.. تقييم شامل للأوبترا الأوتوماتيك 2010 بعد سنه من الإستخدام ..

**Bassem Raafat** · 04-06-2011 04:48 PM

النهارده ( 4 يونيو ) عيد ميلاد حبيبتى الأول ....

.. كل سنه وإنتى طيبه يا برنسيسه ..

حبيت أعمل تقييم شخصى شامل للعربيه بعد سنه واحده من الإستخدام ، وحتكون أسس التقييم ( ضعيف - مقبول – جيد – جيد جداً – ممتاز ) ، والتقييم ده بيعبر عن وجهة نظرى أنا فقط عن عربيتى مش عن كل الأوبترا ، علشان محدش يدخل بعد كده يقولى إنى بــهلل للأوبترا أو بــذم فيها .

وأحب أوضح قبل البدء فى التقييم إن العربيه عامله 6500 كم فقط ، يعنى مش بتحرك بيها كتير ، ولسه لو فى عيوب من الإستخدام مش حتبقى ظاهره معايا دلوقتى .

بالنسبه للــ :

السحب : جيد جداً .
إستهلاك البنزين : مقبول .... وساعات بيبقى جيد ، داخل البلد الإستهلاك معايا بيكون ( سواقه رياضيه 160 كم فى الصفيحه – سواقه إقتصاديه 190 كم فى الصفيحه – طرق سفر 230 كم فى الصفيحه ) .
الفرامل : جيده …. ويا ريت كان فيها ABS .
الثبات : جيد جداً .
العفشه : مقبوله …. برضه بحس بالدبدبه فى العربيه فى أراضى المحروسه ، ويمكن علشان لسه العربيه ما مشيتش كتير وإللى أعرفه إن مع الإستخدام الكتير العفشه بتلين شويه شويه والله أعلم .
التكييف : ممتاز .
الصاج : ضعيف …. وخصوصاً الكبوت والسقف .
المساحه الداخليه : ممتازه .
العزل الداخلى : جيد جداً .
التقفيل : جيد جداً .
الشكل العام : جيد .... وفى الأول والآخر أذواق .

والحمد لله مش ندمان إنى جبت الأوبترا ، وبمقارنتها بعربيات تانيه فى نفس الفئه السعريه تقريباً لاقيت إنها الأنسب لى .

أرجو أن ينال هذا التقييم القبول ، وأن يفيد كل من ينوى لشراء هذه السياره .

تحياتـــــــــى

باســم رأفــت

" الحــريــف "

**ahmedaglan** · 04-06-2011 06:17 PM

اية الجمال دة يابسوم والله فعلا تقرير احمر علي ابوة يابطيخ
هو دة الكلام
ربنا يحفظهالك يابسوم ويحفظك منها

**ahmedaglan** · 04-06-2011 06:18 PM

وفعلا يابسوم هى مشكلتها ضعف الصاج غير كدة العربية زى المانجة العويسي

**ecybrarian** · 04-06-2011 07:01 PM

تصدق حريف فعلا..تقرير في الجول..كويس إنك استلمت 4 يونيو مش 5 كانت بقت نكسة :-))))) مافيش فايدة السياسة ورانا ورانا

**engaass** · 04-06-2011 08:05 PM

يا بسوم يا جامد
كل سنة والبرنسيسة طيبة

**Bassem Raafat** · 04-06-2011 09:00 PM

المشاركة الأصلية كتبت بواسطة ahmedaglan

اية الجمال دة يابسوم والله فعلا تقرير احمر علي ابوة يابطيخ
هو دة الكلام
ربنا يحفظهالك يابسوم ويحفظك منها
وفعلا يابسوم هى مشكلتها ضعف الصاج غير كدة العربية زى المانجة العويسي

ربنا يبارك للجميع يا أبوحميد ، ويكفينا شرها ومشاكلها

المشاركة الأصلية كتبت بواسطة ecybrarian

تصدق حريف فعلا..تقرير في الجول..كويس إنك استلمت 4 يونيو مش 5 كانت بقت نكسة :-))))) مافيش فايدة السياسة ورانا ورانا

يا دكتور إنت عارف إنى مجيش جنبك حاجه فى التقارير اللى زى الفل

بس أنا رخصتها يوم 5/6 يعنى النكسه بعينها

المشاركة الأصلية كتبت بواسطة engaass

يا بسوم يا جامد
كل سنة والبرنسيسة طيبة

وإنت طيب يا باشا

**fawzyyyy** · 04-06-2011 11:00 PM

في الجول يا حبيب الملايين.......الله ينور يا حريييف و ربنا يباركلك فيها

**aymanmaly** · 04-06-2011 11:19 PM

كل سنة و انتى طيبة يا برنسيسة و عقبال 100 سنة
و تتربي فى عزك يا باسم باشا
ربنا يديك خيرها و يكفيك شرها
يجعلة عامر

**medododo** · 04-06-2011 11:49 PM

تقييم شيك عن عربية شيك من راجل اشيك

**sh3sh3** · 05-06-2011 12:02 AM

ربنا يارب يدييييييييييييييييك خيرها ويكفيييييييييييييييييييك شررها وعلى فكرة نفس لون البي ام بتاعتي فضي وتقرير ممتاز بس انا كنت عايز اسال سؤال بس حضرتك لما بتفول وتصفر التريب بتعمل معاك كام التفويلة ؟؟؟؟

الموضوع: .. تقييم شامل للأوبترا الأوتوماتيك 2010 بعد سنه من الإستخدام ..

LinkBack

أدوات الموضوع

عرض

.. تقييم شامل للأوبترا الأوتوماتيك 2010 بعد سنه من الإستخدام .. - انشر الموضوع فى :

-

-

-

-

-

المواضيع المتشابهه

الإستخدام المثالى للفتيس الأوتوماتيك ل "نيــــســـان"

تقييم عملى لنيسان قاشقاى بعد التجربة و الإستخدام

ما هو سعر الفتيس الأوتوماتيك للأوبترا

أريد تقييم شامل للأوبترا

الكلمات الدلالية لهذا الموضوع

المفضلات

المفضلات

ضوابط المشاركة