الموضوع: شباب الاخوان والسلفيين (بارك الله فيهم)

المشاركة الأصلية كتبت بواسطة ashouhdy

بمعنى لما جمعية خيرية تعمل حاجة مثلا لما رجل اعمال محترم يعمل حاجة كويسة وهكذا مش بلاقى التهلليلل دة خااالص ولكن مع العكس لما الاخوان مثلا يوزعوا انابيب البوتجاز بسعرها الطبيعى 5 بدل 15 بلاقى هتاااااااااافات

سببه واضح ياباشا
الأعلام الجميل بتاعنا كل مايحاول يسلط الضؤ عليهم بالسلب تلف سهامه على التيارات ألي بيمثلها وعلشان كده عملهم أجمد دعاية أيجابية في صفهم
الكدب مالوش رجلين وأعلامنا أغلبه كذابين

المشاركة الأصلية كتبت بواسطة human12

مين اللى قال كده؟؟؟؟ اى حد يستطيع عمل الخير فى اى وقت حتى لو فى عصر شيطانى

و بعدين مين اللى قال اننا خايفين منهم!!

مش فاهم ليه الفكره ديه

فيه تخوف من افكار عند البعض بس التخوف ده مش يروح من كيسين سكر و كيس رز يعنى!!

و اللى معمول لو غرضه اللى حضرتك قلته يبقى بجد اوت خالص لان اللى بياخدوا الرز و كيس سكر دول مش متخوفين لا من افكار ولا اى حاجه ولا فارق معاهم اللى بيوزع بجلابيه ولا حزب وطنى ولا حتى لابس مايوه


التخوف الفكرى يناطح بفكر مش بكيس رز

لالالالا يبقى انت متعرفش ان محدش كان يقدر يعمل اى خير من الاخوان والسلفيين والا كانت الاسئله والتهم انهمرت عليهم من السماء

يا جماعه حتى لو النيه لتحسين الشكل العام بعد الحمله الهوجاء الموجهه للطرفين فده بردوا ممكن يكون لله طب ازاى
اقولك بص لما الاخوان والسلفيين بيضغط عليهم فده علشان هما بيقولوا عليهم اسلامين ومتدنين يبقى لما يسقطوا من عين الناس ممكن يسقط معاهم الدين ويقولك هما دول المسلمين
والعكس لما الاخوان والسلفيين يعملوا خير الناس تقول ايوه دول ناس محترمه وتحب الدين والالتزام
فتبقى بردوا النيه لله

1- لا تستقلل القليل فإن منعه أقل


2- لو هدف الأنشطة هو عمل دعاية لجماعة خيرية فده بردو هدف نبيل لأن في النهاية الجماعة دول حتى لو بيسعوا لمجلس الشعب فمش علشان مصالح شخصية ولكن لهدف نبيل بردو وده الفرق بين الحزب الوطني وبينهم

ولو فيه حزب بينشط إجتماعيا علشان يعمل سمعة طيبة للحزب علشان ينجح في الإنتخابات علشان يحسن وضع البلد مش علشان الحصانة فده شئ طيب ويشكروا عليه

سواء كانوا اخوان سلفيين ولا الجن الأزرق حتى

3- يا ريت تتوسع الأنشطة لتشمل عمل لجان حماية شعبية لحماية الشوارع والطرق السريعة من البلطجية وحماية بنات الناس من الخطف والقتل والإغتصاب وسرقة الشنط وتكون اللجان دي فيها جميع الطوائف والتوجهات ويدعى إليها المسيحيين والعلمانيين وغيرهم وبالتنسيق بين الإخوان والسلفيين والكنائس التي ترحب بالفكرة وأكيييييييييييييد هتلاقوا كتير بيرحب علشان نبقى كلنا فعلا إيد واحدة وننسى الفتن والخلافات
وتكون اللجان دي تحت إشراف الجيش والشرطة وليها زي خاص وتدريبات ولهم كارنيهات وتنسيق عالي مع الحزكومة