ميجان مستعمل ولا جين تو مستعمل ولا لوجان زيرو

السلام عليكم ورحمة الله مرحبا بأخوانى الأعزاء وكل عام وانتم بخير ونسأل الله العلى القدير ان يحمى مصر بلدنا وينعم عليها بالهدوء والاستقرار
انا معايا رينو كليو موديل 2003 عربية بسم الله مشاء الله زى الفل وانا عايز اغير ان اراد المولى ومحتار ما بين العربيات سابقة الذكر انا اهم حاجة عندى فى العربية الثبات على طريق لأن اخوكم بيحب الجرى جدا وطبعا الكليو مش مساعدنى على الجرى يعنى اخرى بيها 130 وبعد كده مارجيح طبعا ولا يفرق معايا موضوع قطع الغيار واعادة البيع ده سمعت عن الجين ان ثباتها عالى قوى وطبعا الميجان يعنى مين اكتر ثباتا الميجان ولا الجين وطبعا لو هأشترى هيكون مستعمل لآن المبلغ اللى معايا بعد بيع الكليو فى حدود 70000 جنيه ولا اجيب لوجان زيرو واريح دماغى ارجو الافادة وجزاكم الله كل خير

فين المشاركات يا شباب افادكم الله

لو بتحب الجرى يبقى اللوجان بره المنافسه
الجين قباتها حلو و هتريحك و اسعار قطع غيارها اقل من الرينو والله اعلم

اعتقد ثبات الميجان والجين2 تقريبا زي بعض
بس انا لو مكانك اجيب الميجان بصراحة عربية حلوة خصوصا لو كانت بانوراما اما الجين 2 هجيبها لو مانوال فقط علشان استمتع بجريها

الثبات حلو جدا للاتنين ومتقارب وان كان فى حالة المستعمل بيكون في تفوق بسيط للميجان

مميزات الجين تو :
1- تكسب فى الجري لان موتورها اقوي ووزنها اخف
2- شبابيه أكتر
عيوبها :
1- قطع غيرها مش متوفره بسهوله والتوكيل لسه عامل ذياده قريب فى بعض قطع الغيار
2- اقل اعتماديه بمعنى ان ممكن تلاقى بعض الكماليات بتعلق - التابلوه ممكن تسمع ليه صوت قد تكون حاجات صغيره لكن بعض الناس بيتكدر منها خصوصا لو كان معاه قبل كده اوروبي او ياباني

مميزات الميجان :
1- شكل افخم
2- شنطه اوسع
3- كماليات اكتر (فى حالة لو كانت بانوراما)
عيوبها
1- قطع غيارها مرتفعه وقليله
لكن بما انك معاك رينو فأكيد الموضوع هيكون اسهل بالنسبه لك

ومتنساش ديما الحاله بتكون هيا الفاصل

انا مش بميل للمستعمل
ولو عايز ثبات الجين هتلاقيه في الساجا وبنفس السعر اللي معاك وممكن تيجبها اوتو كمان

