شكرا على الردود الجميلة العربية عاملة معايا 1700كم وظابط الهواء على 28أمامى 30خلفى وعلفكرة سفرت بالعربية تانى لقيت العربية فيها ثبات أفضل من الالو بس هى العربية بتروح مع منحنيات الطريق مش ثبتة فى أدى لازم أبقى مركز على الاسفلت
عرض للطباعة
شكرا على الردود الجميلة العربية عاملة معايا 1700كم وظابط الهواء على 28أمامى 30خلفى وعلفكرة سفرت بالعربية تانى لقيت العربية فيها ثبات أفضل من الالو بس هى العربية بتروح مع منحنيات الطريق مش ثبتة فى أدى لازم أبقى مركز على الاسفلت
وبعدين بقى فى قسم اللوجان ده
يعنى الغيه خالص ولا ايه
كل مدخل منتدى الاقى موضوع مشكله بين اللوجان واى عربيه تانيه
بغض النظر بقى اننا كلنا ناس كويسه ومحترمه وكل واحد بيحب عربيته
بس احنا داخلين المنتدى عشان نتعلم ونتعرف ونفيد
فمينفعش ابدا المنتدى الى الواحد بيدخل عليه عشان يشوف الرابطه بتعتوا ويشوف ايه الجديد
وينسى معاه الهموم والشغل واى حاجه مقرفه
يبقى هوا كمان فى مشاكل وخناق
فلاما يكون فى دم بقى وناس بطير لاما كل واحد يروح ونرش ميه الله
صلوا على النبى كدا والعربيه لو مش كويسه مكناش شوفنا انتقاضات
بص يا باشا ..انا معنديش مشكله ندخل فى نقاش لمده سنه كامله ..شرطى الوحيد ان النقاش يكون فى حدوده فقط و ميدخلش فيه خطأ فى الغير و ده الى زعلنى ..ان حضرتك غلط فيا اكتر من مره واتريقت على كلامى كتير ..
ممكن اكون غلطان ..لكن مش معنى انى غلطان ان حضرتك تغلط فيا ..
انا لما قولت لحضرتك كلامى عن الالمانى كان ناتج عن معلومات اتعلمتها من ناس خبيره هنا ..وتجارب مريت بيها بنفسى سواء جرى واختبارات سحب و ثبات و امان ..لحد الحوادث جربت:16: ..وعدد عربيات المانى امتلكانه مش هذكره لانه لن يزيد او ينتقص من الكلام شىء ..فأنا لما بتكلم مش بقول كلام سمعته و مش بعتمد على نظام "بيقولك"..
واساسا الخلاف بينا مكنش كبير ..احنا متفقين ان الالمانى ثابت ..واثبت عربيه ..الخلاف عن مدى ثباته فى وجود هوا (ومتفقين انه بردو اثبت عربيات فى وجود الهوا)..
لكن اعذرنى اسلوبك الهجومى الى دايما فيه تقليل من شأن الغير و تريقه على كلامهم بيخلى الواحد ياخد موقف ضدك ..
حضرتك اكيد انا لما اقولك "انت مركبتش عربيات المانى اد ما انا ركبت" اكيد هتزعل منى ..
ولما اقولك "بلاش فتى" ...هتزعل منى
ولما اقول على كلامك "بلاش جهل" هتزعل منى ..
ولما اقول على كلامك بتنجان (بغض النظر بقى مقلى ولا مسلوق:oops1: المهم انه بتنجان)
اكيد كل ده هيزعلك ..اعكس بقى ..هتلاقى ان انت الى قلت الكلام ده ليا ..
فى النهايه يحتسب ليك اعتذارك ...لان كلنا بنغلط ..
