نداء عاجل وهم جدا بخصوص سيارة لانسر 2007

**mido2006eng** · 04-06-2011 01:36 PM

السلام عليكم ورحمة الله وبركاته ,
نداء عاجل لكل اهل الخبرة

انا اشتريت سيارة لانسر 2007 مستعملة وبعد ما اشتريتها بالصدفة كنت بظبط الاكصدام وعرفت ان السيارة مغيرة نصف امامى وبابين يمين وخلاص الفلوس ادفعت كلها ومينفعش ترجع وللأسف كان معيا حد قاللى انه بيفهم فى السارات كويس وقاللى انها رشة بره بس بس وقع القدر وطلعت مغيرة نصف امامى كامل. انا عاوز أسأل يعنى ايه مغيرة نصف امامى كامل وده تأثيره ايه على الطريق وعلى امان السيارة وانا شفت ان فيه جزئين راكبين على بعض فى الجزء اللى بجانب المكان اللى مكتوب فيه رقم الشاسيه . ارجو الافادة والنصيحة العاجلة

**mido2006eng** · 04-06-2011 01:42 PM

ارجو الد لأنى فى مشكلة كبيرة بسبب الموضوع ده وخايف اروح اى مشوار على الطريق

**hugan** · 04-06-2011 01:42 PM

ربنا يعوض عليك
معني الكلام ده ان العربيه كانت عامله حادثه جامده ومغيره الربع الامامي يعني الحوض اللي فيه الموتور وده يعيب العربيه جدا و لا قدر الله لو حصل تصادم ممكن يكون فيه خطوره انا اللحام يفك
وطبعا اللي كان مع حضرتك قطعا لايفهم في العربيات

**khaled_yassin** · 04-06-2011 01:49 PM

انت تروح تمسح بكرامتو الى بعلك العربيه دة الارض
هو تاجر ولا واحد عادى
انت تتخانق معاه وتاخد فلوسك
حسبى الله ونعم الوكيل فى الناس الى معندهاش ضمير

**mido2006eng** · 04-06-2011 01:59 PM

اللى باع السارة شخص عادى مش تاجر وانا اشتريتها ب 72000 جنيه وكان مش راضى ينزل حاجة وكنت واخد واحد المفروض انه ثقة وعارف ربنا وعنده ورشة سمكرة سيارات كبيرة يعنى بيفهم كويس . بس للأسف الضمير مات ولا حول ولا قوة الا بالله . انا حبيت انى اشارك بالموضوع ده علشان اللى بيشترى سيارة يستفيد ومش يقع فى نفس مشكلتى وربنا المستعان

**mido2006eng** · 04-06-2011 02:01 PM

تنصحونى اتصرف ازاى فيها واعمل ايه وانا مش عاوز اغش حد وعاوز اتصرف بما يرضى الله حتى لو خسرت فلوس احسن ما اخسر ضميرى . تنصحونى اعمل ايه ولو مشيت بيها كده يبقى خطى على اولادى والاسرة ولا ايه . دلونى على الصح وجزاكم الله خير

**mido2006eng** · 04-06-2011 02:02 PM

تنصحونى اتصرف ازاى فيها واعمل ايه وانا مش عاوز اغش حد وعاوز اتصرف بما يرضى الله حتى لو خسرت فلوس احسن ما اخسر ضميرى . تنصحونى اعمل ايه ولو مشيت بيها كده يبقى خطر على اولادى والاسرة ولا ايه . دلونى على الصح وجزاكم الله خير

**hugan** · 04-06-2011 02:08 PM

بص حضرتك علشان ماتتعقدش من العربيه انت تبيعها لمعرض وهو اكيد هايعرف العيب الموجود فيها وانت اكيد هاتقوله
لكن الموضوع ده طبعا ها يكون فيه خساره كبيره ليك
لكنه قضاء الله
الحل التاني انك تحاول ترجعها لصاحبها وتتنازل عن مبلغ يتم الاتفاق عليه
في رائيي هو ده الحل الاقرب
ويبقي خساره لكن انت الكسبان في الاخر