بصراحة العربيتين افضل من اللوجان فى حاجات كتير

بس نقول دول مستعمل والمستعمل عامل زى البطيخة


انما الجديد مفيش احسن منوا ........
عربيتك انت اول واحد راكبها

:grin54:
اللوجان ماتور الميجان 1


وان شاء الله اللى فيه الخير يقدمه ربنا

صحيح المستعمل زى البطيخة انا لو مكنك هشترى رينو لوجان على الأقل فيها فترة ضمان ( 3 سنوات او 100 الف كيلو متر ) و توكيلها ممتاز و له اسم عريق و كمليتها رائعة فيها كمبيوتر رحلات و اير باج اضافة للكمليات الأخرى و تكيفها ثلاجة و ارتفاعها عن الأرض اللى بشكل مش طبيعى ميزة خصوصا فى شوارعنا اللى مليانة نقر و مطبات فى كل حتة و مش ماثر على ثبات العربية انا بغرز بيها على 140 و مبتقولش لأ و جبت بيها 180 و كانت ثابتة بشكل رااااااااائع و انتشرت الأنتشار الرهيب دة خلال سنتين فقط و بعدين رينو و وكلاء eim مش هيحطوا اسمهم على العربية غير و هما واثقين او العربية محترمة و هتنتشر و الناس هتشكر فيها و بفضل الله تعالى انتشرت و اكتسحت السوق و خلصت من السوق لدرجة انهم جابوا دفعة اتحد اوروبى + المغربى لأن نسبة الحجز عليها جاااااااااامد و الأقبال عليها شديد لدرجة ان العرض الترويجى بتاع التحاد الأوروبى انتهى و دلوقتى بتحجز مغربى و تستلم فى شهر 8 تقريبا و نزلها قطع غيار و اعضاء اللوجان قالوا على سماء المحلات فى مختلف المحافظات و قالوا على ارقام تليفوناتهم و عفشتها ناعمة جداااا كأنك جالس على ريشة و موتورها ناعم برضه و شنطتها واسعة جدااااا و ينام فيها فيل 510 اتر ما شاء الله و صالونها واسع بدرجة متتخيلهاش بس يتميز بالبساطة مع مواد فوق الممتازة و ادخل على قسم اللوجان و انت تعرف الناس بيشكروا فيها قد ايه و بيحبوها ازاى انا عن نفسى بعشق العربية يوم بعد يوم و بتمنى ان المشوار يطولع علشان افضل قاعد فيها و استمتع بقيادتها بصراحة هى عجبانى على الأخر و مريحانى كمان و شايف انها تستاهل المبلغ اللى يدفع فيها مع العلم ان لو العربية نازلة بجماك كان سعرها مش هيقل عن 85000 جنيه علشان فى ناس فاكرين ان العربية اللى اغلى احسن ....
نصيحة لوجه الله ابعد عن الميجان الكهرباء بتاعتها فيها عفريت و حاجتها غالية جدااا لكن متوفرة و معمرة و مفيش ميكانيكى بيعرف يشتغل فيها ...
فى النهاية اسف على الأطالة و مش عاوز حد يزعل منى لأن دة رأيى الشخصى و بكل صراحة و بدون انحياز و اختلاف الرأى لا يفسد للود قضية و لو اتفقت الأراء لبارت السلع و ربنا يوفقك فى العربية اللى هتشتريها سواء كانت لوجان او غير لوجان و تقبل خاااااااااااالص تحياتى .....

الف شكر لكل الاخوة الذين شاركوا بالرد وانا بالفعل ميال اكتر للميجان وانا معايا رينو يعنى الموضوع مش جديد عليا بس موضوع مشاكل الميجان ده مقلقنى شوية ده انا كل ما اروح فرنش موتورز علشان اعمل صيانة للكليو اسئل العاملين فى المركز عن أرائهم فيها يقولوا عربية ركوبة على أعلى مستوى بس قطع الغيار غالية شوية والخوف لو دخلت فى مشاكل وفتحت بقها ورغم ذلك مغرم جدا بيها من خلال ركوبى للكليو بقول فى عقل بالى لما القردة الصغيرة ده حلوة كده ومال الميجان عاملة ازاى بقا ولما لقيت الاعضاء هنا فى المنتدى بيشكورا فى الجين ابتديت افكر فيها برده حيرة والله نصبر شوية ونسمع راى الاحباء كمان

اقتباس:

---

المشاركة الأصلية كتبت بواسطة ayman1204

بصراحة العربيتين افضل من اللوجان فى حاجات كتير

بس نقول دول مستعمل والمستعمل عامل زى البطيخة


انما الجديد مفيش احسن منوا ........
عربيتك انت اول واحد راكبها

:grin54:
اللوجان ماتور الميجان 1


وان شاء الله اللى فيه الخير يقدمه ربنا

---

كلااام سليم 100%

هي الميجان حضرتك تمتاز عن الجين 2 في التقفيل و الفخامة و نعومة العفشة في المطبات
و الاتنين نفس الثبات تقريبا ( ثبات ممتاز جدا جدا)
و الجين2 تمتاز بفارق بسيط جدا في التسارع و في الشكل بردو (من وجهة نظري الشخصية )
انا لو قدامي ال 3 عربيات اخد الميجان مع العلم باني بحب اوي الجين لكن بردو الميجان عالية عليها شوية
و ربنا يوفقك يا باشا

يا راجل يامفترى الميجان فئة تانية خااااااااااالص عن الاتنين التانيين .... العربية وهمية فى الركوب ةالمشى والثبات والفراااااااامل خرافية على اللمسة

طالما مش همك قطع الغيار و عايز ثبات طبعا ميجان .... بس خد بالك تجميعها مش قوى بس توب سبيد عالى

[QUOTE=bero0o0o0;3873558805]هي الميجان حضرتك تمتاز عن الجين 2 في التقفيل و الفخامة و نعومة العفشة في المطبات
و الاتنين نفس الثبات تقريبا ( ثبات ممتاز جدا جدا)
و الجين2 تمتاز بفارق بسيط جدا في التسارع و في الشكل بردو (من وجهة نظري الشخصية )
انا لو قدامي ال 3 عربيات اخد الميجان مع العلم باني بحب اوي الجين لكن بردو الميجان عالية عليها شوية
و ربنا يوفقك يا باشا[/QUOTE
جزاك الله كل خير اخى الكريم على الرد انا فعلا ميال للميجان اكتر والله الموفق والمستعان

اقتباس:

---

المشاركة الأصلية كتبت بواسطة ashouhdy

يا راجل يامفترى الميجان فئة تانية خااااااااااالص عن الاتنين التانيين .... العربية وهمية فى الركوب ةالمشى والثبات والفراااااااامل خرافية على اللمسة

