرتك حق فى النقطة دى , بس مش الفامية بس دى فى كمان ستائر بتكون غامقة اوى و متعرفش تشوف منها الطريق

الكلام دة اتكرر كتير قوى و مافيش فايدة
قلنا 100 مرة فى دول كتير متقدمة عننا سامحين بالفامية بنسبة معينة و الزينون اللى عليه عدسة
بس تقول اية بقى فى القوانين الغبية و الروتين
بعد الثورة سمعت كتير جملة "من النهردة دى بلدك" بس واضح انها لسة مش بلدنا, دى بلد الظباط و وكلاء النيابة بس !!

اقتباس:

---

المشاركة الأصلية كتبت بواسطة moe86

الكلام دة اتكرر كتير قوى و مافيش فايدة
قلنا 100 مرة فى دول كتير متقدمة عننا سامحين بالفامية بنسبة معينة و الزينون اللى عليه عدسة
بس تقول اية بقى فى القوانين الغبية و الروتين
بعد الثورة سمعت كتير جملة "من النهردة دى بلدك" بس واضح انها لسة مش بلدنا, دى بلد الظباط و وكلاء النيابة بس !!

---

ان شاء الله بكرة تفرج و هنعمل اللى احنا عاوزينة

مش عارف تقريبا الناس قرت بعض الكلام و فى جزء كبير متقراش

بقول يا جماعة زينون بعدسااااااات
و الفاميه بصراحة انا مش مقتنع ان اى حد معدى كده فى الشارع يقعد يبص كده كانى مخبى حاجة عيب و لا حرام

اولا : بالنسبة للفيميه انا مع منعه لكن مع تحديده بدرجة معينة فليكن الزيرو كويس اوي و ده لأكتر من سبب و هم

- زي مقولت ممكن يحصل اي اعمال منافية للاداب و النظام العام و الموضوع ده شوفته كتيير و انا ماشي و ع كوبري اكتوبر كمان بيستغلوا الفيميه سواء منافي للاداب او شرب مخدرات و ببقي عايز انزل ارميهم من فوق الكوبري و مش بليل بس لأ بالنهار كمان شوف البجاحة

- لو المجرم ورا الفيمية و معاه سلاح و بيطلعه ممكن الظابط ميشوفش لكن لو الازاز عادي هيتشاف و يتبص كويس في الاشخاص اللي قاعدين لأنك لما تيجي تبص في عربية مفيمة من كتر الضلمة مش هتشوف حاجة جوة لأن مفيش منفد لدخول اي اضااءة خارجية و تخيل بقي بليل تبقي عاملة ازاي ( حالكة الظلام هههه )

- اعاقة رؤية لطرفين صاحب العربية و الاخرين يعني صاحب العربية ممكن ميشوفش او مياخدش باله و بالنسبة للغير في ناس بتبص بنظرة طويلة شوية ع الطريق قدام اللي قدامه عشان يعرف امتي يوقف او لو في حاجة
زي حالاتي لأني باجي ورا ناس كتيير يخلوك بتبقي هطأ من عيشتك و تلاقيه بيضرب فرامل فجأة
يعني الموضوع زي انك تجيب اوتوبيس قدامك و متشوفش باقي الطريق


اما بالنسبة للزينون

برده انا مع منعه لأن هنا عندنا ناس في مصر مش عايز اغلط يعني بيستخدموه اسوء استخدام
لو ع الطريق الصحراوي هقولك معلش مش شايف انما وسط البلد و تلاقيه ضاربه في عينك او يفضل يقلبلك عشان خاطر يطلع منك و بالتالي عينك هتوجعك اذا كان الواحد لما يتفتح في عينه النور العالي بيتعب تخيل بقي زينون
جايز انت عينك مش بتوجعك بسم الله ما شاء الله- الله اكبر -عينك تستحمل
لكن في غيرك اي اضاءة عالية بتتعبه و ممكن تعميه مؤقتا و بكده هيعمل حادثة
في ناس مثلا بيتحرج عليهم ميقربوش ناحية اي دخان عشان عينيهم زي حالاتي و في ناس عندهم حساسية من الضوء العالي
بالاضافة ان اغلب اللي بيركبوا بيبقي مركبه منظرة شغل حركات و ترويش مش لهدف انه بيسافر صحراوي كتيير اللي يستحق الموضوع ده اللي بيسافر كتير صحراوي ممكن يجيب حاجة تثبت و ياخد تصريح من المرور

تاني حاجة ان ممكن واحد يدخل ع لجنة و يفتح في وش كله الزينون و يجري و ميعروفش يشوفوا

طبعا حضرتك ممكن تقولي انا مش هعمل زي الباقيين و اقلب نور او افتح في عين حد طب المرور ايه اللي عرفه شخصيتك اذا كنت هتسخدمه صح و لا لأ او هتحط عدسات و لا لأ

فكرك مثلا انا مش عايز اركب زينون و فيميه اكيد عايز و خاصة ان و انا نازل او طالع اغلب طريقي صحراوي السويس او صحراوي اللي بينزل ع الحي السادس عالطول و نظري ضعيف لكن مش بركبهم ليه :
- احتراما للقانون مش خوفا من المخالفات زي الاغلب
-مراعاة الاخرين لأني بحط نفسي مكان اللي قدامي لو مثلا حد فتح النور العالي في عيني ساعتها موقفي هيبقي ازاي و كلنا مجربيين الاحساس المقرف لما شخص يفتح نور عالي في عينك و يفضل يقلب لما يعميك
- و اخيرا لنفسي انا يعني الفيمية ممكن ميخلنيش اشوف كويس خاصة بليل يبقي عشان خاطر اتمنظر اضيع نفسي أكيد لأ

اما بالنسبة للعربيات اللي بتنزل فبريكة
بالنسبة للفيميه ديه عربيات بتنزل ازاز ملون فبريكة و مش كتيير يعني كام موديل مش كله
بالنسبة للزينون الفبريكة ده بيبقي نازل مظبوط و بعدسات و بتكون اضائته محددة لكن اللي بيحطوه هنا بيبقي بمثابة انفجار زينوني و حتي ديه برده موديلات معينة اللي بتنزل بيه

