السلام عليكم اية رايكم يا جماعة فى حدائق الاهرام انا شايف اسعارها كويسة وعايز اجيب هناك شقة
فهل فى اى مشاكل هناك وهل هى منطقة عشوائية ام منطقة راقية
عرض للطباعة
السلام عليكم اية رايكم يا جماعة فى حدائق الاهرام انا شايف اسعارها كويسة وعايز اجيب هناك شقة
فهل فى اى مشاكل هناك وهل هى منطقة عشوائية ام منطقة راقية
وياريت تفاصيل عن الاسعار كاش وتقسيط
اتكل على الله يا فندم
حدائق الاهرام منطقه راقيه و الفيلل فيها اكثر من الشقق بس العيبين الوحيدين اللى انا شايفهم من وجهت نظرى هما
1- التكاتك و ده طبعا لان المدينه لسه مش متكامله و الخدمات فيها لسه مكملتش و ان شاء الله قريبا هيكون فيه عربيات خاصه بالمدينه تنقل السكان الى شققهم و هتتلغى التكاتك دى
2- البوابييييييييييييييييييي ييييين الكتيييييير جدا الموجودين دول و بيبقوا موجودين هما و عيلهم :( حاجه تقرف
بس بعيدا عن الكلام ده كله استنى على المدينه دى بتاع 5 سنين كده و هى هتبقى لا تقل عن الرحاب او حى الاشجار او غيره من الاحياء الراقيه
فعلا في مشكلة كهرباء بالنسبة للعمارات الجديدة لسة مش عارفين يخدوا ترخيص من الكهرباء ويقال ان في محطة كهرباء خاصة بالحدائق يتم العمل عليها حاليا وكانت الناس عاملة مظاهرات عشان كده من حوالي 4 أسابيع
طيب والأسعار والمساحات اية؟
المتر ...
ياريت يا جماعة نعرف الاسعار والمساحات ..
والتشطيب ايه نظامه؟؟
بص يا باشا بخوصوص الكهرباء بتبقى في العماير اللي مخالفة لشروط الجمعية و بتتظبط
خد انت بس الضماناات اللازمة و بتتحل ان شاء الله
مشكله الكهرباء فى حدائق الاهرام كبيره جدا لو تعرف تشترى بعداد يكون احسن يعنى ياريت تشترى شقه بيها عداد لان دخول العدادات الان صعب جدا لان معظم العمارات مخالفه
ربنا يكرم والاقى شقة فيها عداد
انا بلاقى اعلانات كتير مكتوب فيها سعر المتر من 1100 الى 1500
الحدائق منطقة ليها مستقبل جااااااااااااااااامد جدااا يكفى انى انت اول منطقة جمب المتحف المصرى الكبير بينك وبينه كيلو بالظبط ومقولكش بقى لما المتحف ده هيفتح ايه اللى هيحصل فى حدايق الاهرام ومساكن الظباط الدنيا هتتقلب من خدمات وشوارع وكل حاجة لانى المتحف ده لما يفتح بيقولوا انه هيبقى من اهم انجزات القرن بجد وده من شهادة دول ومجلات عالمية لانه كبير جداااا وبيضم اكتر من 100 الف قطعة اثرية
ياجماعة المنطقة هاتبقى جميلة وانا لسة شارى هناك المتر على الـــ 1500 فى البوابة الاولى منطقة أ وطبعا السعربيختلف من مكان ومكان وانا شايف مستقبلها احلى كتير وحقبقى مشكلتها فى كذا حاجة منها كمان مافهاش تليفون ارضى وهاتبقى وحشة عشان القصى بتاعت النت
عندنا شقه للبيع بالعداد ومتشطبه مساحتها 220 متر لو مهنم
لما المتحف يفتح الحدائق مش هتبقى زحمة ولا حاجة بل بالعكس ده هما بيخططوا من دلوقت لشبكة طرق وكبارى تخدم المنطقة كلها لغاية كمان بوابات اسكندرية علشان يوافروا الراحة للاجانب اللى هتيجى تزور المتحف وطبعا من جاور السعيد يسعد وفعلا الاسعار دلوقتى من اول 1100 لغاية 2000 كمان على حسب عرض الشارع والموقع وحاجات كتير خلفى امامى كده يعنى فطبعا السعر ده يعتبر كويس جدااا لو حد يقدر يقولى مكان احسن بالسعر ده يبقى تمام
اجمل حاجه فى الموضوع ده انى اكتشفت ان فى كتييييييييير اوى فى نايل موتورز من حدائق الاهرام :)
المشكلة مش في سعر المتر سواء تمنة 1100 ج او تمنة 1400ج المشكلة انهم حرمية هناك بمعني ان الي بيبيع الشقة بيبعهالك علي اساس انها علي سبيل المثال مساحتة 200 وهي فعلي مساحتها حوالي من 160 الي 170 متر وهو بيقنعك ان الباقي ده كله مرافق يعني مساحة الجنية ومدخل اسلم والحجات دي عمرها متحصل في المجمل مهما كانت عن 10 او 15 متر عشان بتتوزع علي عدد السكان كلهم
المهم خد بالك من سماحه الشقه مش من سعر المتر
انا كنت هاخد هناك بس الي وقف الموضوع حكايه المساحة ديه والمشكله ان الي بيتعامل معاك شويه جهلة مش فهمين اي حاجة بوبين علي سماسره المهم في الاخر اخر ميزهق منك يقلك هي كده لو انت عايز
حدايق الاهرام !!!