طالما مش همك قطع الغيار و عايز ثبات طبعا ميجان .... بس خد بالك تجميعها مش قوى بس توب سبيد عالى

---

والله يا دكتور احمد ما انا عارف ان الميجان ممتازة جدا بس لما سمعت عن الجين تو قلت نقارن برده ونشوف الخير فين ان شاء الله وانا معايا كليو يعنى متعود على التوكيل بس الحق العربيات الرينو ده مهضوم حقها فى مصر والله عربيات اكتر من ممتازة وقمة الرفاهية المتعة فى القياده بكافة انواعها طبعا فى العربيات فى الماركات التانية اكيد ممتازة بس انا بتكلم على اللى جربته وتحياتى لشخصكم الموقر

لولا ثقافة السوق كانت الميجان المستعملة متقلش عن 90 الي 100 الف الصراحة امكانيات جبارة وشكل وهمي وماركة وتوكيل ممتاز بس تقول اية مصر عايزا عربية مفيهاش اي تكنولوجيا علشان الاسطي بلية الميكانيكي يعرف يصلحها باحساسة وبلاس كمبيوتر ولا اسكانر دي كلها حاجات اخترعها الاجانب علشان بضحكو علينا ويخدو فلوسنا.
توكل علي اله وهات ميجان بنورما 2006 الي مافوق بس اهم حاجة اكشف عليها في التوكيل.
والله الموفق

اقتباس:

---

المشاركة الأصلية كتبت بواسطة egytamer

لولا ثقافة السوق كانت الميجان المستعملة متقلش عن 90 الي 100 الف الصراحة امكانيات جبارة وشكل وهمي وماركة وتوكيل ممتاز بس تقول اية مصر عايزا عربية مفيهاش اي تكنولوجيا علشان الاسطي بلية الميكانيكي يعرف يصلحها باحساسة وبلاس كمبيوتر ولا اسكانر دي كلها حاجات اخترعها الاجانب علشان بضحكو علينا ويخدو فلوسنا.
توكل علي اله وهات ميجان بنورما 2006 الي مافوق بس اهم حاجة اكشف عليها في التوكيل.
والله الموفق

---

:16::16::16::16::16::16::16::16::16::16::16::16::1 6::16:

اقتباس:

---

المشاركة الأصلية كتبت بواسطة egytamer

لولا ثقافة السوق كانت الميجان المستعملة متقلش عن 90 الي 100 الف الصراحة امكانيات جبارة وشكل وهمي وماركة وتوكيل ممتاز بس تقول اية مصر عايزا عربية مفيهاش اي تكنولوجيا علشان الاسطي بلية الميكانيكي يعرف يصلحها باحساسة وبلاس كمبيوتر ولا اسكانر دي كلها حاجات اخترعها الاجانب علشان بضحكو علينا ويخدو فلوسنا.
توكل علي اله وهات ميجان بنورما 2006 الي مافوق بس اهم حاجة اكشف عليها في التوكيل.
والله الموفق

---

أتفق معاك تماما

لا الفكرة مش كدة الفكرة ان فى اعتقاد قوى ان اعطلها كتيرة و قطع غيراها نار , طب ما الالمانى منتشر و قطع غيارة غالية و مش اة خد يقهم فية الفكرة فى السمعة عن الاعتمادية , متتحاملش على الناس اوى كدة

بصراحه حضرتك بتقارن مقارنه غير عادله خالص

الميجان تقريبا احسن ف كل حاجه وفئه اعلى بكتير بس بصراحه الصيانه وقطع الغيار تخرم الجيب واسأل حضرتك على اسعار قطع الغيار والصياانات وهتفهم اصدى

بس هيه ممتازه من مجاميعه

اقتباس:

---

المشاركة الأصلية كتبت بواسطة mxz911

بصراحه حضرتك بتقارن مقارنه غير عادله خالص

الميجان تقريبا احسن ف كل حاجه وفئه اعلى بكتير بس بصراحه الصيانه وقطع الغيار تخرم الجيب واسأل حضرتك على اسعار قطع الغيار والصياانات وهتفهم اصدى

بس هيه ممتازه من مجاميعه

---

انا عارف يا باشا موضوع قطع الغيار ده كويس لأنى دارس العربية كويس والف شكر لذوق حضرتك وردك انت وجميع الاخوة الاعزاء

الميجان افضل إختيار بس الأفضل تكون بانوراما هاى لاين عربيه مريحه وفخمة وفرق سعرها عن الفئات الاقل مش كتيير والفتيس ستيب ترونك يعنى لو بتجب الشد والجرى بتخليه على الوضع المانيوال و التوب سبيد ف العداد 250 كلم أعلى من الجين 2 بس تعمل حسابك انها محتاجه اهتمام خاص وصيانه دوريه
الرأى بناء عن تجربه وربنا يوفقك