بالنسبة الناس اللي بتقول انهم برة سامحين بيها في كل مكان مع اني اول مرة اعرف المعلومة ديه انا اعرف انها مسموحة في دول و دول مش كله يعني
بس هسألك سؤال لو افترضنا ان الكلام ده صح فكرك ان نسبة الحوادث عندهم قليلة بالعكس الحوادث بالكوم هناك ده احنا هنا ارحم بالرغم كل ده
بالاضافة ان اغلب الطرق الطويلة عندهم اللي هي الصحراوي بتبقي كبيرها حارتين صغيرين او متوسطين و مفيهاش اضاءة خالص و كل اللي حواليك غابات او صحرا و بتمشي ع اضاءة العربية فقط مش زي عندنا عواميد النور مالية كل مكان ليل نهار شغالة
و بمناسبة الاضاءة
فرنسا المنطقة اللي حوالين برج ايفل كل الانوار فيها بتتقفل من حوالي الساعة 10 تقريبا و اللي بينور المكان هناك بس الاضاءة بتاعت برج ايفل و الناس بتخاف تمشي هناك ( ده ملوش علاقة بالموضوع لكن كمعلومة يعني :) ههههه)

كل بلد و ليها ظروف مينفعش تقارنها بغيرها

و كمان يا ريس لو عايز اضاءة بيضا فيه اللمض الهالوجين اضاءة بيضا و احسن من العادي و اقل من الزينون زي الفيليبس رالي و الكريستال فيجين الحاجات ديه

بالنسبة للتفييم انا شايف انه درجة الزيرو تتحط لايت لايت بلاك
يعني تحس ان اللون ادي ع عسلي و بكده هتخف الشمس عليك و كل اللي في العربية بتشاف سواء بليل او نهار و في ناس كتيير محدش كلمهم ع افتح درجة في الفيميه

فتخيل انت عندك ناس من غير حاجة معندهمش استعداد يحترموا القوانين و بيمشوا عكس و عايز تسمح لهم بالزينون و الفيميه يبقي هتلاقي اي واحد جي في وشك عكس و فاتح الزينون او واحد يمشي غلط و يخبط اي حد او يعمل مصيبة و يجري محدش يعرف شكله

يعني من الاخر بالنسبة ليا
التفييم يكون مسموح درجة واحدة للعايز و ده نظرا للصيف الرهيب عندنا فليكن اخف درجة خالص الزيرو
اما الزينون يكون للاشخاص اللي بيسافروا صحراوي طول الوقت و بتصريح من المرور و يكون للملاكي فقط مش النقل

الحاجة الاخيرة ان الظباط يتعاملوا زيينا في موضوع الفيمية و الزينون ده اللي اتمناه فعلا

هي ديه وجهة نظري يا ريس :)

كلام استاذ Axel مظبوط جدا
وانا راضى عن اضاءة العربية العادية بتاعتى طالما بتورينى الطريق ومبتأذيش حد
بس انا بستغرب جدا جدا من موضوع الفاميه ده وان معظم العربيات مفيمة ده حتى التاكسى فيموا العربيات!!!!!!!!وتلاقى اشكالهم اعوذ بالله وتقرف تقرب لتاكسياتهم ومعليين الكاسيت جدا باغانى شعبى منيلة ويعدوا على ظباط فأشارات ومحدش يكلمهم
دانا بلاقى عربيات 127 و 128 وسيات وعربيات قديمة مع احترامى لاصحابها مفيمة تماما ومحدش بيكلمهم فى الاشارات ولا فأى حتة!!!يعنى دول مثلا ظباط ولا ايه!!! وانت بس لو ماسك التليفون فأيدك وانت بتسوق تتاخد مخالفة فورى من غير ماتعرف
بجد حاجة وحشة اوى انك تحس بالظلم وانك تشوف حد بياخد نمرتك عشان نسيت تربط حزامك بينما اللى جنبك مفيم العربية وبيجرى بيها وبيدوس الناس ومحدش بيكلمه
وتحس بالظلم انك نفسك تحط اول درجة من الفيميه اللى هى العسلى عشان الحر وخايف تقف فلجنه يطلعلك حد يقولك انت مفيم وتعمل مشكلة من لاشىء..لانه للاسف حافظ مش فاهم
وتحس بالظلم لما عربيتك الوحيده تتكلبش فى الشارع وانت راكن صف تانى عشان استغلال الناس لحق ملكية الارض زى ماكله بيعمل ناو وانت مش لاقى مكان وتلاقى كل الناس راكنه فى الشارع صف تانى وتالت ومحدش كلمهم وانت الوحيد اللى تدفع

انا بغلط ساعات وانا مبنكرش كده..بس امتى هحس بالمساواة بينى وبين باقى الناس الاعلى منى والاقل منى ولا لو ركبت مرسيدس تلاقى كله بيعظملك وتحت امرك ولو ركبت 128 اتهان واتبهدل

موضوع الزينون مع العدسه معتقدش ان ممكن حد يرفضه خصوصا ان الزينون لو كان نازل بعدسه مظبوطه بتكون درجة أيذائه للاخرين اقل من ايذاء اضائة السياره العاديه
لكن بدون عدسه الوضع بيكون مؤذي جدا جدا

بخصوص الفاميه فى نقطه مهمه انت ناسيها وهيا ان الزجاج الملون مسموح بيه فى بعض الدول للزجاج الخلفي فقط
ومفيش دوله واحده مسموح بيها الزجاج الملون للزجاج الامامي
دي نقطه حبيت اوضحهالك

الصراحة أنا لما واحد مركب زينون وبيئذي عيني
بيكون رد فعلي إني بدعي على عينيه دعوة صادقة

بالنسبة للفيميه بيعيق رؤية من خلفك لما أمامك وبالتالي يزيد من معدلات الحوادث
كما أنه في أغلب الحالات في الغالب يستعمل في ما يضر
فبالتالي دفع الضر خير من جلب النفع

