البهوات فين

**rompo10** · 05-06-2011 04:07 AM

البهوات ظباط الشرطه فين الواحد مش عارف يمشي علي اي طريق وهو مطمن وخايف في اي لحظه حياته تنتهي هما طبعا عاوزها التكيه بتاعت ابوهم زي زمان لكن تيجي تقولهم اشتغلوا يقولوا احنا خايفين اعزروني في الكلمه انا اسف ظباط الشرطه كلهم طلعوا ............

يرجى مراعاة الاداب العامة فى الحوار
3:30am 5/6/2011
م.ع.6

**eng.m7md.ali** · 05-06-2011 04:52 AM

عندك حق
انا راكن العربية بقالي اكتر من 10 ايام علشان مش مبعرفش اطلع من المنطقة عندي بسبب الزحمة والميكروباصات

**SkyBird** · 05-06-2011 05:16 AM

فين ازاي؟
ما هو البلطجية تبع الشرطة

**kamatsho** · 05-06-2011 05:43 AM

موجودين بس مش موجودين

على رأي عمرودياب

عايش ومش عايش :d

**Magdyahassan** · 05-06-2011 05:45 AM

الغريبه انهم اكتر ناس استفادوا من الثورة واول ناس مرتابتهم زادت

**shooter123** · 05-06-2011 05:56 AM

ما هي الرجالة مش بتبان غير في الاوقات دي ثم فين القسم اللي اقسموه عند التخرج؟؟؟؟؟؟؟
ولا البيه كان داخل كلية الشرطة عشان يفيم عربيته؟؟؟؟؟؟؟

**graffittiii** · 05-06-2011 07:37 AM

معاك حق ياباشا بس في حاجة ...
... لو حضرتك أخوك ضابط شرطة تفتكر ينزل يعمل إيه الأيام دي ؟؟؟ ..
عارف لو في خناقة دخل يفضها .. هو أول واحد الناس هتضرب فيه لان السمة العامة من الناس هي دي ثقافتهم ...
الشرطة لو مكانتش مدعومة بالقوة والعدد والتأييد من الناس يبقي لاتنتظر منها مواقف بطولية علي حساب حياة أفراد الشرطة ...
معلش أسف ف الكلمة :: مينفعش حضرتك تقعد تحط رجل علي رجل وتطلب أن ظابط الشرطة يموت عشان يحميك ..
علي فكرة ماليش قرايب ضباط شرطة والله ... ومش حاسس بأمن وإيدي مثلا ف الميه ولاحاجة ..
الأسوء لسه مجاش عامة ...

إذا أردت أن تطاع فأمر بما يستطاع ....

**AmAhmed** · 05-06-2011 09:09 AM

المشاركة الأصلية كتبت بواسطة taiwo

معاك حق ياباشا بس في حاجة ...
... لو حضرتك أخوك ضابط شرطة تفتكر ينزل يعمل إيه الأيام دي ؟؟؟ ..
عارف لو في خناقة دخل يفضها .. هو أول واحد الناس هتضرب فيه لان السمة العامة من الناس هي دي ثقافتهم ...
الشرطة لو مكانتش مدعومة بالقوة والعدد والتأييد من الناس يبقي لاتنتظر منها مواقف بطولية علي حساب حياة أفراد الشرطة ...
معلش أسف ف الكلمة :: مينفعش حضرتك تقعد تحط رجل علي رجل وتطلب أن ظابط الشرطة يموت عشان يحميك ..
علي فكرة ماليش قرايب ضباط شرطة والله ... ومش حاسس بأمن وإيدي مثلا ف الميه ولاحاجة ..
الأسوء لسه مجاش عامة ...

إذا أردت أن تطاع فأمر بما يستطاع ....

