شكر خاص لمودرن موتورز فرع شبين الكوم لحل مشكلة بوش الدريكسيون

أحبائي اعضاء نادي نيسان نايل موتورز

طبعا لو تفتكروا الموضوع اللي كنت عملته قبل كده و ده اللينك بتاعه :

http://www.nilemotors.net/Nile/222116-a.html

المهم اتصل بيا مودرن موتورز فرع شبين الكوم لأني من شبين تكليفا ً من مودرن ابورواش و حدد لي ميعاد صيانة للبحث في مشكلتي اللي طرحتها من قبل و هي التركات و دربكة من المساعدين :

بس في أول الامر : عايز اشكر المهندس المحترم / احمد حسانين المهندس المسئول عن التوكيل فرع شبين اللي استلم العربية و اهتم جدا جدا بالموضوع و طلع معايا و جربنا العربية و لاحظ اني من الناس المهتمين جدا بالعربية

بعد التجربة وجدنا فعلا صوت تركات و مرتكزة من الناحية الشمال كتير
اترفعت العربية فعلا و بعد الفحص وجد المهندس انه يوجد بوش في الدركسيون و المفروض ان الدركسيون يكون مظبوط علي 35 ملي لكن وجد بوش اكبر من الطبيعي

بعد الفحص و تظبيط البوش اصبح الوضع طبيعي جدا و لا يوجد اي تركات و اصبحت العربية ناعمة جدا و الموضوع طلع كل البعد عن المساعدين

طبعا في النهاية مش هنسي برده اشكر اخويا احمد مصطفي علي متابعته و مجهوده لمتابعتي في المركز و الاهتمام بأن المشكلة اتحلت فعلا

الف مليون مبروك يا بيشو , والحمد لله اتحلت المشكلة على خير

وانا معلمتش غير الواجب , يعنى نخدم الغريب , ومش نخدمك ,

فعلا انا كنت والله زعلان جدا ومستاء من اللى حصل معاك فى ابورواش وقت الكشف على العربية

وفعلا نقلت الصورة الى خدمة العملاء ومدير الصيانة هناك فى ابورواش استاذ شعبان , وعشان مشوارك وانك جى من اخر الدنيا , كلموا المهندس المحترم احمد حسانين عشان يهتم بمشكلتك

والراجل اكتف جدا وانسان محترم جدا وعلى خلق بجد , وشرف ليه مكالمتى ليه والتعرف عليه

وبخصوص المهندس طارق اللى كان مزعلك , بردوا وصلت الصورة , وبلغتهم عشان يفهموه غلطته , ويتحاسب على سوء معاملة الاستقبال اللى استقبلك بيها


الحمد لله ان العربية اتظبطت , وبكدا الحمد لله ان ربنا بعتلنا المهندس احمد حسانين واتعرفنا عليه عشان يكون جنبك حد قريب منك يساعدك بضمير فى اى مشكلة عويصة

الف مليون مبروك يا حبى

وتسلم على التقرير المميز اللى افدتنا بيه وفى ملعومات قيمة

وياريت كل الاعضاء كدا تكتب تقارير بعد حل المشكلة عشان نستفاد زى ما استفدنا من تقريرك , والخبرة تزيد لافادة الناس

وياريت تحطلنا الحل .. المشكلة بالحل بتعها فى سجل المشاركات الميكانيكية

تحياتى يا جميل

بيشوو ...... ربنا يتملك بخير والحمد لله انها عيت علي خير
قولي بقي علشان مشفاهم ايه العيب بالظبط وعرفته ازاي انه بوش واتحل ازاي؟
بالتفصيل الرخم لو سمحت :))
ههههههههههه ...... اقعد بالعافية :bye2:

مبروك يا بيشو ولو اني مش فاهم يعني ايه تركات

انت من شبين طلعنا بلديات ههههههههه اخبار البلد اية من ساعت الثورة انا بقالي سنة منزلتش علشان انا عايش في الامارات

الحمد الله على ان مشكلتك اتحلت فى فرع شبين الكوم

شكرا يا عمده

اقتباس:

---

المشاركة الأصلية كتبت بواسطة sonasteel

بيشوو ...... ربنا يتملك بخير والحمد لله انها عيت علي خير
قولي بقي علشان مشفاهم ايه العيب بالظبط وعرفته ازاي انه بوش واتحل ازاي؟
بالتفصيل الرخم لو سمحت :))
ههههههههههه ...... اقعد بالعافية :bye2:

---

بص يا حسين انا المهم عندي ان المشكلة اتحلت انما موضوع البوش ده نقلته كما قال المهندس لي بالظبط انما ايه ده بصراحة معرفش بس ممكن حد من المهندسين يدخلوا يقولوا لنا ايه الموضوع ده من الكلام اللي كتبته و اي خدمة يا باشا

اقتباس:

---

المشاركة الأصلية كتبت بواسطة م/محمد

مبروك يا بيشو ولو اني مش فاهم يعني ايه تركات

---

الله يبارك فيك يا محمد متشكر خالص .. هي خبط بس تسمعها كأنها "تريك تريك" من ناحية الشمال للطابلوه انما طلعت في الآخر من الدريكسيون و المساعدين بره الموضوع خالص

اقتباس:

---

المشاركة الأصلية كتبت بواسطة ramy01011

انت من شبين طلعنا بلديات ههههههههه اخبار البلد اية من ساعت الثورة انا بقالي سنة منزلتش علشان انا عايش في الامارات

---

يا باشا شبين زي ما هي مفيش اي حاجه خالص ولا كأن في ثورة حصلت و لا حاجه متقلقش هتلاقي الوضع كما هو عليه قبل السفر و دي حاجه بتمتاز بيها مدينتنا الحبيبة .. الهدوء و السكينة و ترجع لينا بالسلامه ان شاء الله

اقتباس:

---

المشاركة الأصلية كتبت بواسطة nashwa2011

الحمد الله على ان مشكلتك اتحلت فى فرع شبين الكوم

---

عشان كده بشكر توكيل مودرن فرع شبين الكوم و كل القائمين عليه و متشكر لحضرتك جدا

الحمد لله علي حل المشكله
وشكر للاستاذ احمد الذي دائما يقدم خدماته بكل الطرق

الحمدلله على حل مشكلة العربيه يابيشو وان شاء الله ناوى اعمل الصيانه القادمه فى مودرن شبين واجرب النظام هناك ايه

الحمد لله يا بيسو ... و ربنا ما يجيب حاجة وحشة تاني ان شاء الله

و فعلا ... اللي بيميز توكيل النيسان ... انهم حتى لو اخطأو ( الناس كلها بتخطئ) بيحاولو يصلحو اخطاءهم دي بسرعة جدا ....

[QUOTE=Peaceman[B]يا باشا شبين زي ما هي مفيش اي حاجه خالص ولا كأن في ثورة حصلت و لا حاجه متقلقش هتلاقي الوضع كما هو عليه قبل السفر و دي حاجه بتمتاز بيها مدينتنا الحبيبة .. الهدوء و السكينة و ترجع لينا بالسلامه ان شاء الله[/B]


فعلا طول عمرها شبين النوم

مبروووك يا بيشو يا أبو البشابيييش

اقتباس:

---

المشاركة الأصلية كتبت بواسطة samsong

الحمد لله علي حل المشكله
وشكر للاستاذ احمد الذي دائما يقدم خدماته بكل الطرق

---

الحمدلله يا باشا شاكر مرورك الكريم

اقتباس:

---

المشاركة الأصلية كتبت بواسطة aboamr

الحمدلله على حل مشكلة العربيه يابيشو وان شاء الله ناوى اعمل الصيانه القادمه فى مودرن شبين واجرب النظام هناك ايه

---

ان شاء الله حضرتك تعمل الصيانة علي خير .. و هما هناك ناس في قمة الاحترام و الباشمهندس احمد المسئول عن المركز بيهتم جدا جدا بالعميل

اقتباس:

---

المشاركة الأصلية كتبت بواسطة mohamednagib

الحمد لله يا بيسو ... و ربنا ما يجيب حاجة وحشة تاني ان شاء الله

و فعلا ... اللي بيميز توكيل النيسان ... انهم حتى لو اخطأو ( الناس كلها بتخطئ) بيحاولو يصلحو اخطاءهم دي بسرعة جدا ....

---

الحمدلله يا محمد ان الاخطاء بتتصلح و توكيل نيسان فعلا توكيل محترم و شاكر مرورك يا جميل

اقتباس:

---

المشاركة الأصلية كتبت بواسطة mff_629

مبروووك يا بيشو يا أبو البشابيييش

---

الله يبارك فيك يا محمد يا جميل متشكر خالص

انا كمان باسمع الصوت ده من جهة درج الفيوزات كتير اوى خاصة اول ما اتحرك بالعربية من الركنة او المبيت ع الاول والتانى وبعدين يختفى وكمان كنت باسمع صوت تزييق عند لف الدركسيون فى الركن وفى مودرن شبين شحمولى العمود من تحت واختفت فى الفحص المجانى