-

متابع الاراء واكيد الاغلبية هى التى تكسب:16:

Mujaz.me | "ظپظٹظ…ط©" ط§ظ„ط²ط¬ط§ط¬ ظٹط´ظ…ظ„ ط§ظ„ط³ظٹط§ط±ط§طھ ط§ظ„ط.ط¯ظٹط«ط© ظپظ‚ط·.. ظˆط³ظˆط±ظٹظˆظ† ظٹط·ط§ظ„ط¨ظˆظ† ط¨طھط¸ظ„ظٹظ„ ظ†ط³ط¨ظٹ - ط¯ظٹ ط¨ط±ط³

اقتباس:

---

المشاركة الأصلية كتبت بواسطة spidermohmd1

Mujaz.me | "ظپظٹظ…ط©" ط§ظ„ط²ط¬ط§ط¬ ظٹط´ظ…ظ„ ط§ظ„ط³ظٹط§ط±ط§طھ ط§ظ„ط.ط¯ظٹط«ط© ظپظ‚ط·.. ظˆط³ظˆط±ظٹظˆظ† ظٹط·ط§ظ„ط¨ظˆظ† ط¨طھط¸ظ„ظٹظ„ ظ†ط³ط¨ظٹ - ط¯ظٹ ط¨ط±ط³

---

يااااه, رغم المشاكل اللى فى سوريا حاليا إلا إنهم سمحوا بنسبة محددة من الفامية
ياااه, دة إحنا متأخرين قوى قوى:angry06:

اقتباس:

---

المشاركة الأصلية كتبت بواسطة marsguy

على فكره

من أسباب منع الفيميه هو إن اللي وراك ممكن يشوف الطريق من خلال زجاج عربيتك

لكن لو إنت مفيم سوبر دارك هو مش هايقدر يشوف غير لحد عربيتك

---

كلام موش مظبوط للاسف موش مطلوب منك انك تشوف الطريق اللى امامك عن طريق ازاز العربيه اللى امامك

اقتباس:

---

المشاركة الأصلية كتبت بواسطة elawany13

معاك حق
انا لو ماشى ورا عربيه مفيمة سوبر دارك ببقى مخنوق ومش شايف الطريق ومحاولة تجاوز هذه السيارة بيكون مخاطرة لإنعدام الرؤية
الاخ اللى مفيم سوبر دارك بيعرض نفسه وغيره للخطر :angry06:
اللى حاطط فاميه لو بيشوف بالنهار كويس
بالليل هيعمل ايه !!!!
الاخ الفاضل صاحب الموضوع مع كامل احترامى ليك ولكن عفوا كلامك غير منطقى
الفاميه والزينون بدون عدسات ضرره اكثر من نفعه بكتييييييييييييييير

---

اخى العزيز انا عايش فى الخليج و95% من العربيات مفيمه وكل الناس بتشوف عادى لانك جوه العربيه غير بره العربيه خالص
ومعاك فى الزينون بدون عدسات مقرف فعلا

اقتباس:

---

المشاركة الأصلية كتبت بواسطة kono

الزينون ده أكتر حاجة مؤذية خصوصا لو لحد عنده استجماتزيوم عالى
بجد بيبقي نفسي اوقف اللى مركب زينون من غير عدسات واضربه :)

---

اقتباس:

---

المشاركة الأصلية كتبت بواسطة axel

اولا : بالنسبة للفيميه انا مع منعه لكن مع تحديده بدرجة معينة فليكن الزيرو كويس اوي و ده لأكتر من سبب و هم

- زي مقولت ممكن يحصل اي اعمال منافية للاداب و النظام العام و الموضوع ده شوفته كتيير و انا ماشي و ع كوبري اكتوبر كمان بيستغلوا الفيميه سواء منافي للاداب او شرب مخدرات و ببقي عايز انزل ارميهم من فوق الكوبري و مش بليل بس لأ بالنهار كمان شوف البجاحة

- لو المجرم ورا الفيمية و معاه سلاح و بيطلعه ممكن الظابط ميشوفش لكن لو الازاز عادي هيتشاف و يتبص كويس في الاشخاص اللي قاعدين لأنك لما تيجي تبص في عربية مفيمة من كتر الضلمة مش هتشوف حاجة جوة لأن مفيش منفد لدخول اي اضااءة خارجية و تخيل بقي بليل تبقي عاملة ازاي ( حالكة الظلام هههه )

- اعاقة رؤية لطرفين صاحب العربية و الاخرين يعني صاحب العربية ممكن ميشوفش او مياخدش باله و بالنسبة للغير في ناس بتبص بنظرة طويلة شوية ع الطريق قدام اللي قدامه عشان يعرف امتي يوقف او لو في حاجة
زي حالاتي لأني باجي ورا ناس كتيير يخلوك بتبقي هطأ من عيشتك و تلاقيه بيضرب فرامل فجأة
يعني الموضوع زي انك تجيب اوتوبيس قدامك و متشوفش باقي الطريق


اما بالنسبة للزينون

برده انا مع منعه لأن هنا عندنا ناس في مصر مش عايز اغلط يعني بيستخدموه اسوء استخدام
لو ع الطريق الصحراوي هقولك معلش مش شايف انما وسط البلد و تلاقيه ضاربه في عينك او يفضل يقلبلك عشان خاطر يطلع منك و بالتالي عينك هتوجعك اذا كان الواحد لما يتفتح في عينه النور العالي بيتعب تخيل بقي زينون
جايز انت عينك مش بتوجعك بسم الله ما شاء الله- الله اكبر -عينك تستحمل
لكن في غيرك اي اضاءة عالية بتتعبه و ممكن تعميه مؤقتا و بكده هيعمل حادثة
في ناس مثلا بيتحرج عليهم ميقربوش ناحية اي دخان عشان عينيهم زي حالاتي و في ناس عندهم حساسية من الضوء العالي
بالاضافة ان اغلب اللي بيركبوا بيبقي مركبه منظرة شغل حركات و ترويش مش لهدف انه بيسافر صحراوي كتيير اللي يستحق الموضوع ده اللي بيسافر كتير صحراوي ممكن يجيب حاجة تثبت و ياخد تصريح من المرور