أنا حدايق المعادي هههههههههههه
وانا مالي ماهي اللي دايقتني الاول
عيوبها الركنه
الدور الأرضي في أي عماره مباع فيلا
مفيش جراج
نفس الموضوع لما رحت هناك برضو المقاسات مش مظبوطة
دخلت شقة 115 متر لما قيستها صفت على 80 متر و برضو يقولوى اصل المساحة من الحوائط و الاصانصير و المناور و كلام اهبل
انا حاسس انهم كمان بيبيعوا الشارع مع الشقة
رحت هناك كذا مرة عشان اشترى و اتفرج و نفسى تتسد و امشى و بفكر جديا ماسكنش هناك
هوه بصراحة اللى انا اعرفه انى الشقق هناك بتباع وعليها نسبة 20% خدمات وكل الناس هناك عارفة كده وبتبيع وبتشترى هناك كده يعنى حتى لو فكرت تيجى تبيع شقتك بتبعها كده ده غير انى العقد بيتكتب فيه كل الكلام ده وبيضمنلك حقك يعنى فعلا شراء شقة فى الحدائق بيبقى غير شراء شقة فى فيصل او المريوطية مثلا فانت فى الاماكن ديه بتحاسب على مساحة الشقة صافى فقط
بصراحة انا مستكترهم زيك بس انا مشترى شقتى والله على نفس النظام ده وكل الناس كده هناك ومكتوب فى العقد كده كمان
السلام عليكم
شوف يا عزيزى
أن شاء الله والدى رايح بكره يشترى شقه
خلاصه الموضوع
الأسعار يتبدأ من 1250 للمتر ( كاش ) لو قسط بيزود 100 جنيه على المتر
السعر حسب العماره لسه أرض ولا خرسانات ولا تشطيبات ولا جاهزه , يعنى السعر بيعلى معاك
موضوع السعر شامل ده عادى لكن أنت تسأله هو الصافى كام وتقيس وراه ( حوالى 25 % )
من الدور الاول بيزيد السعر 2000 جنيه على الاجمالى علشان نور السلم وخلافه
من الدور التانى بيزيد 5000 علشان الاسانسير
شوف الواجهه لأن الواجهات أنواع
فى أتجاه واحد ( لما تكون الشقه فى وسط العماره )
فى أتجاهين بحرى شرقى , بحرى غربى , قبلى شرقى , قبلى غربى ودى ألعنهم
العماره لما تكون واجهتين ,الواجهه الجانبيه على شارع ولا جار وبينك وبين الجار قد أيه لأنها تفرق
الهضبه متدرجه , يعنى فى صف عمارات بيكون الدور الارضى أعلى من سطح العماره اللى قدامك ودى تفرق طبعا
فيه عمارات بيديك حصه فى الجراج لو كان عامل جراج بس مش كلهم عاملين
ساعات يقولك الدور الرابع تقوله فوقيك السطح وهتكون حر قوى يقولك هبنى دور زياده مخالف ( كل العمارات اربع ادوار )
روح أى مكتب عقارات هيديك خريطه المنطقه علشان تعرف أماكن الخدمات والنوادى والمولات و و وو وو وو
ما تزهقش من التدوير لأن كل الأنواع والمساحات والمميزات كتير قوى وموجوده
الشقه حوائطها مش مقدسه يعنى ممكن ليك مساحه قسمها براحتك وهو هيعملهالك ( لو الشقه مش مبنى حوائطها ) أو هتغير أنت على حسابك , بس لو هتعمل تراس أو برج عرف المالك علشان يعمل حسابه فى الواجهات
شوف المنطقه اللى تعجبك وشوفها على الطبيعه فيها كافيهات كتير فيها مطاعم أو هاديه حسب ذوقك
الورق المطلوب صوره من عقد بيع الارض وصوره من رخصه البناء وتروح الجمعيه تتأكد أن الورق سليم وأنصح بعدم الشراء فى عماره متباعه بتوكيل مش عقد بيع
موضوع المنطقه مستقبلها أيه أنا معرفش بصراحه بس أنا لفيت فيها وكانت حلوه
دى خلاصه لف فى المنطقه مع والدى وأرجو أكون أفدتك
مع تحياتى