مشكله كبيره ف الحراره هتجننى وهتموتنى

**amraction** · 04-06-2011 01:44 PM

السلام عليكم

ازيكم يا اوبلاويه
عاملين ايه.. واحشنى مووووووووت والله.. يارب يكون الكل بخير

انا مختفى تقريبا من بعد الثوره لاسباب كتير على راسها ان معنديش نت ف البيت حاليا

المهم واللى خلانى اخش سايبر مخصوص عشان بس اشكيلكو (بعد الله ) من مشكله الحراره ف العربيه

العربيه حرارتها على 90 - 92 ... اجى اشد شويه واحرق ع الغيار توصل الحراره ل 100

اشغل تكييف توصل 100 برضه.. اهدى ع العربيه او اطفى التكييف ترجع بالراحه ل حرارتها الاصليه.. وساعات بتفضل على 95

لفيت هنا.. قالو ردياتير.. رحت لقيت فيه شرخ ف العليه اللى معاها الساعات تقريبا.. المهم.. لحمت الشرخ واتاكدنا انه اتظبط... وبرضه نفس مشكله الحراره

رحت لاحسن ميكانيكيه عندنا ف الزقازيق والمنصوره.. قالو شكمان.. لسه مغير العلبه الاخرنيه لانها كانت مكتومه.. والعلبتين التانيين الراجل قالى كويسين..ولسه برضه نفس الكلام بالظبط...

اعمل ايه بقا؟؟ او اروح فين.. لانى هموت من الغيظ والحر

وكمان العربيه تجميعها بطئ شويه... واخرها 120 بتعلى عن 120 بالراحه اوووى... واكتر من واحد قالى الدبرياج كويس

العربيه فيكترا 1600 سى سى موديل 2000

حد يساعدنى يا اجدع عصابه

**caboo_1** · 04-06-2011 01:58 PM

ازيك يا راجل يا طيب
بالنسبة للحرارة ادام مبتعديش ال 100 تبقى فى السليم لان المراوح مبتشتغلش الاعند 90 درجة عتلى الواطى و95 على العالى
وده برده عندى فى الاسترا برده استنى رأى العصابة

**amraction** · 04-06-2011 02:04 PM

هيا فى يوم عدت 100.. فضلت مشغل التكييف ومنفض للحراره عشان مكنتش مستحمل الجو خالص

بس هو انا دايما لما بلاقيها وصلت 100 بستنى بتاع دقيقتين كده وبعدين اطفى التكييف او اهدى ع العربيه لحد ما تنزل تانى ل 90 وهكذا

**mifs** · 04-06-2011 03:47 PM

مبدئيا مافيش حاجة اسمها الحرارة توصل 100 وتفضل ماشي بالعربية ومافيش عربية مظبوطة حرارتها توصل 100 من اصله
رايي المبدئي المتواضع لو حضرتك متأكد من سلامة هد الموتور ومتأكد من حالة الريدياتير ومتأكد من سلامة المراوح على السرعتين ( الاولى 83 - 88 والتانية 90 - 95 ) ياريت تراجع على طلمبة المياه وترموستات الكوع بتاع وش السيليندر

**islambana** · 04-06-2011 04:10 PM

هتلف وتدور وفي الاخر الحل واحد
فك الردياتير اللي عندك ووديه لواحد يسلكه (يعني يسلكه ماسوره ماسوره من جوه ويقفله تاني وهياخد 60 جنيه غير مصنعيه الفك والتركيب
خلي بالك كل الميكانيكيه وبتوع الردياتير هيقولولك العيب مش من الردياتير علشان بيكسلوا يفكوه وبتاع الردياتير هيقولك عندي واحد جديد نمره واحد بكذا قوله نضف ده وركبه علشان مفيش فلوس (ولو عجبك الوضع بعد التسليك غير الردياتير او ماتغيروش حسب ميزانيتك)
خلي بالك نفس الموضوع حصل معايا و3 ميكانيكيه و2 بتوع ردياتير قالولي العيب مش من الردياتير علشان مش يفكوه وفي الاخر العربيه جابت جوان وبعد ماعملت الجوان لقيتها بتسخن فكيت الردياتير لقيته مسدووووووووود ومن ساعتها العربيه اتظبطت
وده رقم تيفوني لو احتاجت حاجه كلمني علشان مشكه النت اللي عندك
1504451851

**alnmr79** · 04-06-2011 05:08 PM

فعلا نضف دورة التبريد وغشيك على الترموستات العالى لان اعتقد العيب منة لان الترموستات بتشتغل على ال92 وال98 مع التكييف وبتكون محصورة على 93 وال95 مع التكييف ومتنساش المية الخضرة لانها بتقلل التبخر وان شاء اللة بسيطة

**mhbcas** · 04-06-2011 05:27 PM

انا حصل معايا الكلام ده بالظبط واكتشفت ان المروحه على السرعه التانية بتفصل علشان كده لما بشغل التكيف او اقرص على العربية الحرارة بتعلى مش بتقل اللى هو الطبيعى
وكل اللى اتظبط هى مقاومه فى ضفيرة الكهربا والموضوع اتظبط