تاني حاجة ان ممكن واحد يدخل ع لجنة و يفتح في وش كله الزينون و يجري و ميعروفش يشوفوا

طبعا حضرتك ممكن تقولي انا مش هعمل زي الباقيين و اقلب نور او افتح في عين حد طب المرور ايه اللي عرفه شخصيتك اذا كنت هتسخدمه صح و لا لأ او هتحط عدسات و لا لأ

فكرك مثلا انا مش عايز اركب زينون و فيميه اكيد عايز و خاصة ان و انا نازل او طالع اغلب طريقي صحراوي السويس او صحراوي اللي بينزل ع الحي السادس عالطول و نظري ضعيف لكن مش بركبهم ليه :
- احتراما للقانون مش خوفا من المخالفات زي الاغلب
-مراعاة الاخرين لأني بحط نفسي مكان اللي قدامي لو مثلا حد فتح النور العالي في عيني ساعتها موقفي هيبقي ازاي و كلنا مجربيين الاحساس المقرف لما شخص يفتح نور عالي في عينك و يفضل يقلب لما يعميك
- و اخيرا لنفسي انا يعني الفيمية ممكن ميخلنيش اشوف كويس خاصة بليل يبقي عشان خاطر اتمنظر اضيع نفسي أكيد لأ

اما بالنسبة للعربيات اللي بتنزل فبريكة
بالنسبة للفيميه ديه عربيات بتنزل ازاز ملون فبريكة و مش كتيير يعني كام موديل مش كله
بالنسبة للزينون الفبريكة ده بيبقي نازل مظبوط و بعدسات و بتكون اضائته محددة لكن اللي بيحطوه هنا بيبقي بمثابة انفجار زينوني و حتي ديه برده موديلات معينة اللي بتنزل بيه

بالنسبة الناس اللي بتقول انهم برة سامحين بيها في كل مكان مع اني اول مرة اعرف المعلومة ديه انا اعرف انها مسموحة في دول و دول مش كله يعني
بس هسألك سؤال لو افترضنا ان الكلام ده صح فكرك ان نسبة الحوادث عندهم قليلة بالعكس الحوادث بالكوم هناك ده احنا هنا ارحم بالرغم كل ده
بالاضافة ان اغلب الطرق الطويلة عندهم اللي هي الصحراوي بتبقي كبيرها حارتين صغيرين او متوسطين و مفيهاش اضاءة خالص و كل اللي حواليك غابات او صحرا و بتمشي ع اضاءة العربية فقط مش زي عندنا عواميد النور مالية كل مكان ليل نهار شغالة
و بمناسبة الاضاءة
فرنسا المنطقة اللي حوالين برج ايفل كل الانوار فيها بتتقفل من حوالي الساعة 10 تقريبا و اللي بينور المكان هناك بس الاضاءة بتاعت برج ايفل و الناس بتخاف تمشي هناك ( ده ملوش علاقة بالموضوع لكن كمعلومة يعني :) ههههه)

كل بلد و ليها ظروف مينفعش تقارنها بغيرها

و كمان يا ريس لو عايز اضاءة بيضا فيه اللمض الهالوجين اضاءة بيضا و احسن من العادي و اقل من الزينون زي الفيليبس رالي و الكريستال فيجين الحاجات ديه

بالنسبة للتفييم انا شايف انه درجة الزيرو تتحط لايت لايت بلاك
يعني تحس ان اللون ادي ع عسلي و بكده هتخف الشمس عليك و كل اللي في العربية بتشاف سواء بليل او نهار و في ناس كتيير محدش كلمهم ع افتح درجة في الفيميه

فتخيل انت عندك ناس من غير حاجة معندهمش استعداد يحترموا القوانين و بيمشوا عكس و عايز تسمح لهم بالزينون و الفيميه يبقي هتلاقي اي واحد جي في وشك عكس و فاتح الزينون او واحد يمشي غلط و يخبط اي حد او يعمل مصيبة و يجري محدش يعرف شكله

يعني من الاخر بالنسبة ليا
التفييم يكون مسموح درجة واحدة للعايز و ده نظرا للصيف الرهيب عندنا فليكن اخف درجة خالص الزيرو
اما الزينون يكون للاشخاص اللي بيسافروا صحراوي طول الوقت و بتصريح من المرور و يكون للملاكي فقط مش النقل

الحاجة الاخيرة ان الظباط يتعاملوا زيينا في موضوع الفيمية و الزينون ده اللي اتمناه فعلا

هي ديه وجهة نظري يا ريس :)

---

التعتيم او المخفى ليه نسبه محدده وهى 30% فى دول الخليج واكتر من كدا يتعملك مخالفة والشرطه معاها جهاز بيحطه على الازاز بتاع العربيه لو شاكك فى المخفى انه اكتر من 30% يعنى موش راجعه لافتكساته ودماغه
الزينون بدون عدسات مقرف جدا ومعظم الناس بتتعب منه

بغض النظر عن موافقتى او رفضى للفاميه او الزينون بس اكيد زى ما الاخوة الاعضاء اتفضلوا ممكن يبقى ليها ظوابط كتير اوى تخلى الموضوع مدروس و مسموح و ينفع صاحبه و ما ياذيش غيره.

لكن اعتراضى المستمر هو التمييز يعنى ليه عشان ظابط مثلا مسموحله بالفاميه او بمعنى اصح بتعدى زمالة بقى و دقعة و الكلام ده او مثلا وكيل نيابة او او او.... و طبعا فى ناس كويسين جدا مش بيستغلوا الوظيفة او المعرفة بشكل خاطىء.

يا يتمنع على الكل يا اما يبقى له ظوابط و قوانين واضحة و برضه على الكل.

