حاجة جديدة حلوة في التيجو

**aboomarahmad** · 04-06-2011 04:24 PM

السلااااام عليكم يا اسبرانزاوية:
أنا كنت غايب عن القسم بقالي فترة لأن ماكنش فيه جديد ولأني مش بأستخدم العربية كتير اليومين دول
في حاجتين حصلوا والإتنين كويسين ولله الحمد
1- إكتشفت ان في في الكاسيت الkenwood بتاع العربية (ال2000 سي سي الأتوماتيك) حاجة حلوة وهي اني لما بأوصله على الموبايل وانقل الكاسيت على وضع AUX ممكن استقبل المكالمات وارسلها من خلاله وذلك بأني باسمع صوت المتصل من السماعات وهو بيسمعني من المايك اللي في الكاسيت اللي مجهز اصلا لكدة
الموضوع ده يلزم له وصلة ب3 جنيه من اي حد بتاع اكسسوارات موبايل...كدة انا باتكلم والموبايل بعيد عني والصوت مجلجل في العربية.....
دي حاجة غير تركيب وحدة بلوتوث للكاسيت عشان توصله بالموبايل وتتكلم من بعيد....ميزة البلوتوث انك مش هتحتاج تحول الكاسيت لوضعية AUX طوالي ترد في اي وضعية والله اعلم

2- سمعت صوت في الشكمان زي احتكاك صاج ببعضه وذلك عند سرعة معينة او اهتزازة معينة للموتور وهي واقفة
رحت ابورواش قالولي العربية بقالها اكتر من سنة وفي جزء من الشكمان ضمانه سنة واحدة وجزء تاني ضمانه تلاتة مع العربية
قولت في سري اهلا...يبقى هيلبسوني العيب....قولتلهم لو طلع ضمن الضمان صلحوه ولو مش كدة قولولي يتكلف كام وبيني وبينكم كنت ناوي اهرب واعمله برة
المهم خدوا العربية وغابوا اوي وبعد ساعة ونص لما قلقت وعاوز امشي سألتهم قالوا هنغير العلبة الوسطى ودي مع الضمان
حمدت ربنا وانتظرت واتأكدت انها اتغيرت ومشيت
وربنا يستر

**firstknight_eg** · 04-06-2011 08:53 PM

المشاركة الأصلية كتبت بواسطة aboomarahmad

1- إكتشفت ان في في الكاسيت الkenwood بتاع العربية (ال2000 سي سي الأتوماتيك) حاجة حلوة وهي اني لما بأوصله على الموبايل وانقل الكاسيت على وضع aux ممكن استقبل المكالمات وارسلها من خلاله وذلك بأني باسمع صوت المتصل من السماعات وهو بيسمعني من المايك اللي في الكاسيت اللي مجهز اصلا لكدة
الموضوع ده يلزم له وصلة ب3 جنيه من اي حد بتاع اكسسوارات موبايل...كدة انا باتكلم والموبايل بعيد عني والصوت مجلجل في العربية.....
دي حاجة غير تركيب وحدة بلوتوث للكاسيت عشان توصله بالموبايل وتتكلم من بعيد....ميزة البلوتوث انك مش هتحتاج تحول الكاسيت لوضعية aux طوالي ترد في اي وضعية والله اعلم

طب مش تقول يا راجل قبل ما اشتري وحدة البلوتوث :)

عموما وحدة البلوتوث مش محتاجة تظبط الكاسيت علي اي حاجة ديه ميزتها، اول ما تدخل العربية الكاسيت يتعرف علي الموبايل واي مكالمة تيجي يكتم صوت الكاسيت تلقائي ويشغل المكالمة وفيها مميزات تانية زي الرد الاتوماتيك وزي اظهار الرقم علي الكاسيت وكمان ممكن تتصل من ريموت الكاسيت

**aboomarahmad** · 05-06-2011 02:47 PM

المشاركة الأصلية كتبت بواسطة firstknight_eg

طب مش تقول يا راجل قبل ما اشتري وحدة البلوتوث :)

عموما وحدة البلوتوث مش محتاجة تظبط الكاسيت علي اي حاجة ديه ميزتها، اول ما تدخل العربية الكاسيت يتعرف علي الموبايل واي مكالمة تيجي يكتم صوت الكاسيت تلقائي ويشغل المكالمة وفيها مميزات تانية زي الرد الاتوماتيك وزي اظهار الرقم علي الكاسيت وكمان ممكن تتصل من ريموت الكاسيت

السلاام عليكم:
أولا شكرا على ردك....انت أفدتني بحاجة جديدة
ثانيا: ممكن تكمل جميلك وتقولي بكام ركبت الوحدة دي و من عند مين بالظبط
ثالثا: اللي انت عملته هو الصح...لكن اللي انا اكتشفته ده حاجة اضافية لأن موضوع النقل على الAUX والتوصيل بالموبايل ده مخصص لسماع اي mp3 متسجل على الموبايل أو على الI-Pod وانا كنت موصله بأسمع موسيقى من على موبايلي وبالصدفة جت مكالمة فسمعت الجرس في السماعات...فتحت الخط سمعت صوت المتحدث كذلك...رديت وانا قاعد بعيد فوجئت انه سامعني كويس......فالحمدلله

لكن طبعا الأحلى انك ترد وتتكلم مباشرة من غير ما تحول على الAUX

منتظر ردك

م.ياسر

**firstknight_eg** · 05-06-2011 06:00 PM

م. ياسر انا اشتريت الوحدة بتاعت البلوتوث من السجان وهي بتتركب في الكاسيت علي طول من غير اي اختراعات وتمنها 700 جنيه وماركتها كينوود

وعلي فكرة مفيدة جدا وفيها اوبشنز كتير زي انك ممكن تنقل الاسامي عليها وتشوف الاسامي مكان رقم التليفون

بس هو فيه حاجة لو انت عندك سي دي تشانجير يبقي في وصلة بتتركب فيها عشان يركبوا الاتنين مع بعض ، معندكش يبقي هتركب علي طول ومش هتاخد خمس دقايق تركيب