بلطجية طلعوا النهاردة على قريبى فى مصر الجديدة و كانوا هايقتلوه

السلام عليكم ورحمة الله وبركاته
حسبى الله و نعم الوكيل فى كل من تسبب فى وضعنا فى هذه الظروف المؤسفة و يرحمنا من كل خائن و متستر و متراخى عن اداء عمله

النهاردة قريبى راجع من شغله فى مصر الجديدة الساعة 9 مساء
ماشى ثلاثة وقفه بموتوسيكل و قالوله عايزين ميه عشان معانا واحد تعبان
وقف و ساب عربيته دايرة و نزل متجه اللى شنطة العربية عشان يجبلهم ميه واحد منهم نزل ضربه بشومة على ضهره و راح باصص وراه لقا التانى جايب مطواه و هايضربه بيها راح قريبى ماسك المطواه و طبعا ايده اتفتحت و لوا دارع البلطجى و راح ناطط فى عربيته و طار و كويس انه كان سايب عربيته دايرة مكانش عرف يهرب منهم و كانوا ممكن قتلوه و سرقو العربية

يا جماعة محدش يقف لحد فى الشارع خلاص الجدعنة انسوها لانها ممكن تنهى حياتك فى لحظة
و للاسف ممكن يكون فى واحد محتاج مساعدة فعلا لكن هانخاف نساعد حد من بعد اللى بنشوفه و نسمعه كل يوم ...
انا قلت لازم ابلغكوا عشان لو لا قدر الله حد اتعرض للموقف دة مايوقفش و يجرى بعربيته

ربنا يستر علينا جميعا بس بكده عليه العوض بجد

لا حول ولا قوة الا بالله ...
الواحد بقى خلاص مش عارف يعمل اية ربنا يسترها على الجميع

خلاص الجدعنة انسوها لانها ممكن تنهى حياتك فى لحظة, نسناها من زمان لان الحوادث ده كترت في السنين الاخيره, ربنا يستر معانا جميعا

ربنا يستر علينا جميعا

حمدالله على سلامته والحمدلله ان ربنا حماه

بنت عمتى راحت باتت عند مامتها رجعت لقيت الشقة عالبلاط
شقة فى الدور السادس
اخدوا كل حاجة حتى الهدوم والسكر والزيت وكل حاجة
جارتها سمعت حركة فى الشقة قالت فى ايه ومين اللى فوق
قالولها ادخلى واقفلى شقتك عليكى والا هنموتك انتى وولادك
دخلت واتصلت بيها
عقبال ما وصلت كانت الشقة عالبلاط
ربنا يخلى الشرطة والداخلية والامن والامانت
ومش هنقول احنا اسفين برضه

D: انا بقترح سكان القاهرة ينتقلون للاسكندرية !!

يا جماعة انا من بعد الثورة وطول الشهور دية حاسس ان القاهرة هي الوحيدة الي فيها كل الكلام دة
الحمد للة في اسكندرية الامر جيد جدا انا برجع البيت 4 الفجر وساعات من غير عربية والحمد للة تمام ربنا يديمها علينا نعمة

مش عارف ظروف القاهرة عاملة لية كدة !! ربنا يصلح الحال عندكم . .

امبارح في الهرم
عند بنزينه موبيل اللي فيها يافطه غسيل السيارات
كان فيه خناقه وواحد دمه سايح والناس يتحوش وواحد ضرب واحد بسيف
وبتوع البنزينه كانوا بيجروا ورا الناس اللي بيتخانقوا معاهم
كان نفسي اعرف سبب الخناقه بتوع البنزينه ولا مين بالظبط بس كانت مجزره بجد


الواحد بقى بيشوف ويسمع عن مواقف ميعرفش لو أتحط فيها حيتصرف ازاي

لا حول ولا قوة الا بالله.

فين فى مصر الجديدة طيب عشان الواحد ياخد باله.؟

وموضوع الشقة اللى اتقشطت فين كمان؟

لا حول ولا قوة الا بالله.ربى اننى لا اسالك رد القضاء انما اسالك اللطف فيه.

اقتباس:

---

المشاركة الأصلية كتبت بواسطة ahmedbatoos

d: انا بقترح سكان القاهرة ينتقلون للاسكندرية !!

يا جماعة انا من بعد الثورة وطول الشهور دية حاسس ان القاهرة هي الوحيدة الي فيها كل الكلام دة
الحمد لله في اسكندرية الامر جيد جدا انا برجع البيت 4 الفجر وساعات من غير عربية والحمد لله تمام ربنا يديمها علينا نعمة

مش عارف ظروف القاهرة عاملة لية كدة !! ربنا يصلح الحال عندكم . .