انا مش مع الموضوع بصراحه
وطبعا كنت اتمنى ان كلامك يكون المفروض او امره طبيعى

بس لو فى مكان غير مصر عندن اهنا الناس مش بتحترم نفسها عشان تحترم الاخرين
بمعنى تانى لما بتلاقى واحد ماشى بفاميه واستكيرات اولا منظر غير حضارى ياريت على كدا
عامل الفاميه اسود بمعنى الكلمه يعنى وا يشوف الى بره ولا يشوف الى جوه
عندك زى منتا بتقول حريه شخصه وحرمه مثل حرمه البيت مش معاك
انت راجل محترم وهتشتغل املوضوع بشفاهيه واحترام
لكن غيرك للدعاره وقله الادب والمنظره الكدابه

[QUOTE=omaroof;3873551228]كلام موش مظبوط للاسف موش مطلوب منك انك تشوف الطريق اللى امامك عن طريق ازاز العربيه اللى امامك

[/b][/size][/color][/QUOTE]

لا
مطلوب منك كدة
لو عايز تسوق فى امان ومتلاقيش اللى قدامك كان مش واخد باله وضرب فرامل فجأة وتلبس فيه
او تلاقى واحد من المشاة المتعودين انه يجى له خاطر يعدى ويعملها واللى قدامك يشيله وتلبس فيه

بس حضرتك مفروض تسيب مسافة كويسة بينك و بين اللى قدامك , خصوصا ان لو قدامه مطب مثلا مش هتشوفه من الازاز بتاعه حتى لو شفاف
و كدة كدة مش بنشوف من العربيات النقل بأنواعها أو العربيات اللى بتركب ستارة
و الزجاج الفبريكة اللى بينزل فى العربيات بيبقى ورا, عمرى ما شوفته فى الجناب بس

الاستاذ الفاضل omaroof كلامة صحيح 100% ومع احترامي للعضو الي بيقول لازم اشوف الي قدامي لو قدامك عربية وكيل نيابة اوضابط او امين حتى او تاجر كبير او او او ازاي هتشوف اقدامك وبعدين انت سايقة علشان تشوف الشارع من عربية الى قدامك وبعدين العربيات الميكروباص لازم تتحط ليها ستاير علشان تترخص انا شخصيا مع الفامية بس بدرجة معقولة انا مفيم وعلشان اعرف وكيل نيابة وضابط مرور ابن عمي محدش بيكلمني لية انا فيا اية مميز عن باقي الناس عيزين العدل وبالمعقول بالنسبة للزينون انا رايي الشخصي ملهوش لازمة لانة مفيش زينون اصلي اصلا بس الفامية فعلا فية سترة دول الخليج كلها ممكن تفيم ورا دارك والامامي 0/1 وممنوع تفيم الزجاج الامامي والعضو الفاضل الي بيقول امان الي عايز يعمل حاجة مش هيستنى الضابط يقرب او يقرب من على الكمين ويطلع السلاح الي عايز يعمل حاجة هيعملها لو مدرعات الجيش واقفة وعلى فكرة الدول العربية كلها تمنع تفتيش العربية الى في الظروف الطارئة وبتحترم اي امراءة معاك امك اختك مراتك بس هنا يوقفك علشان يستعرض ادام اهلك بس دا بصراحة قبل الثورة دلوقتي لا لا بصراحة وبعدين دايما بشوف الشباب الي جنبي في اي عربية كانهم قعدين معايا في العربية مفيش ذوق ولا ادب ولما تيجي تكلم حد يقولك اقعد في بيتك لو مش عايز حد يبص عليك قلت ادب وقلت احترام للغير انا معا الفامية المعقول وللو عندك ولاد عتعرف يعني اية الفامية بيحمي ولادك من الشمس الي هما اغلى من اي حد في الدنيا للفامية ميزات اكتر من اضراروا بس في مصر تسلط بس مش اكتر البلد عمرها ماهتبقى بالدنا الى اذا شاء الله

[QUOTE=A.Saad;3873553114]

اقتباس:

---

المشاركة الأصلية كتبت بواسطة omaroof

كلام موش مظبوط للاسف موش مطلوب منك انك تشوف الطريق اللى امامك عن طريق ازاز العربيه اللى امامك

[/b][/size][/color][/QUOTE]

لا
مطلوب منك كدة
لو عايز تسوق فى امان ومتلاقيش اللى قدامك كان مش واخد باله وضرب فرامل فجأة وتلبس فيه
او تلاقى واحد من المشاة المتعودين انه يجى له خاطر يعدى ويعملها واللى قدامك يشيله وتلبس فيه

---

لو ماشى امامك عربيه نقل او 4*4 يبقى كل الاعذار اللى قلتها مالهاش لازمه :N_no[1]::N_no[1]::N_no[1]:
الحرص فى القيادة داخل الشوارع الضيقه والزحمة شئ
وانك تشوف من خلال العربيه اللى قدامك شئ تانى خاااااااااااااااااااااااا الص:Copy of m-s5::Copy of m-s5::Copy of m-s5:

اقتباس:

---

المشاركة الأصلية كتبت بواسطة algentel2008

الاستاذ الفاضل omaroof كلامة صحيح 100%
ومع احترامي للعضو الي بيقول لازم اشوف الي قدامي
لو قدامك عربية وكيل نيابة اوضابط او امين حتى او تاجر كبير او او او ازاي هتشوف اقدامك
وبعدين انت سايقة علشان تشوف الشارع من عربية الى قدامك
وبعدين العربيات الميكروباص لازم تتحط ليها ستاير علشان تترخص انا شخصيا مع الفامية بس بدرجة معقولة
انا مفيم وعلشان اعرف وكيل نيابة وضابط مرور ابن عمي محدش بيكلمني
لية انا فيا اية مميز عن باقي الناس عيزين العدل وبالمعقول
بالنسبة للزينون انا رايي الشخصي ملهوش لازمة لانة مفيش زينون اصلي اصلا
بس الفامية فعلا فية سترة دول الخليج كلها ممكن تفيم ورا دارك والامامي 0/1 وممنوع تفيم الزجاج الامامي
والعضو الفاضل الي بيقول امان الي عايز يعمل حاجة مش هيستنى الضابط يقرب او يقرب من على الكمين ويطلع السلاح الي عايز يعمل حاجة هيعملها لو مدرعات الجيش واقفة
وعلى فكرة الدول العربية كلها تمنع تفتيش العربية الى في الظروف الطارئة وبتحترم اي امراءة معاك امك اختك مراتك
بس هنا يوقفك علشان يستعرض ادام اهلك بس دا بصراحة قبل الثورة دلوقتي لا لا بصراحة
وبعدين دايما بشوف الشباب الي جنبي في اي عربية كانهم قعدين معايا في العربية مفيش ذوق ولا ادب ولما تيجي تكلم حد يقولك اقعد في بيتك لو مش عايز حد يبص عليك قلت ادب وقلت احترام للغير
انا معا الفامية المعقول
وللو عندك ولاد عتعرف يعني اية الفامية بيحمي ولادك من الشمس الي هما اغلى من اي حد في الدنيا للفامية ميزات اكتر من اضراروا بس في مصر تسلط بس مش اكتر البلد عمرها ماهتبقى بالدنا الى اذا شاء الله

---

اولا انا شايف طبعا ان الرد كله ع كلامي انا

اولا موضوع بشوف اللي قدام اللي قدامي بعيدا ان كتيير بيؤيدوني في النقطة ديه و ناس كتيير بتعمل زيي لكن هرد ع حضرتك
الموضوع عامل زي اللي بيبص تحت رجليه و اللي بيبص لقدام و النتيجة طبعا معروفة جايز حضرتك مواجهتش الامثال اللي واجهتها فمش واخد بالك باللي اقصده لكن لما كل شوية تلاقي واحد لسه متعلم السواقة و لا مبيعرفش اساسا يسوق و كل شوية يضرب فرامل فجأة لأن عقبال ما يفهم ان اللي قدامه هيوقف هتبقي محتاج انك تشوف قدامه عشان تعرف امتي هتقف و الا هتخبط حضرتك هتقولي لو جت عربية نقل او حاجة تحجب الرؤية في الحالة ديه هبتعد قدر الامكان و ازود الحذر شوية و ده لأني مضطر و اغلب الوقت انا مش بمشي وراهم بحاول اطلع منهم عشان اخلص و اشوف الطريق كويس خاصة ان بتوع النقل و الميكروباصات مية مية في السواقة ههههه
و كمان السواقة الصح ان الانسان تكون عينه في وسط راسه مش الانسان اللي بيمشي ع مراية واحدة و خلاص او يقول انا هبص فين و لا فين

بالنسبة للتفييم حضرتك استخدمت الواسطة عشان تركب فيميه عشان تعرف وكيل نيابة او ظابط مرور
انا اعرف شرطة من مرور و انت طالع و في النيابة العامة و الادارية و غيره و غيره و اغلبهم قرايبي و جيران و اهل اصدقائي و معرفة
لكن مستغلتش الموضوع اني احط فيميه مانا ممكن اثبته كمان في الرخصة و اخليه دارك بلاك كمان لو عايز مهياش كيميا

لكن انا بطبيعتي افضل احترام القانون ع اني استخدم الواسطة حتي لو هتعب شوية لأني اساسا بكره الواسطة اروح اعمل كده

لأن انا لو عملت كده ابقي عملت زي اللي بينصح الناس مترميش قمامة في الشارع و اكون انا اول واحد بيرميها

و انا طبعا بتعب من الشمس و ع فكرة الشمس بتأذي عيني جداااا هي و الدخان و عيني بتتبهدل و الدكتور منبه عليا متعرضش للشمس كتير او اضاءة عالية او دخان اي ان كان

لكن احتراما للقانون و مراعاة لغيري و لنفسي مش بحطه

بالنسبة لموضوع الخليج مش كل الدول كده ع فكرة و النسبة محددة اللي هي اول او تاني درجة في الفيميه يعني كبيرك 30 في المية بالتقريب

و موضوع الامان لو حضرتك ظابط او من اللي نزلوا في اللجان الشعبية و وقفوا بليل و بالنهار كنت هتحس بالوضع
و اد ايه ان الظابط اللي بيبقف لما يكون فيه فيميه بيبقي فعلا مش شايف حاجة يعني ممكن واحد مسجل خطر و مطلوب و الظابط عارف شكله لكن ميعرفش يشوفه
و في ظباط كتيير قبضوا ع مطلوبين لما بيشوفوهم في الطريق سايقين و طبعا قرايبك لو سألتهم هيقولوك الكلام ده صحيح
و من ضمنهم حصلت من حوالي سنتين ظابط مرور شاف واحد مطلوب في عربية جري وراه راح التاني طلع بالعربية الظابط نط مسك في الشباك لحد ما وقفوه و طلع عليه قضايا و بلاوي و ساعتها الظابط جاله كسر في رجليه و كسر في الحوض و الايد
تخيل بقي لو العربية مفييمة كان هيشوفوه ؟؟ اكيد لأ

بالنسبة بقي لموضوع يوقفوا و يستعرضوا انا عمري ما شوفت الكلام ده بالعكس لما بتبقي اسرة بيمشي العربية و لا بيفتح بوقه لو شباب و شك فيهم بيوقف , شاف انهم شباب عادية بيمشيهم
انما موضوع و اسرتك معاك اول مرة اسمع عنه بصراحة
ممكن تحصل في حالة واحدة بس انه يشك في اللي في العربية

بالاضافة ان حضرتك محسسني اني معترض ع الفيمية او الزينون انا كلامي كان واضح و صريح في نقطة انه يبقي مسموح في حدود
يعني الفيميه درجة الزيرو يكون لون عسلي بحيث يحجب الشمس شوية
و الزينون للناس اللي مضطرة تسافر صحراوي اغلب الوقت و يكون بعدسات كمان عشان ميأذيش حد
اظن ده حل عادل
لكن قولت في نفس الوقت متنفعش تبقي مسموحة اوي نظرا لأن عندنا شعب كتيير منه اتولد و اتربي ع عدم احترام القانون فتخيل لو اتسمحلهم عادي ايه اللي هيحصل