كلامك سليم .. لكن محدش بيطلب من ضابط فرد واحد ينزل يصلح البلد .. الكلام علي وزارة يعمل بها عشرات الالاف و ميزانيتها بالمليارات و المفروض انهم الاكثر خبرة و كفائة في منطقة الشرق الاوسط بالاضافة الي دعم الجيش و المحاكمات العسكرية

عنصار الثورة المضادة و زبانية النظام مازالت مسيطرة علي مراكز اصدار القرار و هي السبب في ما نحن فيه الان .. و اللي مش قادر علي الحمل يتنحي و الاف غيره مستعدين من كفائات الوطن سواء جيش او شرطة او قانونيين .. و المحاسبة تكون بالانجازات و ماذا قدمت منذ استلمت موقعك

او يرجعوا للناس حقهم الاصيل في الدفاع عن انفسهم و حمل الاسلحة الصغيرة و النصف اتوماتيكية ده اقل شئ لتحقيق العدل امام البلطجية و المطاريد و المسلحين و عصابات المواشي .. و زي ما الناس كانت زي البالونة في انتظار شكة دبوس لتنفجر فما يحدث الان هو اعادة تعبئة للضغوط علي الشعب و الذي سينفجر في وجه اي نظام و حتتحقق الفوضي الحقيقة و ليست المزعومة التي يخلقها الان النظام الذي قامت ضده الثورة.

**wesam_salom** · 05-06-2011 02:25 PM

المشاركة الأصلية كتبت بواسطة taiwo

معاك حق ياباشا بس في حاجة ...
... لو حضرتك أخوك ضابط شرطة تفتكر ينزل يعمل إيه الأيام دي ؟؟؟ ..
عارف لو في خناقة دخل يفضها .. هو أول واحد الناس هتضرب فيه لان السمة العامة من الناس هي دي ثقافتهم ...
الشرطة لو مكانتش مدعومة بالقوة والعدد والتأييد من الناس يبقي لاتنتظر منها مواقف بطولية علي حساب حياة أفراد الشرطة ...
معلش أسف ف الكلمة :: مينفعش حضرتك تقعد تحط رجل علي رجل وتطلب أن ظابط الشرطة يموت عشان يحميك ..
علي فكرة ماليش قرايب ضباط شرطة والله ... ومش حاسس بأمن وإيدي مثلا ف الميه ولاحاجة ..
الأسوء لسه مجاش عامة ...

إذا أردت أن تطاع فأمر بما يستطاع ....

هو الناس دى دخلت اتعلمت لف المحشى فى الكليه ولا اتعلمت ايه بالظبط
هو الناس دى بتقبض فلوس ليه وشغلها ايه
يعنى لو فيه حرب هنقول العساكر بتاعت الجيش تهرب ولا تروح تموت نفسها
يعنى هما اسد على الغلبان وقدام البلطجى نعامه

المفروض بعد كده كل ظابط جديد يتخرج يطلع من الكليه معاه طرحه بيلت ان علشان يفضل لابسها

**graffittiii** · 05-06-2011 02:36 PM

المشاركة الأصلية كتبت بواسطة wesam_salom

هو الناس دى دخلت اتعلمت لف المحشى فى الكليه ولا اتعلمت ايه بالظبط
هو الناس دى بتقبض فلوس ليه وشغلها ايه
يعنى لو فيه حرب هنقول العساكر بتاعت الجيش تهرب ولا تروح تموت نفسها
يعنى هما اسد على الغلبان وقدام البلطجى نعامه

المفروض بعد كده كل ظابط جديد يتخرج يطلع من الكليه معاه طرحه بيلت ان علشان يفضل لابسها

أيه معني الشغل اللي يكون فيه الإنسان ملهوش كرامة ؟؟ وبيتشتم ويتضرب من أهله وناسه ؟؟
أرجع تاني وأقول أن مينفعش نقعد ف بيتنا نحط رجل علي رجل ونقول ده شغلهم اللي بياخدو عليه فلوس ...
الحكاية مش حكاية خووف .... لكن حكاية أن حد هيقدر أنك نازل تموت عشانه ولا مستني تديله ضهرك عشان يضربك ..