تجربتى مع السيفيك ورأى فى الكورولا :

**crazylambada** · 25-04-2008 05:49 PM

بص حضرتك
انا عندي عربية اوكتافيا A5
و هي عربية محترمة جدا و فعلا كلام حضرتك صح
بس انا لقيت عربية احسن منها و ارخص
و هي السيات ليون
وادخل حضرتك في قسم سيات ستجد معلومات عنها و انا في خدمتك في اي سؤال
يخص الاوكتافيا او سيات ليون

**SAbuhashem** · 25-04-2008 06:40 PM

المشاركة الأصلية كتبت بواسطة Hisham_ElFeky

بشكرك يا أحمد باشا عزت علي ردك وربنا يصبرك وتجيب العربية اللي هتكون مريحاك ان شاء الله

اما شريف بقا فلينا كلام مع بعض لما نتقابل بس مع انك لما جربتها يا شريف لما كنا في مزارع دينا كانت عجباك يا أخى

يا هشام افهمني أنا معيبتش في سواقة العربيه
أنا كلامي كان على إن الناس فاهمين انهم بيشتروا مازيراتي مثلاً :)

علقت على بعض النقاط السلبية في العربية واللي واضحة لكل الناس

سواقتها فعلاً هاديه والبور ستيرنج لذيذ لكن التسارع مش جبار زي ما الناس فاهمة

الفرامل مش واو ودة سببه انها من ورا Drums مش Disks

التصميم الخلفي فعلاً مفيش اتنين اختلفوا على إنه وحش

فعلاً مفيهاش كماليات توازي السعر المدفوع

لما ركبت عربيتك سواقتها عجبتني وكنت ثابتة على السرعة العالية وهادية بس ده كله ميتعارضش مع اللي أنا كتبته من سلبيات وكمان دى كانت لسة عاملة ٢٠٠٠ كم عاوزني أنزل أقولك على سلبيتها و إنت لسة شاريها وأول مرة نتقابل ده إنت كنت تجري ورايا لحد اسكندرية يا عم :)

وبعدين لا مساس في كلامي أو تجريح لشخصية أي حد من مالكي السيفيك خلينا ناس سبور وكول كدة وبلاش ندخل الجنوب في المواضيع :)

على كل حال نتقابل يا مان مفيش بروبلم :)

Thanks
Eng.Sherif Shaker

**Noha.M** · 25-04-2008 08:16 PM

ايه يا جماعة انا حاسة انكو بتتكلموا على عربية 132 ولا معرفش اسمها ايه !!!!

ماشي حصل مع استاذ عزت شوية مشاكل و كمان عمل حادثة (ربنا يعوضه خير) فكل

دة خلاه اتشائم منها لكن دة ميمنعش انها عربية جميلة و حلوة و زي الفل مع قرايبي و

انا سقتها و شكلها احسن كمان من الكورولا و بعدين اسعار قطع الغيار معقولة جدا على

فئتها انا مش شايفة اى مبالغة

**qwertyqwerty** · 25-04-2008 10:56 PM

والله جميعكم ناس محترمة وزى الفل.
جميع تعليقاتكم مفيده جدا لشحص مثلى يبحث عن سيارة يشتريها.
ماذا عن سعر قطع غيار الكورولا كانت ستتكلف كام؟؟؟
وما هى مدة الحجز لكى تستلم السيارة..
عوض عليك يا دكتور عزت وان شاء وربنا يكرمك وتجيب المرسيدس قريبا جدا.
ولكن نصيحة حاول تبحث عن شركة تأمين محترمة وتؤمن على السيارة.
ابحث فى هذا المنتدى ستجد تقييم ممتاز لمختلف شركات التأمين وبعضهم بالتقسيط
وتمنياتى لكم بعيد شم نسيم سعيد.......