و بالنسبة ليا ان شاء الله و ربنا رزقني باولاد هعلمهم احترام القانون مهما حصل لأني الحمد الله اتربيت ع كده من صغري احترام القواعد و القوانين مهما حصل حتي لو هتعب بس هبقي مستريح وفرحان اني عملت الصح مهما كانت عواقبه
اكيد هبقي بتقطع من جوايا و انا شايفهم قرفانين شوية لكن لازم من صغرهم اعلمهم كده و الا هيطلعوا مفيش اهتمام باي قواعد و لا قوانين لأن ممكن احنا نكون شايفين انها حاجة بسيطة لكن ممكن تأثر عليهم بشكل غير مباشر و احنا مش واخدين بالنا
زي ما بيحصل دلوقتي نلاقي شاب لسه عمره 18- 20 سنة و مش بيحترم القانون و لأن والده كارنيه بيمشي يعمل اللي هو عايزه بدون مراعاة للاخرين و ساعة لما ظابط وقفه و حب يسحب الرخص الواد اتكلم بمنتهي العجرفة و الاستهتار و التناكة و الو بابا شوية رغي الظابط رفض يمشيه و مرضاش يرد ع التليفون حتي و قاله الاوامر عندنا كده
في حين ان اللي جنبه شاب واسطته ربنا و عربية ع اده و الظابط برده وقفه لكن اتكلم بكل احترام و ادب و انا اسف لكن انا لسه طالع بالعربية دلوقتي و نسيت احط الحزام الظابط قاله طب خلاص مفيش مشاكل بس حطه بعد كده
انما شوف التاني اتكلم بعجرفة و تناكة و جت فوق دماغه و شوف اللي اتكلم باحترام حصله ايه
و اللي اتكلم باحترام ده صاحبي و زيي برده اتربي ع احترام القانون من صغره
و انا لما قولت اخل شرطة مش عشان البدلة او السلطة او او او
لكن كنت عايز ادخلها عشان اولا خدمة الوطن ثانيا اطبق القوانين و اعاقب المخالف
لكن مليش نصيب فيها بقي حصلت ظروف منعتني اروح الاختبارات
و فضلت دخول حقوق ع هندسة :)

و فعلا كلام حضرتك مظبوط البلد مش هتبقي كويسة طول ما الناس مش عايزة تتغير

" ان الله لا يغير ما بقوم حتي يغيروا ما بانفسهم "


و عامة كل شخص ليه وجهة نظره برده و يجب احترام وجهات نظر الاخرين و انا عرضت وجهة نظري :)

و الاختلاف في الرأي لا يفسد للود قضية

و ع رأي نجوم اف ام في رمضان اللي فات

الاختلاف في البط لا يفسد للوز صنية
هههههههه

اتفضل معايا بقي ع الوليمة ديه
ههههههه

اولا السلام عليكم
ثانيا الزينون اللى من غير عدسه بيقى مؤذى لسبب واحد هو ان رميه النور مش بتبقى على الارض كلنا عارفين ان فانوس ليه رجلاش عشان تظبط رميه النور فين و كما هو معلم معظم العربيات اللى متجمعه فى مصر محدش بيكلم خاطره عشان يرجلش الفانوس بحيث ان رميه النتور تبقى على الارض و النتاج ان النور سواء عادى او زينون الناس بتضايق منه و تقولك اطفى النور انا بقا عربيتى لانوس رجلشت الفوانيس بحيظ انى اظبط النور عىل الارض و ركبت زينون و مشيت ورا صحابى و محدش اضايق من نورى خالص حتى على الطريق السريع محدش اشتكى لان النور مبقاش فى المرايه بقا فى الارض فانا استفدت من النور و اضاءته و كذلك و مأذتش الناس



ثالثا
بالنسبه للفيميه
انا من الناس الالى بتفيم عشان مزاجى بمعنى انى بحب شكل العربيه و هى متفيمه
و بالنسبه لحوار ان اللى وراك ميشوفش منك طيب ما انا لو ركبت ستاره عاديه برضه مش هيشوف منى فرقت ايه بقا

لو معترض على موضوع انك تشوف قدام اللى قدامك
دى حاجة ترجعلك
لكن اما عن تجربة تفرق معاك فى مواقف وربنا يسترها معاك علشان خدت بالك من كدة هتعرف اهميتها

algentel2008 كلام حضرتك انت بتقارن فيه وضع خاطيء بوضع عايزين نصححه
مش معنى ان حضرتك او قريب او صديق ليك ماشى خاطيء يبقى ده الوضع الصحيح

omaroof
نصيحة فى القايدة انك تبعد عن الحاجات العالية
متمشيش وراها
ميكروباص
نص نقل
جيب
ده كلام اتقال ليا وهتلاقى اعضاء غيرى كتبوه فى القسم التعليمى
يعنى مش خوف او حذر من شخص واحد

من قواعد السواقة اللى معظمنا للأسف لم يتعلمها ان المسافة اللى بينك وبين اللى قدامك لازم تزيد عن العادى لو مش شايف من خلاله
يعنى لو مشيت ورا اتوبيس أو نقل أو ما يشابه تسيب ضعف المسافة اللى بيتسيبها و انت ماشى و را العربيات الصغيرة على اعتبار انك شايف من خلالها

السلام عليكم .

موضوع ان الواحد يشوف من خلال السيارة الامامية مهم جدا خصوصا فى الطرق السريعة عشان فى السرعة العالية الثانية بتفرق فى الفرملة

اقتباس:

---

المشاركة الأصلية كتبت بواسطة alaasaid

السلام عليكم .