وانا مش زعلان منك خلاص مفيش مشكله
حصل خير ..بس بردو النص نقل الى فى التوقيع بتاعى هى الى غيرتك كده:grin54: هههههههههه
كلام حضرتك كله صح لكن فى نقطتين غلط بغض النظر عن العربيه النقل ههههههههههههههههههههههههه
اولا انا لما قولت بلاش جهل مكانش قصدى انت انا كان قصدى ان الناس ببتكلم وخلاص مش حضرتك بس
وموضوع البتنجان ده كانت قافيه كده وخلاص مش قصدى اضايق حد ( كان مقلى على فكره ههههههههههههههههههه)
وموضوع انى ركبت عربيات المانى اكتر منك او ااقل عمرى ما اضايق منه ابدا يمكن حضرتك حساس شويه بس ايه يعنى لما تيجى تقولى انك ركبت مثلا 100 عربيه المانى هضايق ليه ( ربنا يزيد ويبارك ) ايه اللى هيضايقنى
لكن موضوع فتى ده انا غلطان فيه وبجد انا اسف
منور ردك الجميل يا استاذى
الله يطمنكو لانى قلقت من كلام عدم الثبات فى الاول ولكن كلامكم طمنى والحمد لله
السلام عليكم جميعا
اولا احب اعتذر بالنيابة عن اي لوجناوي غلط في اي حد مش لوجناوي - دا طبعا اذا سمحولي - وعذري ان انا بحب المنتدي دا بجنون ومش مبسوط من اللي بيحصل
ثانيا - كون ان احنا بنحب عربيتنا وبندافع عنها باستماتة بالطريقة دي دا يوضح ان العربية كويسة لان مش معقولة كل الناس دي تتفق انها تبهدل نفسها وتتعصب علي حاجة تعبانة - انا للاسف جديد علي المنتدي وكتير من الناس مايعرفونيش (ودي فرصة نتعرف بالناس كلها) وانا بتاكيد معرفش الناس هنا باستثناء حبيبي مصطفي بس بجد خدوا كلامي ثقة العربية مش لازم تبقي ثابتة ثبات ابو الهول علي الطريق ولا ماتور طيارة ولا عفشة نار ولا مصفحة عشان تبقي عربية حكاية - العربيات عشرة:majd(4)::mahf(5)::01964E~163: - مجنون دا يا اخويا ولا اية - اه والله مهو مثلا البيتلز ما بعتش ملايين عشان هيا اجمد عربية ولا ماتور طيارة لكن الناس حبيتها ولاقيتها مماتشة احتياجاتهم وارتبطت بيها ارتباط كبير وعشان كده باعت
طب اية اللي يخلي العربية عشرة؟؟؟؟؟؟ اكيد قلة مشاكلها ومدي ملائمتها لاي بني ادم - هل الكلام دا متوفر في اللوجان - انا رايي انة بنسبة كبيرة جدا جدا ودا اللي مخلي الناس اللي ركباها حبيتها للدرجادي وبتدافع عنها اوي كده - ودا تفسيري للموقف اللي احنا محطوطين فية دلوقت :0002014A:
عموما انا عن نفسي معرفش اركب عربية الا لما احس انها بقت من العيلة - يعني انا طول عمري بقالي 18 سنة بسوق عدت عليا جميع انواع الجولفات التي تتخللها بعض البيتلز وواحده فولفو وواحده بي ام 316 موديل 79 (اه لتفتكروا ان انا ركبت بي ام بجد) انا مرتحتش الا في الجولفات والبيتلز وللاسف مش في الفولفو ولا البي ام لية معرفش - محستهمش - الي ان حبانا الله بالست لوجان - في الاول محستش بيها لكن مع الوقت حبيتها بجنون لية؟؟؟ برضة معرفش
فلنا كل العذر في حدة الكلام او مهاجمة اي حد يعيب في العربية لان من وجهة نظرنا انت بتعيب في حاجة انا بحبها اوي - زياده علي كده انا شايف ان ملهاش عيوب جوهرية تذكر ولهذا كل من يعيب فيها فهو اثم ويستحق الجلد او الشنق (دا من وجهة نظرنا) تعيب لية في حاجة مفهاش عيب؟؟؟؟؟؟؟؟؟؟ :grin54:
ولهذا فقد تقرر (ال يعني انا اللي بقرر) عدم تكرار جرم انتقاد اللوجان باي شكل من الاشكال .............. دعابة طبعا
اللي عايز يقول حاجة يقولها بس يا ريت الموضوعية واحنا كاعضاء ومالكي اللوجان تحت امر اي حد عايز يستفسر عن اي حاجة ويا ريت براحة ومن غير كلام جارح ونعدكم ان الردود حتبقي بالسلبيات قبل الايجابيات لان في الاخر يهمنا افادة الجميع
اخيرا تقبلوا تحياتي :B4_611:
اللون الاحمر مخصص للادارة فقط
مشرف 12ب
منور ياباشا
فينك مختفى بقالك حوالى 4 ايام كان فيهم حواديت كتير
والله الكلام اللى انت بتقوله ده عين العقل
وكويس انك مكنتش موجود يوم الجمعه وشوفت الموضوع اللى اتعمل فى قسم الاوبل كان حاجه تحرق الدم فعلا وتجيب الضغط والسكر كمان
بس بصراحه الناس هناك قمه فى الاحترام والادب وخصوصا طنانى باشا لانه لما حس ان الموضوع بايخ وحيعمل مشاكل قفل الموضوع وحذفه
معلش يا عمنا انا كنت مسافر القاهرة ولسة راجع امبارح بالليل وطبعا علي السرير عدل لغاية الصبح - وللاسف فوجئت بالموقعة الحربية اللي علي المنتدي هو فية اية حصل عند الناس بتاعة الاوبل اية الحكاية
تابع هنا ياباشا
http://www.nilemotors.net/Nile/225283-a.html
بس الناس بتوع اوبل دول بصراحه محترمين فوق الوصف