---

انا فعلا نفسي اعزل اي محافظه من القرف اللي هنا

لا حول ولا قوة إلا بالله

حمدلله على سلامة قريب حضرتك

الواحد مش عارف الوضع هيفضل ماشي كده لغاية امتى

دلوقتي مفيش لا شرطة ولا جيش

نمشي بأسلحة ولا ايه؟؟ أصل كده بقت غابة .. كل واحد يدافع عن نفسه بمعرفته

حمد لله على سلامتة وربنا يحفظنا جميعا ان قلقت جدا من الى بيتقال ده استرها يارب

والله انا اتضرب عليا نار الساعة 3 و نص
العصر مش الفجر
والحمد لله على كل شيء
ربنا يسترها مع الجميع

اقتباس:

---

المشاركة الأصلية كتبت بواسطة elmkaneeki

والله انا اتضرب عليا نار الساعة 3 و نص
العصر مش الفجر
والحمد لله على كل شيء
ربنا يسترها مع الجميع

---

الحمدلله إن ربنا سترها

حصل فين الكلام ده؟؟؟

البلطجية مكثفين نشاطهم أوى اليومين دول بالذات .....
بيحاولوا يلموا بسرعة كل اللى يقدروا علية .....
لأنهم شايفين الشرطة و الجيش بايعين القضية خالص .....
يعنى لو حضرات السادة الظباط ماشتغلوش حد هايحاسبهم .....
للأسف د/ عصام شرف طيب أوى أوى أوى .....
فى الوقت اللى البلد عايزة فية قبضة من حديد لأدارتها ....
ربنا يستر علينا ....

في مصر احمي نفسك بنفسك حتي مع وجود الشرطة والكلام ده من زمان مش من دلوقتي

اقتباس:

---

المشاركة الأصلية كتبت بواسطة ayman-ahmed

لا حول ولا قوة الا بالله.

فين فى مصر الجديدة طيب عشان الواحد ياخد باله.؟

وموضوع الشقة اللى اتقشطت فين كمان؟

لا حول ولا قوة الا بالله.ربى اننى لا اسالك رد القضاء انما اسالك اللطف فيه.

---

الشقة فى اليكس فى الفلكى

اقتباس:

---

المشاركة الأصلية كتبت بواسطة mohamedbook

في مصر احمي نفسك بنفسك حتي مع وجود الشرطة والكلام ده من زمان مش من دلوقتي

---

للأسف الشديد كلامك مظبوط :crying1:

لا ولو متابع ال Page بتاعة الداخلية على الفيسبوك يحسسوك انهم نضفو البلد خلاص
رغم ان البلطجة وقلة الادب و العربيات المخالفة في كل حتة

اقتباس:

---

المشاركة الأصلية كتبت بواسطة ayman-ahmed

لا حول ولا قوة الا بالله.

فين فى مصر الجديدة طيب عشان الواحد ياخد باله.؟

وموضوع الشقة اللى اتقشطت فين كمان؟

لا حول ولا قوة الا بالله.ربى اننى لا اسالك رد القضاء انما اسالك اللطف فيه.

---

++11111111111

الف حمد الله على سلامة قريبك .
بجد و بصراحة لازم كل واحد فى ظل الظروف دى يبقى شايل معاة فى العربية اى حاجة تنفع للدفاع عن نفسة أى حاجة بيعرف يستعملها .
أمبارح فى مصر الجديدة فى شارع جسر السويس تحديدا قبل أشارة روكسى . فية محلات بتبيع أسماك زينة و عصافيى و كلاب المحل الاول الى أسمة محل نورا تقريبا ناس أشترو كلب و بعدين مش عارف أية السبب أتخانقو عند المحل ضربو واحد قالهم طيب راجع لكم رجع معاة شوية ناس ضربو بألى و الله بألى و الساعة كانت فى حدود 6 مساء واحد بس الى أتعور فى رجلة و كلة تمام و سليم .
الغريب فى الموضوع الخناقة بقت ب ألى مع أن المنطقة دى صعب جدا جدا جدا يكون فيها الكلام دة

الشرطه هى السبب فى كل اللى بيحصل ده واللى مش عايز يشتغل يخلى عنده دم ويستقيل

اقتباس:

---

المشاركة الأصلية كتبت بواسطة calipha3

خلاص الجدعنة انسوها لانها ممكن تنهى حياتك فى لحظة, نسناها من زمان لان الحوادث ده كترت في السنين الاخيره, ربنا يستر معانا جميعا

---

1++++

اقتباس:

---

المشاركة الأصلية كتبت بواسطة heshamzaky

الف حمد الله على سلامة قريبك .
بجد و بصراحة لازم كل واحد فى ظل الظروف دى يبقى شايل معاة فى العربية اى حاجة تنفع للدفاع عن نفسة أى حاجة بيعرف يستعملها .
أمبارح فى مصر الجديدة فى شارع جسر السويس تحديدا قبل أشارة روكسى . فية محلات بتبيع أسماك زينة و عصافيى و كلاب المحل الاول الى أسمة محل نورا تقريبا ناس أشترو كلب و بعدين مش عارف أية السبب أتخانقو عند المحل ضربو واحد قالهم طيب راجع لكم رجع معاة شوية ناس ضربو بألى و الله بألى و الساعة كانت فى حدود 6 مساء واحد بس الى أتعور فى رجلة و كلة تمام و سليم .
الغريب فى الموضوع الخناقة بقت ب ألى مع أن المنطقة دى صعب جدا جدا جدا يكون فيها الكلام دة

---

يلهوى معقول فى حته زى دى يحصل كده ؟ الحته دى زحمه جدا أصلا وصعب التحرك فيها ومليانه ناس كتير جدا

انا المحل ده عارفه كويس جدا لانى كنت بشترى حاجات للقطه من عنده ... والحته دى اصلا كان على طول فيها بوكس وكمين شرطه واقف بالظبط قدام صيدليه التحرير

معقول ب ألى !!!!!!!!!!!!!


بجد انا بقيت أفكر جديا اشترى مسدس صوت من اللى ممكن يطلع بلى حديد ده يعور اللى قدامى لو حد اتعرضلى أو لاى حد من أهلى !!

عايزين نعرف الكلام فين في مصر الجديده؟؟؟

كويس

خلى اصحابنا واقفين فى الشوارع عمالين يكتبوا فى نمر العربيات و يقولك الشرطه موجوده

سبحانك اللهم وبحمدك ، أشهد أن لا إله إلا أنت أستغفرك وأتوب إليك

ربنا يسترها

اقتباس:

---

المشاركة الأصلية كتبت بواسطة hm414

عايزين نعرف الكلام فين في مصر الجديده؟؟؟

---

اقتباس:

---

المشاركة الأصلية كتبت بواسطة hacker5

السلام عليكم ورحمة الله وبركاته
حسبى الله و نعم الوكيل فى كل من تسبب فى وضعنا فى هذه الظروف المؤسفة و يرحمنا من كل خائن و متستر و متراخى عن اداء عمله

النهاردة قريبى راجع من شغله فى مصر الجديدة الساعة 9 مساء
ماشى ثلاثة وقفه بموتوسيكل و قالوله عايزين ميه عشان معانا واحد تعبان
وقف و ساب عربيته دايرة و نزل متجه اللى شنطة العربية عشان يجبلهم ميه واحد منهم نزل ضربه بشومة على ضهره و راح باصص وراه لقا التانى جايب مطواه و هايضربه بيها راح قريبى ماسك المطواه و طبعا ايده اتفتحت و لوا دارع البلطجى و راح ناطط فى عربيته و طار و كويس انه كان سايب عربيته دايرة مكانش عرف يهرب منهم و كانوا ممكن قتلوه و سرقو العربية

يا جماعة محدش يقف لحد فى الشارع خلاص الجدعنة انسوها لانها ممكن تنهى حياتك فى لحظة
و للاسف ممكن يكون فى واحد محتاج مساعدة فعلا لكن هانخاف نساعد حد من بعد اللى بنشوفه و نسمعه كل يوم ...
انا قلت لازم ابلغكوا عشان لو لا قدر الله حد اتعرض للموقف دة مايوقفش و يجرى بعربيته

---

اقتباس:

---

المشاركة الأصلية كتبت بواسطة ayman-ahmed

لا حول ولا قوة الا بالله.

فين فى مصر الجديدة طيب عشان الواحد ياخد باله.؟

وموضوع الشقة اللى اتقشطت فين كمان؟

لا حول ولا قوة الا بالله.ربى اننى لا اسالك رد القضاء انما اسالك اللطف فيه.

---

اقتباس:

---

المشاركة الأصلية كتبت بواسطة walidadel

++11111111111

---

ما تحاول تعرف من قريبك المكان بالظبط فى مصر الجديدة.لان معظم تنقلاتى فى مصر الجديدة.

لا حول ولا قوة الا بالله .. الف سلامة علية ..

يا باشا أنا خلاص بطلت أدي فلوس علشان ٩٠٪ من الناس إلي بتشحت واخدينها شغلانة و طبعاً مفيش فرق مع الناس إلي بتقول إن فيه واحد تعبان

لا حول ولا قوة الا بالله

فى بورسعيد برده شقى عديلى اتسرقت يوم الجمعة اللى فاتت

فسخوا الباب وإتقلبت كلها زى مابتشوفوا فى الافلام وأتسرق الفلوس

بيقولوا الحرامية بيخبطوا الأول على الباب لو محدش رد بيفسخوا الباب ويعيشوا حياتهم جوه

ربنا يستر ويبعد عننا ولاد الحرام

لا حول ولا قوة الا بالله