الموضوع: عايز اروح جنينة موول

طب عنب اوى انت هتيجى من الهرم وتدخل صلاح سالم وتمشى فى صلاح سالم لحد ما تعدى على مسجد الشرطة تطلع اول كوبرى ( كوبرى الفردوس ) هتنزل منوا تكمل صلاح سالم هيبقى على شمالك مسجد الرحمن جامع كبير اوى وعلى يمينك دار المركبات والاسلحة والذخيرة هتفضل مكمل هتلاقى قدامك كوبرى العباسية ما تتطلعهوش من تحتوا تدخل يمين اجبارى وتعدى شريط القطار هتلاقى على ايدك اليمين بيعملوا محطة المتروا وموقف السوبر جت وبرج نقابه التجاريين تفضل ماشى فى الشارع دة هتلاقى طالعه كوبرى اكتوبر على ايدك اليمين تطلعها وتنزل النازلة الى على ايدك الشمال على ايدك الشمال الى هى نزلة الاتوستراد ( اليمين المعادى - النص توديك الحى السابع )وتفضل ماشى فى الاتوستراد هتلاقة المنصة بتاعة اغتيال السادات على ايدك اليمين وعلى ايدك الشمال الجندى المجهول تفضل مكمل هتعدى على اول اشارة هتلاقى فيها اعلان شركة مصر للطيران تكمل على طول تعدى على تانى اشارة وهتلاقى مسجد على ايدك اليمين مسجد رابعة تكمل بردوا على طول هتلاقى طيبه مول على ايدك الييمن تكمل هتلاقى بنزينه على ايدك اليمين ودة بدايه شارع عباس العقاد تدخل عباس العقاد تفضل ماشى فيه شويه هتلاقى على ايدك اليمين محل كبير اسموا كشرى شيخ البلد تدخل اول شارع يمين بعده على طول هو دة شارع جنينه مول وتمشى لاخر الشارع هتلاقى المول على ايدك الشمال
انا وصفتلك الطريق واديتك علامات تلاقيها على الطريق علشان ما تحسش انك تايه