الموضوع: عضو جديد فى عائلة السيراتو ارجو الافادة

المشاركة الأصلية كتبت بواسطة Typerr

شغل كل حاجه في العربيه كل حاجه حتي الولاعه وفتحه الصقف وكله وياريت ترفع العربيه بعد ماتشتريها وتبص عليها من تحت وبص علي الصاج بالكامل لحسن يكون فيه نقره صغيره حتي لو ملي قوله غيرلفالاعلى اي العرربيه بص انا كنت بستلم انا وواحد قبل كده عربيه تيريوس قعدنا نستلمها في اكتر ن ساعه شوفنه فيها كل حاجه واسئل علي الكتالوجات والحاجات اللي بتنزل معاها
واشتري ضمان للعربيه يكون من شركه تريبل ايه اسمع انها كويسه
وربنا يهنيك بيها

اللون الاحمر مخصص فقط للمداخلات الادارية تم تغير لون الخط

مشرف 7ب
5/6/2011

lمتشكر يا باشا على الافادة القيمة

المشاركة الأصلية كتبت بواسطة m7amd_7amdy

هقولك كلمة نورمال :)

كإنك بتشترى عربية مستعملة

بص على كل حااااجة :)

اكيد انا هفلى العربية وشكرا يا باشا

المشاركة الأصلية كتبت بواسطة moha4tec

روح اسال على الكماليات و المواصفات و كده عند سمير ريان وعند جابر عبد الشهيد
و لازم تفلى العربيه كويس جدا
و لازم تشيل اللزق الابيض قبل ما تستلم لان ممكن يكون تحتها خرابيش مثلا او حاجه
بتستلم شنطة اسعافات و مثلث و كوريك و عده و استب جنط زى باقى العربيه 17 و بص على كل الكاوتش يبقى كله جديد و نفس النقشه و المقاس


السلام عليكم
لو هتجيب كوبيه خلى بالك نزل ليها فانوس جديد رهيب فى ال 2011 و كمان المرايات الليدات و كمان الفتاس ال 6 سرعات و ال esp مانع الانزلاق و ال abs مانع الانغلاق و خلى بالك و خد حد معاك و فلى العربيه كويس اوى جوا و برا متضمنش و لو عاوزنى معاك ممكن نتفق و نتقابل و تحت امرك و صلى صلاة استخاره الاول و توكل على الله و بص على الكوتش الاستبن و الجنوط كلهم يبقوا زى بعض و نفس النقشه و التاريخ
بص على فرش الابواب و الكراسى و خلى بالك فى خدوش و الا لا و بص فى كل حته و متنساش تستلم مفتاحين و ريموتين و الدليل بتاع العربيه و كمان المثلث و شنطة الاسعافات و العدة كمان و الكوريك كمان و شيك على الفوانيس هل هى مشرخه او مطوسه او اى حاجه و متنساش تجيب معاك فاشه و اسطوانه عليهم اغانى او قران عشان تجرب الكاسيت
و متنساش تجرب التكييف كمان مهم اوى اوى و جرب النوار كلها و خلى حد يبصلك عيها كلها و كمان افتح الابواب و اقفلها و افتح الشنطه و شوف فى صوت و بتقفل كويس و الا لا و افتح الكبوت و بص و شوف فى بارومه فى اى حته من العربيه والا لا و جرب الزراير كلها
و اهم حاجه تستلم بالنهار بالنهار و لو اتاخرت متدفعش و استلم تانى يوم بالنهار و استلم ورق العربيه كمان
و شوف باقى ااعضاء هينصحوك باه
و خد معاك كذا واحد خبره و اشتروا قبل كده و ركز و متتسرعش
عشان متندمش
و ربنا يباركلك فيها و يكفيك شرها
و السلام ختام


بالنسبة للسيراتو sx 2011 ... بص يا باشا
أولا : لو هنتكلم على السيدان:
1- لو وكيل:
هتلاقى فيه منها 3 حاجات
-sx : دى من غير فتحة سقف ... فيها تكييف تاتش و جنط 16 و باركنج سينسور و abs
-sx sr: زى اللى فاتت بس يزيد عليها فتحة السقف sunroof
-sx highline: اللى هى أعلى حاجة ... تزيد على اللى فات الفرش الجلد و السمارت كى و المفتاح البصمة

