الموضوع: لقطات لم تشاهدها من قبل لمعركة كوبرى قصر النيل

المشاهد اللي اتصورت علي كوبري قصر النيل كانت مؤثرة جدا و الهمت ناس كتير للنزول و المشاركة في الثورة
و اكثر مشهد مؤثر كان الناس اللي بتصلي و الامن بيرشهم بالمية و بعد كده مشهد قوات الامن و المدرعات و هي بتنسحب امام الشعب الي بيطالب بحريته و حقوقه...يا ريتني كنت معاهم...انا و اخواتي ووالدي كنا وراهم في ميدان الجلاء و معانا ناس كتير و ما رضيناش نكمل لميدان التحرير عشان ما نتحاصرش و يفضونا زي ما عملوا يوم 25 و قلنا نسيطر علي كل الميادين احسن ما نتركز في ميدان واحد

بس تخيلوا الروح المعنوية للجنود و ظباط الامن المركزي و هما واقفين يرشوا مية علي ناس بتصلي....للاسف الجنود و الظباط الصغار كانوا بينفذوا اوامر رؤوساءهم و اتحطوا في موقف لا يحسدوا عليه لما لاقوا نفسهم واقفين قدام الشعب كله ...مش قلة مندسة زي ما اتقال لهم