الموضوع: بمناسبة موسم البطيخ :) ازاي نعرفهها حمره وحلوه :)))

مش بيقولك زي البطيخ يتطلع قرعه يا تطلع حمره
من واقع خبرتي بالتعامل مع البطيخ
اشتريت كذا بطيخه واليك الاتي

اول حاجه حتبوص على لونها تكون كلها خضره مفهاش اي صفار من بره خصوصا من عند السره (المكان الي نبتت منه)
وتخبط بايدك لو لقتها بترن رنه عميقه طن طن تبقى حمرا والرنه حتعرفها مع كتر الشرا هههههههههههههههه ودوس عليها بصباعك جامد لو لقتها بتستجيب للضغطه وصباعك حيعلم تبقى حمرا

زي صاج العربيه تعرف انه ممعجن وراشش ولا لا من الرنه لما تخبط عليه بصباعك

وممكن تشتري من فكهاني محترم وتقوله لو مطلعتش حمرا حرجعهالك وهو ينقيها

بس انا بشتري البطيخ من محل معروف او مترو او خير زمان او فكهاني له اسم حتى لو بعيد مش مشكله
لاكن لا يمكن اشتري من واحد من الشارع حتى لو حمرا بيبقى ملهاش طعم مش عارف ليه؟؟؟؟
حتقولي كله بطيخ
حقولك في بطيخ بيسقى بمياه المجاري وفيه بطيخ بيحطوله زي اسمده معينه عشان يطلع على طول وفيه وفيه .............

المشاركة الأصلية كتبت بواسطة hemalotfy

تسلم ياباشا كفيت ووفيت

جرب انت بس طريقتي وحتدعيلي والعفو يا هيما

المشاركة الأصلية كتبت بواسطة hm414

صوت الرنه مش مقياس
الرنه بتقول اذا كانت البطيخه دي مليانه ميه ولا ألياف وملهاش طعم
لو رنت يبقى مليانه ميه وغالبا بتبقى حلوة
اما لو بتخبطها بيطلع صوت كأنك بتخبط على حيطه يبقى ابعد عنها لانها مش هتكون حلوة

اما بالنسبه انك تشتري منين
ممكن تشتري من اي حد عالسكين,,,,


تحياتي

بلاش موضوع السكينه ده لاكتر من سبب اولهم السكينه مش نضيفه 100% ثانيا حيحطها في كيس وهيا اصلا مش مغسوله يبقى لو في ميكروب او حاجه حيلوث البطيخه