موضوع ان الواحد يشوف من خلال السيارة الامامية مهم جدا خصوصا فى الطرق السريعة عشان فى السرعة العالية الثانية بتفرق فى الفرملة

---

وفى الطرق البطئية كمان
الموضوع ده مهم جدا
الخليج الطرق واسعه لو طريق اتجاهين رايح جاى فقط
بيكون فيه هوامش للطريق تقدر تروح وتيجى فيها وتستطلع الطريق
انما عندنا الطرق ضيقه جدا
احيانا لما بتاقبل عربية نقل بتضطر تطلع على التراب علشان تعرف تعدى

متابع

ازاي ان يكون عربية قدامك ومهم تشوف من خلالها
طيب كل العربيات الفان وكل العربيات ال 4*4 وكل العربيات النص نقل الخفيف المفروض مايمشوش معانا في شوارعنا
مش بتكلم عن الاتوبيسات والميكروباصات والنص نقل
منع الفامية للموضوع ده بالذات انا معترض عليه
لاي سبب تاني ممكن نتكلم فيه
لكن الزجاج الخلفي بينزل اسود في عربيات كتير جدا اروبي(اعلى مواصفات امان) اسود ومعتم جدا وماتشوفش حاجة من خلاله
واللي بيمشي وراه لازم يسيب مسافة امان تبعا لمستوى الرؤية من خلال زجاج الغير من عدمه
واما لازم نمنع كل الميكروباصات والميني فان والنقل الصغير من السير داخل المدينة !!

اقتباس:

---

المشاركة الأصلية كتبت بواسطة karim_monir

ازاي ان يكون عربية قدامك ومهم تشوف من خلالها
طيب كل العربيات الفان وكل العربيات ال 4*4 وكل العربيات النص نقل الخفيف المفروض مايمشوش معانا في شوارعنا
مش بتكلم عن الاتوبيسات والميكروباصات والنص نقل
منع الفامية للموضوع ده بالذات انا معترض عليه
لاي سبب تاني ممكن نتكلم فيه
لكن الزجاج الخلفي بينزل اسود في عربيات كتير جدا اروبي(اعلى مواصفات امان) اسود ومعتم جدا وماتشوفش حاجة من خلاله
واللي بيمشي وراه لازم يسيب مسافة امان تبعا لمستوى الرؤية من خلال زجاج الغير من عدمه
واما لازم نمنع كل الميكروباصات والميني فان والنقل الصغير من السير داخل المدينة !!

---

مهو مش كل العربيات اللي ماشية في الشوارع اوروبية يا استاذ كريم
او كلها مفييمة دارك بلاك و في عربيات بتنزل تفييم درجة قليلة
بس مش مجمع موديلات دلوقتي
و في دول برة بقت تمنع استيراد العربيات الاوروبية المفييمة دارك بلاك
و ببتطلب انها تكون مفييمة درجة محددة طبقا لقوانيهم او تنزل من غير تفييم و اللي يجيبها يفيمها طبقا للقوانين

و ديه النقطة اللي اتكلمت فيها من ضمن نقط تانية نظرا لأن عندنا اذكياء كتيير بتبقي لازم تبص لقدام و انا بتكلم عن تجربة شخصية مش كلام بس
لأني لما ببص لقدام بعرف اقف لو اللي قدامي من الناس اللي زي الفل في السواقة او الشارع واقف في الحارة ديه و عربية عطلانه او...او... فاعرف اتصرف
و في حالة اني جيت ورا اتوبيس او نقل ..الخ بحاول اطلع منهم
و لو العربية اللي قدامي مفييمه بضطر اخد يميني درجة عشان اشوف
و زي ما حضرتك شايف في ناس بيؤيدوا الموضوع ده زيي
و عامة كل واحد و ليه سواقته الخاصة بيه و اللي شايف انها الانسب بالنسبه له و كل واحد بيعرض وجهة نظره :)

بالاضافة بالنسبة ليا ديه مش النقطة الوحيدة الي بسببها الفيميه يتمنع او يتسمح مع تقليل درجته لأقل درجة
في اكتر من سبب تاني ذكرتهم في اول مشاركة ليا

اقتباس:

---

المشاركة الأصلية كتبت بواسطة karim_monir

ازاي ان يكون عربية قدامك ومهم تشوف من خلالها
طيب كل العربيات الفان وكل العربيات ال 4*4 وكل العربيات النص نقل الخفيف المفروض مايمشوش معانا في شوارعنا
مش بتكلم عن الاتوبيسات والميكروباصات والنص نقل
منع الفامية للموضوع ده بالذات انا معترض عليه
لاي سبب تاني ممكن نتكلم فيه
لكن الزجاج الخلفي بينزل اسود في عربيات كتير جدا اروبي(اعلى مواصفات امان) اسود ومعتم جدا وماتشوفش حاجة من خلاله
واللي بيمشي وراه لازم يسيب مسافة امان تبعا لمستوى الرؤية من خلال زجاج الغير من عدمه
واما لازم نمنع كل الميكروباصات والميني فان والنقل الصغير من السير داخل المدينة !!

---

اقتباس:

---

واللي بيمشي وراه لازم يسيب مسافة امان تبعا لمستوى الرؤية من خلال زجاج الغير من عدمه

---

كدة انت اعترفت بوجهة النظر اللى بكلم انا وباقى الاعضاء فيها
نيااااااههاااا

هو الحل ان يكون فى مواصفات محددة للفاميه و مفيش مانع يكون المرور هو اللى يبيع الفاميه عشان يضمن توحيد درجة اللون و منها برضة سبوبة لان كدة مش هيكون فى مخالفات فاميه تانى

انا مش بتكلم عن العربية ككل
بتكلم عنها كزجاج خلفي فقط وده اللي لفت نظري في الموضوع

الموضوع دة مش هينتهى طول ما الشمس بتضرب فى عربياتنا الصبح, و فى ظباط أو وكلاء نيابة بيفيموا أغمق درجة
مستنى البلد تستقر و نعمل انتخابات علشان محدش يقول احنا مش فاضيين للكلام دة