2- لو خليجى:
هتلاقى منها على كل شكل و لون ... هتلاقى منها ب abs و من غير .. و هتلاقى منها جنط 15 أو 16 سبور و لو جبت موديل 2010 هتلاقى جنط 17 كمان ... و فيه منها بفتحة سقف و من غير ... و اعمل بقى تباديل و توافيق للصبح ... بس طبعا هتبقى سعر أقل و هتاخد المواصفات اللى انت محتاجها و من غير ضمان ولا صيانة فى التوكيل

ثانيا لو هنتكلم على الكوبيه:
1- لو وكيل:
- sx: من غير فتحة سقف ... جنط 16 مش الاسود فى كروم (كروم بس), abs الخ الخ
- sx highline: فتحة سقف و جنط 17 اسود فى كروم

2- لو خليجى: سمعت إنها تزيد دلوقتى زرار ال esc (electronic stability control)

طبعا ال2011 تفرق عن ال 2010 الshift paddles نازلة فى السيدان و الكوبيه ... و طبعا الفتيس الجديد ال 6 نقلات بدل ال 4 نقلات (بس لسة فيه من ال4 نقلات موجود فى السوق)

اعذرنى لو معلوماتى مش دقيقة أوى لأن الشركة كل شوية عمالة تغير حاجات و تضيف حاجات و خصوصا عالخليجى ... بس نصيحة لو هتجيب خليجى أطلع علطول على جابر عبد الشهيد أو سمير ريان لأن دول المستوردين الرئيسيين بتوع الخليجى و هيجيبلوك من الأخر بدون الفصال بتاع المعارض اللى برة ده ... و ربنا يوفقك للى فيه الخير


اضغط هنا لمشاهدة الصورة بالحجم الطبيعي.

بالمناسبة ده شكل الجنط الجديد ... و شكل فلاشر المراية الجديد

و ده ال e-catalogue
http://www.kiamotors.com/filerootmai...eratoforte.pdf

http://www.nilemotors.net/nile/193584-a.html

قائمة الأشياء التي تحتاج إلى فحصها:
هيكل السيارة :
تأكد من عدم وجود خدوش أو أثر صدمات.
تأكد من الأماكن التي يحتمل وجود الصدأ فيها.
تأكد من أن صبغة السيارة متجانسة وعدم وجود ترميمات ناتجة عن أثر حادث
المحرك :
تأكد من أن صوته معقول.
تأكد من أن حرارته معقولة.
تأكد من عدم وجود تهريب للزيت.
تأكد من مستوى الزيوت. فإذا كان الزيت جديدا فقد يكون قد غير للتو حتى لا تبرز عيوب المحرك.
أسفل السيارة :
تأكد من عدم وجود أثر لصدمات أو صدأ، فباطن السيارة يعطيك انطباعا عن مدى عناية المالك بالسيارة
العجلات :
تأكد من أن العجلات من النوع الجيد وتأكد من أنها كلها بنفس المقاس وأنها غير متهرئة.
ناقل الحركة :
تأكد من أنه يعمل بطريقة سليمة، وأفعل الشيء نفسه للكلتش. وإذا شككت في عدم كفاءة أي منهما فلا تشتر السيارة إلا بعد أن يفحصها فني.
من الداخل :
تأكد من نظافة السيارة، وتأكد من أن كل شيء يعمل بكفاءة.
المكيف :
جرب المكيف حتى ولو كنت في الشتاء، وتأكد من تأثيره على حرارة السيارة.
وأخيرا تأكد من عمل الإشارات و المساحة ومزيل الضباب وغيره.

سياره كيا سيراتو 2011 , مواصفات سياره كيا سيراتو 2012 , سعر سياره كيا سيراتو 2012 - منتديات قمر الشرقية



و يا رب اكون افدتك
و لو عاوز نصيحتى الشخصيه استنى الالنترا 2011 جمده السنين و مش هتندم هى هى السيراتو بس شكله احلى و بعض الاوبشن الاعلى و ربنا معاك

شكرا ياباشا على قاموس المعلومات القيمة دى